Tamil News  /  Lifestyle  /  Cholesterol Control Know What Indian Herbs Help Control Cholesterol

Cholesterol Control : கொழுப்பை கட்டுப்படுத்த உதவும் இந்திய மூலிகைகள் என்னவென்று தெரிந்துகொள்ளுங்கள்!

Priyadarshini R HT Tamil
Jan 28, 2024 02:00 PM IST

Cholesterol Control : கொழுப்பை கட்டுப்படுத்த உதவும் இந்திய மூலிகைகள் என்னவென்று தெரிந்துகொள்ளுங்கள்!

Cholesterol Control : கொழுப்பை கட்டுப்படுத்த உதவும் இந்திய மூலிகைகள் என்னவென்று தெரிந்துகொள்ளுங்கள்!
Cholesterol Control : கொழுப்பை கட்டுப்படுத்த உதவும் இந்திய மூலிகைகள் என்னவென்று தெரிந்துகொள்ளுங்கள்!

ட்ரெண்டிங் செய்திகள்

இந்திய உணவுகளில் அதிகளவில் மூலிகைகளும், மசாலாக்களும் பயன்படுத்தப்படுகின்றன. இவை உணவில் சுவையை அதிகரிப்பதற்கு மட்டும் பயன்படுத்தப்படுபவை அல்ல. இவற்றில் ஆரோக்கியமும் நிறைந்துள்ளது. இந்திய மசாலாக்கள் எதில் உடலின் கொழுப்பை குறைக்கும் உட்பொருட்கள் உள்ளன என்பதை தெரிந்துகொள்ளுங்கள்.

பட்டை

பட்டை, ரத்தத்தில் சர்க்கரை அளவை குறைக்க உதவுகிறது. இது கொழுப்பில் நேர்மறையான தாக்கத்தை ஏற்படுத்துகிறது. பட்டையை உங்கள் உணவில் சேர்த்துக்கொள்வது உங்கள் உடலில் கொழுப்பை முறையாக பராமரிக்க உதவும்.

வெந்தயம்

வெந்தயத்தில் கரையக்கூடிய நார்ச்சத்துக்கள் அதிகம் உள்ளது. இது உடலில் கொழுப்பு உறிஞ்சும் தன்மையை குறைக்கிறது. வெந்தயத்தை வழக்கமாக எடுத்துக்கொண்டால் அது கொழுப்பை குறைக்க உதவுகிறது. அதை விதைகளாகவோ அல்லது கீரைகளாவோ எதுவாக வேண்டுமானாலும் எடுத்துக்கொள்ளலாம்.

மஞ்சள்

மஞ்சளில் உள்ள குர்குமின் அழற்சிக்கு எதிரான மற்றும் ஆன்டி ஆக்ஸிடன்ட்கள் நிறைந்துள்ளது. இது இதய ஆரோக்கியத்தை அதிகரிக்க உதவுகிறது. கொழுப்பையும் குறைக்கிறது.

பூண்டு

பூண்டு, அதன் கொழுப்பை குறைக்கும் தன்மைகளுக்காக அதிகம் ஆராய்ச்சி செய்யப்படுகிறது. இது கொழுப்பை குறைத்து இதய ஆரோக்கியத்தை மேம்படுத்துகிறது. பூண்டில் உள்ள அலிசின் என்ற உட்பொருளுக்கு கொழுப்பை குறைக்கக்கூடிய தன்மை உள்ளதாக நம்பப்படுகிறது.

இஞ்சி

இஞ்சியில் அழற்சிக்கு எதிரான உட்பொருட்கள் உள்ளன. இதுகுறித்த ஆராய்ச்சிகள் நடந்துகொண்டிருக்கின்றன. உங்கள் உணவில் இஞ்சியை சேர்த்துக்கொள்வது உங்கள் ஒட்டுமொத்த உடல் ஆரோக்கியத்துக்கும் வழிவகுக்கிறது.

மல்லித்தழை

மல்லித்தழையில் ஆன்டி-ஆக்ஸிடன்ட்கள் நிறைந்துள்ளது. இது உடலில் கொழுப்பு அளவை கட்டுப்படுத்த உதவுகிறது. உங்கள் உணவில் மல்லித்தழையை வழக்கமாக சேர்த்துக்கொண்டால், அது உணவுக்கு சுவையை வழங்குவதுடன், ஆரோக்கியத்தையும் கொடுக்கிறது. மல்லித்தழை மற்றும் விதை இரண்டையும் உணவில் சேர்த்துக்கொள்ளலாம்.

ஏலக்காய்

ஏலக்காயில் ஆன்டி-ஆக்ஸிடன்ட்கள் நிறைந்துள்ளது. அது இதய ஆரோக்கியத்துக்கு உதவுகிறது. இது பொதுவாக இந்திய உணவுகளில் அதிகம் பயன்படுத்தப்படுகிறது. இது இனிப்பு மற்றும் காரம் இரண்டு உணவு வகைகளிலும் பயன்படுத்தப்படுகிறது.

நெல்லிக்காய்

நெல்லிக்காயில் வைட்டமின் சி சத்து மற்றும் ஆன்டி-ஆக்ஸிடன்ட்கள் நிறைந்துள்ளது. நெல்லிக்காயில் உள்ள உட்பொருட்கள் கொழுப்பு அளவை கட்டுப்படுத்துவதில் நல்ல தாக்கத்தை ஏற்படுத்துகிறது. இது இதய ஆரோக்கியத்துக்கு உதவுகிறது.

கருஞ்சீரகம்

கருஞ்சீரகம் இந்திய சமையலில் தொன்றுதொட்டு பயன்படுத்தப்பட்டு வருகிறது. மேலும் ஆயுர்வேத மருத்துவத்திலும் இது பயன்படுத்தப்பட்டு வருகிறது. இதில் கொழுப்பை குறைக்கும் தன்மை உள்ளதை பல ஆராய்ச்சிகள் நிரூபித்துள்ளன. இதை உங்கள் உணவில் சேர்த்துக்கொள்வது உங்கள் உடலுக்கு நன்மையை அளிக்கிறது.

துளசி

துளசி, கொழுப்பை குறைக்கக்கூடிய தன்மை கொண்டது. இதுகுறித்த ஆராய்ச்சிகளும் நடைபெற்றுக்கொண்டிருக்கின்றன. இதில் உள்ள ஆன்டி ஆக்ஸிடன்ட்கள் மற்றும் அழற்சிக்கு எதிரான தன்மை இதய ஆரோக்கியத்துக்கு உதவுகிறது.

எனவே கொழுப்பை குறைக்கும் பயணத்தில் நீங்கள் இருந்தால், உங்கள் உடல் எடையை குறைக்க மேற்கண்ட இந்த இந்திய உணவுப்பொருட்கள் அல்லது மசாலாக்கள் அல்லது மூலிகைளை பயன்படுத்தி பயன்பெறுங்கள்.

WhatsApp channel

டாபிக்ஸ்