அன்று முதல் இன்று வரை ஜொலிக்கும் கிறிஸ்துமஸ் மரம் தோன்றிய வரலாறு.. இது எதை குறிக்கிறது..!
Christmas 2024: ஒவ்வொரு ஆண்டும் டிசம்பர் 25 ஆம் தேதி இயேசு கிறிஸ்துவின் பிறந்த நாளாக உலகம் முழுவதும் கொண்டாடப்படுகிறது. நம்பிக்கைகளின்படி, கிறிஸ்துமஸ் மரம் இந்த நாளில் அலங்கரிக்கப்படுவது ஏன் என்பது பற்றி இந்த தொகுப்பில் காணலாம்.
கிறிஸ்துமஸ் பண்டிகை கிறிஸ்துவ மதத்தில் சிறப்பு முக்கியத்துவம் வாய்ந்தது. கிறிஸ்துமஸ் தினம் ஒவ்வொரு ஆண்டும் டிசம்பர் 25 ஆம் தேதி அன்று கொண்டாடப்படுகிறது. இந்த நாள் பெரிய நாள் என்றும் அழைக்கப்படுகிறது. நம்பிக்கைகளின்படி, இயேசு கிறிஸ்து இந்த நாளில் பிறந்தார். இந்த திருவிழாவில் பல்வேறு இடங்களில் பல்வேறு பாரம்பரியங்கள் மற்றும் பழக்கவழக்கங்கள் நிகழ்த்தப்படுகின்றன.
கிறிஸ்துமஸ் பண்டிகையின் போது கிறிஸ்துமஸ் மரத்தை அலங்கரிக்கும் பாரம்பரியமும் உள்ளது. இந்த நாளில், வீடு வண்ணமயமான விளக்குகளால் அலங்கரிக்கப்படுகிறது. நண்பர்கள் மற்றும் குடும்பத்தினருக்கு பரிசுகள் வழங்கப்படுகின்றன. மேலும் தேவாலயத்திலும் சிறப்பு பிரார்த்தனைகள் நடத்தப்படும். சிறப்பு வாய்ந்த இத்திருநாள் அன்று கிறிஸ்துமஸ் மரத்தை அலங்கரிப்பதன் முக்கியத்துவம் பற்றி தெரிந்துகொள்வோம்.
கிறிஸ்துமஸ் வரலாறு
கிரேக்கர்களும் ரோமானியர்களும் தான் முதன் முதலில் கிறிஸ்துமஸ் மரத்தை பண்டிகைகளின் போது வீடுகளில் வைத்து, அலங்கரித்து கொண்டாடும் பழக்கத்தை கொண்டு வந்ததாக கூறப்படுகிறது. குளிர்காலத்தின் மத்தியில் டிசம்பர் 21ம் தேதி இவர்கள் பண்டிகை கொண்டாடுவார்கள். அதே போல் ஐரோப்பியர்களும் குளிர்காலத்தை திருவிழா கொண்டாடுகிறார்கள். எப்போதும் வாடாமல் இருக்கும் மரங்களைக் கொண்ட வீடுகளை அலங்கரித்து இவர்கள் பண்டிகை கொண்டாடினர்.