வெள்ளரி ஊறுகாய் : சட்டுன்னு செஞ்சிடலாம் இந்த வெள்ளரி ஊறுகாயை; நீண்ட நாள் வெச்சு சாப்பிடலாம்!

தேவையான பொருட்கள்

• வெள்ளரி – 4

• வினிகர் – ஒரு கப்

• தண்ணீர் – ஒரு கப்

• கல் உப்பு – 2 டேபிள் ஸ்பூன்

• சர்க்கரை – 2 டேபிள் ஸ்பூன்

• பூண்டு – 4 பல் (நைத்தது)

• கடுகு – கால் ஸ்பூன்

• சில்லி ஃப்ளேக்ஸ் – ஒரு ஸ்பூன் (இது தேவைப்பட்டால் சேர்த்துக்கொள்ளலாம். இல்லாவிட்டால் விட்டுவிடலாம்)

மேலும் வாசிக்க - அதிர்ஷ்ட மூங்கிலை உங்கள் படுக்கையறையில் வைக்கும்போது எத்தனை ஆச்சர்யங்கள் ஏற்படுகிறது என்று பாருங்கள்.

மேலும் வாசிக்க - ரசப்பிரியரா நீங்கள்? இந்த பொடி மட்டும் போதும்! உங்கள் வீட்டு ரசம் ஊரே மணக்கும்!

செய்முறை

1. வெள்ளரியை சுத்தம் செய்து நீளவாக்கில் சிறிய துண்டுகளாக நறுக்கிக்கொள்ளவேண்டும்.

2. வினிகர், தண்ணீர் மற்றும் உப்பு சேர்த்து உப்பு கரையும் வரை அதை சூடாக்கவேண்டும்.

3. அதில் நறுக்கிய வெள்ளரிக்காயை ஊறவைக்கவேண்டும். ஒரு பாட்டிலில் இந்தக் கலவையை சேர்த்துக்கொள்ளவேண்டும். அதில் பூண்டும் சேர்த்து ஊறவிடவேண்டும். மேலும் கடுகு, சர்க்கரை மற்றும் சில்லி ஃப்ளேக்ஸையும் சேர்த்து ஊறவைத்துக்கொள்ளவேண்டும்.

4. இந்தக் கலவையை 24 மணி நேரம் ஃபிரிட்ஜில் வைத்துவிடவேண்டும். இதை ஊறவைத்து சாப்பிடவேண்டும். ஊற ஊற இதன் சுவை அதிகரிக்கும்.

மேலும் வாசிக்க - நீங்கள் இன்ஸ்டா இன்புளூயன்சர் என்றாலோ அல்லது புதிய இடங்களுக்குச் சென்று அதை சமூக வலைதளங்களில் பதிவிடுபவர் என்றால், புதுச்சேரியில் நீங்கள் சுற்றிப் பார்க்கவேண்டிய இடங்கள் எவை என்று பாருங்கள்.

இதை தயிர் சாதம் மற்றும் சப்பாத்திக்கு தொட்டுக்கொண்டு சாப்பிடலாம். சூப்பர் சுவையானதாக இருக்கும். இந்த தயிர் சாதத்தை செய்வது எப்படி என்று பார்க்கலாம். சாதத்தை முதலில் வடித்துக்கொள்ளவேண்டும். அதில் ஒரு கப் பால் மற்றும் கால் கப் தயிர் சேர்த்து நன்றாக அடித்து மசிக்கவேண்டும். அடுத்து ஒரு கடாயில் எண்ணெய் ஊற்றி அது சூடானவுடன், கடுகு, உளுந்து, கறிவேப்பிலை தாளிக்கவேண்டும். அது பொரிந்தவுடன் பச்சை மிளகாய் மற்றும் தட்டிய கால் இன்ச் இஞ்சி சேர்த்து வதக்கி இந்த தயிர் சாதத்தில் சேர்க்கவேண்டும். அப்படி சேர்த்தால் சுவையான தயிர் சாதம் தயார். இதற்கு வெள்ளரி ஊறுகாயை தொட்டுக்கொண்டு சாப்பிடலாம். இந்த வெயிலுக்கு இதைவிட இதமான ரெசிபி ஒன்று இருக்க முடியாது.