Detox Drink : உடலின் கழிவுகளை அடித்து வெளியேற்றி ஆரோக்கியத்தை அதிகரிக்க வேண்டுமா? இந்த ஒரு பானம் போதும்!

ஆனால் பிரச்னைகள் சிறிய அளவில் இருக்கும்போதே நாம் வீட்டிலே சிலவற்றை செய்தால், எளிய பிரச்னைகளில் இருந்து குணமாகி, அவை மேலும் அதிகரிக்காமல் தடுக்க முடியும். அவ்வாறு இன்று நீங்கள் தெரிந்துகொள்ளப்போவது என்ன?

உடல் பருமன்

உடலில் கொழுப்பு அதிகரிக்கும்போது உடல் எடை அதிகரிக்கிறது. உடல் பருமனை நாம் அழகு பிரச்னையாக மட்டும் பார்க்கக்கூடாது. இது மருத்துவ பிரச்னையும் ஆகும். இது பல நோய்கள் மற்றும் உடல் உபாதைகளை அதிகரிக்கிறது.

இது இதய நோய், நீரிழிவு, உயர் ரத்த அழுத்தம், அதிக கொழுப்பு, கல்லீரல் கோளாறுகள், உறக்கப் பிரச்னைகள் மற்றும் சிலவகை புற்றுநோய்களையும் இது ஏற்படுத்துகிறது.

சிலருக்கு உடல் எடையை குறைப்பது மிக சவாலான ஒன்றாக இருக்கலாம். உடல், சூழல், உணவு, உடற்பயிற்சியின்மை, மரபு என உடல் பருமனுக்கு பல்வேறு காரணங்கள் உள்ளன.

உடல் பருமனால் அவதிப்படுபவர்கள் கொஞ்சம் அளவு எடையைக் குறைத்தாலும் அது உடல் ஆரோக்கியத்துக்கு வழிவகுக்கும். ஆரோக்கியமான உணவு, உடற்பயிற்சி, வாழ்வியல் மாற்றங்கள் ஆகிய யாவும் உங்களுக்கு உடல் எடையை குறைக்க உதவுகிறது. உடல் பருமனுக்கு சிகிச்சையளிப்பதில் மருந்து மாத்திரைகளும் இடம் பெறுகின்றன.

ஆனால் இயற்கை வழிகளிலும் உடல் எடையை குறைக்க முடியும். அதற்கு சில பானங்கள் உதவுகின்றன. அவை உங்கள் உடல் எடையை குறைப்பதுடன், உங்கள் உடல் ஆரோக்கியத்துக்கும் வழிவகுக்கின்றன. அதில் ஒன்றை இங்கு தெரிந்துகொள்ளுங்கள்.

உங்கள் உடலில் சேரும் கழிவுகளை அவ்வப்போது நீக்கினாலே போதும். உங்கள் உடல் எடை குறைவதுடன் ஆரோக்கியமும் மேம்படும். இன்று உங்கள் உடல் கழிவுகளை நீக்கும் ஒருமுறை இங்கு கொடுக்கப்பட்டுள்ளது.

தேவையான பொருட்கள்

ஆப்பிள் – 1 (தோல் நீக்கியது)

எலுமிச்சை சாறு – ஒரு பழத்தின் சாறை பிழிந்து எடுத்துக்கொள்ளவேண்டும்

இஞ்சி – ஒரு இன்ச்

செய்முறை

ஒரு மிக்ஸி ஜாரில் தோல் நீக்கி நறுக்கிய ஆப்பிள், எலுமிச்சை சாறு, இஞ்சி மற்றும் ஒரு டம்ளர் தண்ணீரை ஊற்றி நன்றாக அடிக்கவேண்டும். அதை வடிகட்டி தினமும் காலையில் வெறும் வயிற்றில் பருகினால் உங்கள் உடலில் உள்ள கழிவுகளை இந்த பானமே அடித்து வெளியேற்றிவிடும்.

இதனால் உங்கள் உடலில் கழிவுகள் தேங்காமல் வெளியேறி, உடலின் ஆரோக்கியம் மேம்படும். மேலும் இது உங்களுக்கு பருகவும் நன்றாக இருக்கும். செய்வதும் எளிது. உடலுக்கு ஆரோக்கியத்தையும் வழங்கக்கூடியது.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.