Benefits of Cycling : சைக்கிள் ஓட்டுவது உடலுக்கு நல்லது; இந்த 8 காரணங்களுக்காக நீங்கள் இதை செய்யலாம்! அவை என்ன?
சைக்கிள் ஓட்டுவதால் உங்கள் உடலுக்குக் கிடைக்கும் நன்மைகள் என்ன?

சைக்கிள் ஓட்டுவது உங்கள் உடல் நலனுக்கு மிகவும் நல்லது. எனவே நீங்கள் இந்த 8 காரணங்களுக்காக சைக்கிள் ஓட்டி பழகலாம். அது என்னவென்று பாருங்கள். தினமும் சைக்கிள் ஓட்டுவதால் கிடைக்கும் நன்மைகளை தெரிந்துகொண்டால் நீங்கள் கட்டாயம் சைக்கிள் ஓட்டுவீர்கள். ஏனெனில் சைக்கிள் ஓட்டுவது ஒரு ஃபன் நடவடிக்கை மட்டும் கிடையாது அல்லது போக்குவரத்துக்கு உதவக்கூடியது மட்டும் கிடையாது. இது உங்கள் ஒட்டுமொத்த உடல் மற்றும் மன ஆரோக்கியத்தை மேம்படுத்தும் பழக்கங்களுள் ஒன்றாகும். நீங்கள் உங்களுக்கு பிடித்த இயற்கை எழில் நிறைந்த பகுதிகளின் வழியாக சைக்கிள் ஓட்டுகிறீர்கள் அல்லது நிற்கும் பைக்கில் பெடல் மட்டும் செய்கிறீர்கள். உங்களுக்கு குறைந்த பாதிப்பைக் கொடுக்கும் இந்த பயிற்சி உங்கள் உடலுக்கு எண்ணற்ற நன்மைகளைக் கொடுக்கிறது. நீங்கள் ஏன் தினமும் சைக்கிள் ஓட்டிப்பழகவேண்டும் என்று பாருங்கள்.
தசைகளின் வலுவை அதிகரிக்கிறது
நீங்கள் சைக்கிள் ஓட்டும்போது பல்வேறு தசை தொகுப்புக்களும் அதில் ஈடுபடுகிறது. கால், தொடைப்பகுதி மற்றும் இடுப்பில் உள்ள தசைப் பகுதிகளுக்கு ஒரு சிறிய பயிற்சி கிடைக்கிறது. இது உங்கள் தசைகளின் ஆரோக்கியத்தை அதிகரிக்கிறது. இது நீங்கள் நிற்கும் நிலை, உங்கள் உடலின் சமம் மற்றும் ஒட்டுமொத்த நெகிழ் தன்மையையும் அதிகரிக்கிறது.
நுரையீரலின் ஆற்றலை அதிகரிக்கிறது
நீங்கள் சைக்கிள் ஓட்டும்போது நீங்கள் மூச்சுவிடுவதில் ஒரு சமநிலை ஏற்படும். அது உங்கள் நுரையீரலுக்கு வலு சேர்க்கிறது. அது உங்களின் திறனை அதிகரிக்கிறது. இந்த அதிகமான நுரையீரல் திறன், உங்களுக்கு ஆக்ஸிஜன் கொடுப்பதை மேம்படுத்துகிறது. உங்கள் உடல் முழுமைக்கும் சீரான முறையில் கிடைக்க வழி செய்கிறது. இது உங்கள் உடலின் தாங்கும் திறனை அதிகரிக்கிறது.
மூட்டு ஆரோக்கியம்
சைக்கிளிங் என்பது குறைவான அழுத்தம் தரும் ஒரு பயிற்சிதான். இது உங்கள் மூட்டுகளுக்கு உதவுகிறது. இதை உங்களின் சிறந்த பயிற்சியாக நீங்கள் வைத்துக்கொள்வது, அனைவருக்கும் நல்லது. குறிப்பாக ஆர்த்ரிட்டிஸ் நோயாளிகளுக்கு மிகவும் சிறந்தது. இது உங்கள் தசைக் கூட்டங்களை வலுப்படுத்துகிறது. உங்கள் மூட்டுகளை சுற்றியுள்ள தசைகளுக்கு வலு கொடுக்கிறது. உங்களுக்கு நிலையாக நிற்பதற்கு உதவுகிறது.
