Tamil News  /  Lifestyle  /  Cowpea Sundal This Sundal Strengthens Bones Take A Handful Every Day

Cowpea Sundal : எலும்பை வலுவாக்கும் இந்த சுண்டல்; ஒரு கைப்பிடியளவு தினமும் இப்டி செஞ்சு பாருங்க!

Priyadarshini R HT Tamil
Feb 13, 2024 12:06 PM IST

Cowpea Sundal : எலும்பை வலுவாக்கும் இந்த சுண்டல்; ஒரு கைப்பிடியளவு தினமும் இப்டி செஞ்சு பாருங்க!

Cowpea Sundal : எலும்பை வலுவாக்கும் இந்த சுண்டல்; ஒரு கைப்பிடியளவு தினமும் இப்டி செஞ்சு பாருங்க!
Cowpea Sundal : எலும்பை வலுவாக்கும் இந்த சுண்டல்; ஒரு கைப்பிடியளவு தினமும் இப்டி செஞ்சு பாருங்க! (spice india online)

ட்ரெண்டிங் செய்திகள்

பாசிப்பருப்பு – 2 டேபிள் ஸ்பூன்

மெலிதாக நறுக்கிய வெங்காயம் – அரை கப்

பச்சைமிளகாய் – 2

இஞ்சி – அரை அங்குலத்துண்டு

தக்காளி – 2

மஞ்சள்தூள் – கால் ஸ்பூன்

மிளகாய்த்தூள் – அரை ஸ்பூன்

கடுகு – அரை ஸ்பூன்

உளுந்தம்பருப்பு – அரை ஸ்பூன்

கறிவேப்பிலை - சிறிதளவு

கொத்தமல்லி இலை - சிறிதளவு

எண்ணெய் – 2 ஸ்பூன்

வெண்ணெய் – ஒரு டேபிள் ஸ்பூன்

உப்பு - தேவையான அளவு

செய்முறை

தட்டைப்பயிறை கழுவி தேவையான அளவு தண்ணீர் ஊற்றி 4 மணி நேரம் ஊறவைக்கவேண்டும். பச்சை மிளகாய், இஞ்சி மற்றும் தக்காளியை பொடியாக நறுக்கவேண்டும்.

ஒரு சிறிய குக்கரில் எண்ணெய் விட்டு சூடானதும், அதில் கடுகு உளுத்தம்பருப்பு சேர்த்து தாளிக்கவேண்டும். பின்னர் பொடியாக நறுக்கிய பச்சைமிளகாய் மற்றும் இஞ்சி சேர்த்து வதக்கவேண்டும்.

பின் நீளமாக நறுக்கிய வெங்காயத்தை சேர்த்து வதக்கவேண்டும். வெங்காயம் வதங்கியதும் கறிவேப்பிலை மற்றும் தக்காளி சேர்த்து வதக்கவேண்டும்.

தக்காளி வதங்கியதும், மஞ்சள்தூள், மிளகாய்த்தூள் சேர்த்து லேசாக வதக்கி பாசிப்பருப்பு மற்றும் ஊறவைத்த தட்டைப்பயிறை சேர்த்து ஒன்றரை கப் தண்ணீர் ஊற்றி தேவையான அளவு உப்பு சேர்த்து மூடிவைத்து 5 விசில் வரும் வரை வேகவைத்து‌ இறக்கவேண்டும்.

பின் குக்கரை திறந்து அதில் வெண்ணெய் சேர்த்து லேசான ஒரு கொதி வந்ததும் கொத்தமல்லி இலை தூவி இறக்கவேண்டும்.

தட்டைப்பயிறின் நன்மைகள் 

ஒரு கப் தட்டை பயிரில் 194 கலோரிகள் உள்ளது. இதில் 13 கிராம் புரதம், 0.9 கிராம் கொழுப்பு, 35 கிராம் கார்போஹைட்ரேட், 11 கிராம் நார்ச்சத்து, 88 சதவீதம் ஃபோலேட், 50 சதவீதம் காப்பர், 28 சதவீதம் தியாமின், 23 சதவீதம் இரும்பு, 21 சதவீதம் பாஸ்பரஸ், 21 சதவீதம் மெக்னீசியம், 20 சதவீதம் சிங்க், பொட்டாசியம் 10 சதவீதம், வைட்டமின் பி6 10 சதவீதம், செலினியம் 8 சதவீதம், ரிபோஃப்ளேவின் 7 சதவீதம் உள்ளது.

