தஹி பைங்கன் : ஒடியா ஸ்டைல் தஹி பைங்கன்; கத்தரிக்காய் மோர் கறிதாங்க; சுவையில் அசத்தும்!

(ஒரு பவுலில் தயிரில் உப்பு சேர்த்து விஸ்க் வைத்து நன்றாக அடித்து வைத்துவிடவேண்டும்)

கத்தரிக்காய் மசாலா செய்ய தேவையான பொருட்கள்

• எண்ணெய் – 4 டேபிள் ஸ்பூன்

• கத்தரிக்காய் – 2 (வட்டமாக வெட்டிக்கொள்ளவேண்டும்)

• மிளகாய்த் தூள் – ஒரு ஸ்பூன்

• மல்லித் தூள் – ஒரு ஸ்பூன்

• மஞ்சள் தூள் – கால் ஸ்பூன்

ஸ்பெஷல் மசாலா அரைக்க தேவையான பொருட்கள்

• கடுகு – கால் ஸ்பூன்

• சீரகம் – அரை ஸ்பூன்

• சோம்பு – அரை ஸ்பூன்

• கருஞ்சீரகம் – கால் ஸ்பூன்

• வெந்தயம் – கால் ஸ்பூன்

• வர மிளகாய் – 2

• மல்லித்தழை – சிறிதளவு

(இவற்றையெல்லாம் தயார் செய்து வைத்துக்கொண்டால் இந்த கத்தரிக்காய் மோர் கறி செய்ய 10 நிமிடங்கள் மட்டும் போதும். பரபரப்பான நாளில் இதை செய்துவிட்டு நீங்கள் மற்ற வேலைகளைப் பார்க்கலாம். தென்னிந்தியாவில் தயாரிக்கப்படும் கத்தரிக்காய் மோர்கறிகளுக்கு இதில் சேர்க்கப்படும் அந்த சிறப்பு மசாலாதான் சுவை கொடுக்கிறது. இதை செய்து சாப்பிட்டு மகிழுங்கள்)

மசாலா அரைப்பது எப்படி?

ஒரு கடாயில் கடுகு, சோம்பு, சீரகம், கருஞ்சீரகம் மற்றும் வெந்தயம் ஆகிய அனைத்தையும் ட்ரையாக வறுக்கவேண்டும். அவற்றை ஒரு காய்ந்த மிக்ஸி ஜாரில் சேர்த்து பொடித்துக்கொள்ளவேண்டும். இந்த மசாலாப்பொடியை முதலில் தயாரித்து வைத்துவிடவேண்டும்.

மேலும் வாசிக்க - ஆன்மீகம் என்பது அன்பே என குழந்தைகளுக்கு எடுத்துக்கூறும் வழிகள் எவை தெரியுமா?

மேலும் வாசிக்க - பணியிடத்தில் நச்சு உறவுகள்; என்ன செய்து தவிர்க்கலாம்? இதோ வழிகாட்டி!

செய்முறை

1. ஒரு கடாயில் எண்ணெய் சேர்த்து அது சூடானவுடன், அதில் கத்தரிக்காய்களை வைக்கவேண்டும். இதற்கு ஃப்ளாட் கடாய் எடுத்துக்கொள்வது நல்லது. அதில் மிளகாய்த் தூள், மஞ்சள் தூள், மல்லித்தூள் சேர்த்து வட்ட வட்டமாக வெட்டிய கத்தரிக்காய் துண்டுகளை தனித்தனியாக வைத்து, இவற்றையயெல்லாம் அதில் சேர்த்த வறுக்கவேண்டும்.

2. அடுத்து அரைத்த மசாலாப் பொடியை சேர்க்கவேண்டும். சேர்த்து கத்தரிக்காயை நன்றாக வறுக்கவேண்டும்.

3. கத்தரிக்காய் நல்ல சுருள வறுபட்டவுடன், அடித்து வைத்துள்ள தயிரில் சேர்த்து, மல்லித்தூள் தூவி கிளறினால் சூப்பர் சுவையான தஹி பைங்கன், கத்தரிக்காய் மோர் கறி தயார்.

4. இதை சூடான சாதத்தில் தொட்டுக்கொண்டு சாப்பிட சுவை அள்ளும். இதை பூரி அல்லது சப்பாத்திக்கும் தொட்டுக்கொண்டு சாப்பிடலாம். நன்றாக இருக்கும்.

மேலும் வாசிக்க - மே- ஜூன் மாதத்தில் பூத்துக்குலுங்கம் செடிகள் எவை? உங்கள் வீட்டுக்கு குளுமையைக் கொண்டுவரும்!

உங்கள் வீட்டில் உள்ள குழந்தைகள் முதல் பெரியவர்கள் வரை அனைவரும் விரும்பி சாப்பிடுவார்கள். ஒருமுறை ருசித்தால் மீண்டும் வேண்டும் என்று நினைப்பீர்கள். எனவே ஒருமுறை செய்து சாப்பிட்டு மகிழுங்கள்.