COLD HOME REMEDY : நெஞ்சு சளியை அடித்து விரட்ட வேண்டுமா? இதோ இந்த வீட்டு வைத்தியம் மட்டும் போதும்!
COLD HOME REMEDY : நெஞ்சு சளியை அடித்து விரட்ட வேண்டுமா? இதோ இந்த வீட்டு வைத்தியம் மட்டும் செய்து பலன் பெறுங்கள்.

மாறிவரும் வாழ்க்கைமுறை மற்றும் உணவுப்பழக்கம் ஆகியவற்றால் நாம் இன்று பல்வேறு உடல் உபாதைகளுக்கு ஆளாக நேரிடுகிறது. இதனால், 30 முதல் 40 வயதை கடந்தவுடனே, பல்வேறு நோய்களுக்கு ஆளாகிறோம். நம் வாழ்க்கை முறையில் மாற்றம் ஏற்பட ஏற்பட நமக்கு ஏற்படும் நோய்களின் எண்ணிக்கையும் அதிகரித்து வருகிறது. அதற்கு நாம் மருத்துவர்களை நாடி, மருந்துகள் எடுத்துக்கொள்கிறோம். ஆனால் அவை பக்கவிளைவை ஏற்படுத்தக்கூடியவை. ஆனால் பிரச்னைகள் சிறிய அளவில் இருக்கும்போதே நாம் வீட்டிலே சிலவற்றை செய்தால், எளிய பிரச்னைகளில் இருந்து குணமாகி, அவை மேலும் அதிகரிக்காமல் தடுக்க முடியும். அதற்கு நாம் சில மருத்துவகுறிப்புக்களை, குறிப்பாக நமது வீட்டு சமையலறையில் உள்ள பொருட்களை வைத்தே செய்யக்கூடியவற்றை தெரிந்துகொள்ளவேண்டியது அவசியம். அவ்வாறு இன்று நீங்கள் தெரிந்துகொள்ளப்போவது என்ன?
சளித்தொல்லை
சளி என்பது மூக்கு மற்றும் தொண்டையை பாதுகாக்கிறது. இது அதிகளவில் பெரும் பாதிப்புக்களை ஏற்படுத்துவதில்லை. பொதுவாக வைரஸ் கிருமிகளே இந்த தொற்றுக்கு காரணமாகின்றன. அதிகமாகிவிட்டால் அது பல்வேறு பிரச்னைகளை ஏற்படுத்துகிறது.
மூக்கு மற்றும் தொண்டையில் ஏற்படும் பிரச்னைகளுக்கு கிருமிகள் காரணமாகின்றன. அவை சுவாச மண்டலத்தின் மேற்புறத்தில் தொற்றுக்களை ஏற்படுகிறது.
அறிகுறிகள்
வைரஸ் தொற்று ஏற்பட்ட 1 முதல் 3 நாட்களில் அறிகுறிகள் தோன்றும். அறிகுறிகள் ஒருவருக்கொருவர் மாறுபடும்.
சளி ஒழுகுதல்
தொண்டையில் கரகரப்பு, புண், தொண்டை கட்டிக்கொள்வது
இருமல்
தும்மல்
உடல் நலன் பாதிக்கப்படுவது
உடல் வலி மற்றும் தலைவலி
குறைவான காய்ச்சல்
மூக்கில் உள்ள சளி, கெட்டியாக வாய்ப்பு ஏற்படும். அது மஞ்சள் அல்லது பச்சை நிறத்துக்கு மாறும். இவையனைத்து வழக்கமானது. இவை ஏற்பட்டால் உங்களுக்கு பாக்டீரியாக்கள் தொற்று ஏற்பட்டுள்ளது என்று அர்த்தம் கிடையாது.
எப்போது மருத்துவரை சந்திக்க வேண்டும்?