எடை மேலாண்மை

இதில் உள்ள அதிக நார்ச்சத்து மற்றும் புரதச்சத்து தட்டைப்பயிறை ஒரு கலோரிகள் குறைந்த ஒரு உணவாக வைத்துள்ளது. புரதம் அதிகம் நிறைந்த உணவுகளில் கெரிலின் அளவு அதிகம் உள்ளது. கெரிலின் என்ற ஹார்மோன்தான் பசியை அதிகரிக்கிறது. கரையக்கூடிய நார்ச்சத்துக்கள், வயிறு நிறைந்த உணர்வை கொடுக்கிறது. அதனால் பசி உணர்வை குறைத்து வயிறு காலியான உணர்வை போக்குகிறது. இதை உணவில் சேர்த்துக்கொள்வதால், வயிறு நிறைந்த உணவு, உடலுக்கு திருப்தியைக்கொடுக்கிறது. இதனால் எடை மேலாண்மை செய்ய முடிகிறது.

இதய ஆரோக்கியத்துக்கு உதவுகிறது

தட்டைப்பயிறில் உள்ள குறைவான சாச்சுரேடட் கொழுப்புகள் மற்றும் கொலஸ்ட்ரால் இல்லாததால் அது இதயத்துக்கு ஆரோக்கியத்தை அளிக்கிறது. இதில் உள்ள அதிக நார்ச்சத்துக்கள், கொழுப்பு அளவை குறைத்து, இதய நோய்கள் ஏற்படாமல் தடுக்கிறது. அதிகளவில் உள்ள புரதச்சத்தும், நார்ச்சத்தும் ட்ரைகிளிசெரைட்களை குறைத்து கெட்ட கொழுப்பை உடலிலல் பராமரிக்க உதவுகிறது.

ரத்த சர்க்கரை அளவை கட்டுப்படுத்துகிறது

இது குறைவான கிளைசமின் இன்டக்ஸ் கொண்ட ஒன்று. அதாவது இது ரத்தத்தில் சர்க்கரை அளவை விரைவாக அதிகரிக்கச்செய்யாது. இது நீரிழிவு நோயாளிகளுக்கு ஒரு சிறந்த தேர்வு அல்லது சர்க்கரை அதிகரிக்கும் வாய்ப்பு உள்ளவர்களுக்கும் உதவுகிறது. இதில் உள்ள கரையக்கூடிய நார்ச்சத்துக்கள் மற்றும் புரதச்சத்துக்கள் ரத்தத்தில் சர்க்கரை அளவு அதிகரிக்க உதவுகிறது. உங்களுக்கு வயிறு நிறைந்த உணர்வைக்கொடுத்து, உங்கள் வயிறு காலியாகும் வரை தள்ளிப்போடுகிறது.

செரிமானத்துக்கு உதவுகிறது

இதில் உள்ள நார்ச்சத்துக்கள், செரிமான ஆரோக்கியத்துக்கு உதவுகிறது. குடல் இயக்கத்தை அதிகரித்து, மலச்சிக்கலை தடுக்கிறது. செரிமான கோளாறுகள் ஏற்படும் ஆபத்தை குறைக்கிறது. இது ப்ரீபயோடிக்காக செயல்படுகிறது. வயிற்றில் உடலுக்கு நன்மைதரும் பாக்டீரியாவை வளர்க்கிறது. அது ஆரோக்கிய நுண்ணுயிர்கள் வளர உதவுகிறது. செரிமானத்தை அதிகரிக்கிறது, வீக்கத்தை குறைக்கிறது, நோய் எதிர்ப்பு சக்தியை அதிகரிக்கிறது.

சரும ஆரோக்கியம்

இதில் புரதச்சத்து, சிங்க், வைட்டமின் ஏ மற்றும் சி மற்றும் மற்ற ஊட்டச்சத்துக்கள் உள்ளது. இது கொலஜன் உற்பத்தியை அதிகரிக்கிறது. இது சருமம் அழிவதை தடுக்கிறது மற்றும் புதிய சரும செல்கள் அதிகரிப்பதை தூண்டுகிறது. இதில் உள்ள வைட்டமின்கள் மற்றும் ஆன்டி ஆக்ஸிடன்ட்கள் சரும பளபளப்புக்கும், ஆரோக்கியத்துக்கும் உதவுகிறது. வயோதிகம், கொலஜென் உற்பத்திக்கு உதவுகிறது. புறஊதாக்கதிரிக்ளிடம் இருந்து சருமத்தை பாதுகாக்கிறது.