இதய ஆரோக்கியத்தை மேம்படுத்துகிறது
நீங்கள் சைக்கிள் ஓட்டும்போது இது உங்கள் இதயத்தை வலுப்படுத்துகிறது. இதனால் ரத்த ஓட்டம் அதிகரிக்கிறது. இது உங்களுக்கு இதய நோய்கள் ஏற்படும் ஆபத்தைக் குறைக்கிறது. எனவே நீங்கள் சைக்கிள் ஓட்டுவதை வழக்கமாக்கிக்கொள்வது உங்களின் ரத்த அழுத்தத்தை முறையாகப் பராமரிக்க உதவுகிறது. உங்கள் கொழுப்பு அளவுகளை நன்முறையில் கடைபிடிக்க உதவுகிறது.
உடல் எடையை முறையாகப் பராமரிப்பதில் உதவுகிறது
நீங்கள் சைக்கிள் ஓட்டும்போது உங்கள் உடலில் உள்ள கலோரிகள் நல்ல முறையில் எரிக்கப்படுகிறது. இதனால் நீங்கள் சிறப்பான வழியில் அதிக பவுண்டுகளை இழக்கிறீர்கள். எனவே உங்கள் அன்றாட வேலையில் சைக்கிள் ஓட்டுவதை கட்டாயமாக்கிக் கொள்ளுங்கள். இது உங்களின் உடல் எடையை முறையாகப் பராமரிக்க உதவும். இது உங்கள் கால்களுக்கு சிறந்த பயிற்சியைக் கொடுக்கும்.
மன ஆரோக்கியத்தை அதிகரிக்கிறது
வெளியில் சைக்கிள் ஓட்டும்போது, நீங்கள் சுத்தமான தூய காற்றை சுவாசிக்கிறீர்கள். இது உங்கள் மனஅழுத்தம், பயம் மற்றும் பதற்றத்தைக் குறைக்கிறது. நீங்கள் ஒரே மாதிரி ஸ்டைலில் சைக்கிள் ஓட்டும்போது, உங்கள் உடலில் உள்ள எண்டோர்ஃபின்கள் சிறப்பான முறையில் வெளியேற அது உதவுகிறது. இது மனதின் ஆற்றலை இயற்கையாகவே மேம்படுத்த உதவுகிறது. இதனால் உங்களுக்கு மகிழ்ச்சியாகவும், புத்துணர்வும் கிடைக்கிறது.
நோய் எதிர்ப்பாற்றலை அதிகரிக்கிறது
நீங்கள் சைக்கிள் ஓட்டுவதை வழக்கமாக்கிக்கொள்ளும்போது, அது உங்கள் உடலின் நோய் எதிர்ப்பாற்றலை அதிகரிக்க உதவுகிறது. இது உங்கள் உடல் தொற்றுக்களை எதிர்த்து நன்முறையில் போராட உதவுகிறது. இந்த தொடர் உடற்பயிற்சிப் பழக்கம், உங்கள் உடலின் முக்கிய நோய் எதிர்ப்பு செல்களின் உற்பத்தியை மேம்படுத்துகிறது.
சுற்றுச்சூழலுக்கு உகந்த உடற்பயிற்சி
சைக்கிள் ஓட்டுவது சுற்றுச்சூழலுக்கு உகந்த உடற்பயிற்சியாகும். நீங்கள் மோட்டார் வாகனங்களுக்குப் பதில் சைக்கிள் ஓட்டவதை தேர்ந்தெடுக்கும்போது, அது கார்பன் வெளியேறும் அளவைக் குறைக்கிறது. இதனால் புவி வெப்பமடைதல் தடுக்கப்படுகிறது. இதன்மூலம் நீங்கள் சுற்றுச்சூழலின் ஆரோக்கியத்துக்கும் வழிவகுக்கிறீர்கள் என்று கூறலாம்.

தொடர்புடையை செய்திகள்
டாபிக்ஸ்