பெரும்பாலும் உங்களுக்கு மருத்துவ கவனம் தேவையில்லை. ஆனால் பின்வரும் பிரச்னைகள் ஏற்பட்டால், மருத்துவரிடம் செல்லவேண்டும்.
இந்த அறிகுறிகள் மோசமானால், சரியாகவில்லையென்றால் உடனே மருத்துவரிடம் செல்லவேண்டும்.
101.3 டிகிரி காய்ச்சல் மூன்று நாட்களுக்கு மேல் தொடர்ந்தால் மருத்துவரிடம் செல்ல வேண்டும்.
காய்ச்சல் முடிந்து மீண்டும் காய்ச்சல் வந்தால் மருத்துவ கவனம் தேவை.
மூச்சுத்திணறல், மூச்சு வாங்குவது, வீசிங், தொண்டையில் கடும் புண், தலைவலி, சைனஸ் வலி ஆகியவை ஏற்பட்டால் மருத்துவரை அணுகவேண்டும்.
குழந்தைகளுக்கு
குழந்தைகளுக்கு சளி ஏற்பட்டால் பெரும்பாலும் மருத்துவ உதவி தேவையில்லை. ஆனால் கீழ்கண்ட பிரச்னைகள் ஏற்பட்டால் உடனடியாக மருத்துவரிடம் அழைத்துச் செல்ல வேண்டும்.
பிறந்த குழந்தைகள் முதல் 12 வாரம் வரையில் உள்ள குழந்தைகளுக்கு 100.4 டிகிரி காய்ச்சல் ஏற்பட்டால்,
காய்ச்சல் அதிகரித்தால், எந்த வயது குழந்தைக்கும் 3 நாளைக்கு மேல் காய்ச்சல் தொடர்ந்தால்,
அறிகுறிகள் தீவிரமானால், தலைவலி, தொண்டை வலி மற்றும் இருமல் ஏற்பட்டால்,
மூச்சுத்திணறல் அல்லது வீசிங் ஏற்பட்டால்,
காது வலி வந்தால்,
சாப்பிடப்பிடிக்காமல் போனால்,
மயக்கம், சோர்வு ஏற்பட்டால் உடனடியாக மருத்துவமனைக்கு அழைத்துச்செல்லவேண்டும்.
தேவையான பொருட்கள்
வெற்றிலை – 2
இஞ்சி – ஒரு சிறிய துண்டு
செய்முறை
வெற்றிலையை சிறிது நேரம் அடுப்பில் வாட்டி, அதை நறுக்கி உரலில் சேர்க்கவேண்டும். அதனுடன் தோல் சீவிய இஞ்சியை சேர்த்து இடித்து ஒரு வெள்ளைத்துணியில் சேர்த்து அதை வடிகட்டவேண்டும். அதன் சாறை எடுத்து, ஒரு வயதுக்குள் இருக்கும் குழந்தைகள் என்றால் ஒரு ஸ்பூனும், அதற்கு மேற்பட்ட குழந்தைகளுக்கு ஒரு டேபிள் ஸ்பூனும் கொடுக்கவேண்டும். இதனுடன் அதற்கு இணையான அளவு தேன் கலந்துகொள்ளவேண்டும்.
அப்போதுதான் குழந்தைகளுக்கு அந்த காரம் தெரியாது. பெரியவர்கள் 20 முதல் 30 மில்லி லிட்டர் வரை பருகலாம். தேன் கலந்து அல்லது கலக்காமலும் அவர்கள் பருகலாம். குழந்தைகளுக்கு கட்டாயம் தேனுடன்தான் கொடுக்கவேண்டும். இதைச்செய்யும்போது, குழந்தைகள் முதல் பெரியவர்கள் வரை அனைவருக்கும் நெஞ்சில் உள்ள சளி அடித்துக்கொண்டு வெளியேற்றப்படும்.
பொறுப்பு துறப்பு
இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.
எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.

தொடர்புடையை செய்திகள்
டாபிக்ஸ்