தொற்றுக்ளை கட்டுக்குள் வைக்கிறது

இதில் உள்ள அதிகப்படியான வைட்டமின் ஏ மற்றும் சி, பாலிஃபினால்கள் உள்ளிட்ட ஆன்டி ஆக்ஸிடன்ட்கள் நாட்பட்ட நோய்களை குறைக்கிறது. இதை உணவில் சேர்த்துக்கொள்ளும்போது அது ஆபத்து ஏற்படுத்தும் ப்ரீ ராடிக்கல்களை குறைக்கிறது. புற்றுநோய் செல்களின் வளர்ச்சியை தடுக்கிறது. உடல் ஆரோக்கியத்தை பராமரிக்கிறது.

கர்ப்பிணிகள் மற்றும் கர்ப்பத்தை எதிர்நோக்குபவர்களுக்கு நல்லது

இதில் ஃபோலேட் (வைட்டமின் பி9), உடலில் ரத்த சிவப்பணுக்கள் வளர உதவுகிறது. கர்ப்பிணிகள் மற்றும் கர்ப்பமடைய விரும்புபவர்களுக்கும் இது ஒரு நல்ல தேர்வு, கர்ப்பிணிகள் போதியளவு ஃபோலேட் எடுத்துக்கொள்வது ஆரோக்கியமான கரு வளர உதவுகிறது.

தலைமுடி வளர்ச்சியை ஊக்குவிக்கிறது

தலைமுடி வளர்ச்சிக்கு உதவுகிறது. தலைமுடி வளர புரதச்சத்து உதவுகிறது. இதில் புரதச்சத்து அதிகம் உள்ளது. இதை அன்றாடம் உணவில் எடுத்துக்கொள்வது, உடலில் புரதச்சத்தை அதிகரித்து, தலைமுடி வளர்ச்சிக்கு உதவுகிறது. தட்டைப்பயிறு தலைமுடி உதிர்வுக்கு சிறப்பான தீர்வை கொடுக்கிறது. இதை அதிகம் எடுத்துக்கொள்ளும்போது தலைமுடி உதிர்வு குறைகிறது.

புற்றுநோயை தடுக்கிறது

இதில் உள்ள அஸ்கார்பின் அமிலம் என்ற ஆன்டி ஆக்ஸிடன்ட் வைட்டமின் சி என்று அழைக்கப்படுகிறது. இது புற்றுநோய் செல்கள் அதிகரிப்பதை தடுக்கிறது. கட்டி வளர்வதை தடுக்கிறது. ஃப்ரி ரேடிக்கல் சேதத்தை தடுக்கிறது. இதில் வைட்டமின் சி சத்து நிறைந்துள்ளது. ஃப்ரி ரேடிக்கல்கள் அளவை குறைத்து, இவை புற்றுநோய் உள்ளிட்ட பல உடல் ஆரோக்கிய குறைபாடுகளை சரிசெய்கிறது. தொடர்ந்து இதை எடுத்துக்கொள்வதால், ஆபத்தை குறைக்கிறது.

அனீமியாவை தடுக்கிறது

அனீமியாவுக்கு இரும்புச்சத்து சிறந்த சிகிச்சையளிக்கிறது. இதில் இரும்புச்சத்து அதிகம் உள்ளது. இது அனீமியாவுக்கு சிகிச்சையளிக்கிறது. இரும்புச்சத்து, உடலின் வளர்சிதையில் முக்கிய பங்கு வகிக்கிறது. ரத்தத்தில் ஹீமோகுளோபின் மற்றும் ரத்த சிவப்பணுக்களுக்கு நல்லது. ரத்த சிவப்பணுக்கள் மற்றும் ஹீமோகுளோபின் குறைபாட்டால் ஏற்படும் அனீமியா ஏற்படும் ஆபத்தை குறைக்கிறது.

எலும்பு ஆரோக்கியம்

இதில் மெக்னீசியம், பாஸ்பரஸ் மற்றும் கால்சியம் ஆகிய முக்கிய மினரல்கள் உள்ளது. அவை பலமான மற்றும் ஆரோக்கியமான எலும்புகளை பராமரிக்க உதவுகிறது. மேலும் எலும்புப்புரை நோய் ஏற்படாமல் தடுக்கிறது.

நோய் எதிர்ப்புக்கு உதவுகிறது

இதில் உள்ள வைட்டமின் சி மற்றும் வைட்டமின் பி6 ஆகியவை உடலில் நோய் எதிர்ப்புத்திறனை அதிகரிக்கிறது. இதை நீங்கள் வழக்கமாக எடுத்துக்கொண்டால், அது உடல்லி தொற்றுகள் மற்றும் உடல் நல பாதிப்புகள் ஏற்படுவதை தடுக்கிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

WhatsApp channel