Chia or Flax Seeds : உங்களுக்கு அதிக நன்மைகளைத் தருவது சியா விதைகளா அல்லது ஃப்ளாக்ஸ் சீடா? – விளக்கம்!

இதனால் உங்கள் உணவில் சேர்த்துக்கொள்வதற்கு ஏற்ற ஒன்றாக இந்த இரு விதைகளும் உள்ளது. ஆனால் இவிவிரண்டிலும் பல்வேறு வித்யாசங்கள் உள்ளன. அவற்றை தெரிந்துகொண்டு உங்களுக்கு எது நல்லது என்பதை தேர்ந்தெடுங்கள்.

சியா விதைகள்

ஊட்டச்சத்துக்கள்

சியா விதைகள் சிறிய கருப்பு மற்றும் வெள்ளை நிற விதைகள் ஆகும். இது சால்வியா ஹிஸ்பானிகா என்ற தாவரத்தில் இருந்து பெறப்பட்ட விதைகள் ஆகும். இதில் நார்ச்சத்துக்கள், புரதம், ஒமேகா 3 ஃபேட்டி ஆசிட்கள், ஆன்டி ஆக்ஸிடன்ட்கள் மற்றும் பல்வேறு வைட்டமின்கள் மற்றும் கால்சியம், பாஸ்பரஸ் மற்றும் மெக்னீசியம் உள்ளிட்ட மினரல்களும் உள்ளன.

ஆரோக்கிய நன்மைகள்

சியா விதைகளில் எண்ணற்ற உயர் நார்ச்சத்துக்கள் உள்ளன. இது செரிமான ஆரோக்கியத்துக்கு உதவுகிறது. மேலும் ரத்த சர்க்கரை அளவை முறைப்படுத்துகிறது. இது தாவர புரதத்தையும், ஒமேகா 3 ஃபேட்டி ஆசிட்களையும் தருகிறது. இது வீக்கத்தை குறைத்து இதய ஆரோக்கியத்துக்கு வழிவகுக்கிறது.

ஃப்ளாக்ஸ் விதைகள்

ஊட்டச்சத்து நன்மைகள்

ஃப்ளாக்ஸ் விதைகள், லினம் வுசிடாடிசியம் தாவரத்தில் இருந்து வருகிறது. இது சியா விதைகளைவிட சிறியளவு பெரியது. இது நட்ஸ்களின் சுவையைக் கொண்டது. இதில் நார்ச்சத்துக்கள், புரதம், ஒமேகா 3 ஃபேட்டி ஆசிட்கள், லின்கன்கள், வைட்டமின்கள், தியாமின், மாங்கனீஸ் உள்ளிட்ட மினரல்கள் நிறைந்தது.

ஆரோக்கிய நன்மைகள்

இதய ஆரோக்கியத்தை அதிகரிக்கும் ஒமேகா 3 ஃபேட்டி ஆசிட்கள் உள்ளது. இதில் உள்ள லிக்னன்கள், புற்றுநோயைத் தடுக்கும் திறன் பெற்றவை. வயிறு நிறைந்த உணர்வைத் தரும், எடை மேலாண்மைக்கு நன்மை தரும். ரத்த சர்க்கரை அளவை முறைப்படுத்தும். ஃப்ளாக்ஸ் விதைகளில் ரத்த சர்க்கரை அளவைக் குறைத்து, செரிமானத்தை மெதுவாக்கி, உங்களுக்கு வயிறு நிறைந்த உணர்வைத் தருகிறது. இது ஒட்டுமொத்த கலோரிகளின் அளவைக் குறைத்து உடல் எடை மேலாண்மைக்கு உதவுகிறது.

ஆரோக்கிய நன்மைகள்

நன்மைகள் நிறைந்த இரண்டுக்கும் உள்ள வேறுபாடுகள்.

ஒமேகா 3

சியா மற்றும் ஃப்ளாக்ஸ் விதைகளில் ஒமேகா 3 ஃபேட்டி ஆசிட்கள் உள்ளது. ஆனால் ஃப்ளாக்ஸ் விதைகளில் ஆல்ஃபா லினோலின் ஆசிட் உள்ளது. சியா விதைகளில் ஒமேகா 3 முதல் ஒமேகா 6 விகிதம் சமஅளவில் உள்ளது.

செரிமான ஆரோக்கியம்

சியா விதைகளை ஊறவைக்கும்போது, அது ஜெல் போன்று வருகிறது. அதற்காக எண்ணற்ற தண்ணீரை உறிஞ்சுகிறது. ஆனால் ஃப்ளாக்ஸ் விதைகள் அவ்வாறு உறிஞ்சாது. இரண்டும் செரிமானத்தை ஊக்குவிக்கிறது.

சியா விதைகளை புட்டிங், சாலட், சூப், ஸ்மூத்திகளில் சேர்த்து சாப்பிடலாம்.

ஃப்ளாக்ஸ் விதைகளை இடித்து சாப்பிடும்போது, அதன் ஊட்டச்சத்துக்கள் இரு மடங்காகிறது. பேக்கிங் செய்யப்பட்ட உணவுகள், ஓட்ஸ் மற்றும் தயிரில் சேர்த்து சாப்பிடலாம்.

ஃப்ளாக்ஸ் விதை எண்ணெய்

ஃப்ளாக்ஸ் விதை எண்ணெயை சாலட் மற்றும் சமைத்த காய்கறிகளுடன் சேர்த்து சாப்பிடலாம் அது உங்கள் உடலில் ஒமேகா 3 எடுத்துக்கொள்வதை அதிகரிக்கிறது.

சரும ஆரோக்கியம்

ஃப்ளாக்ஸ் விதைகள், சரும ஆரோக்கியத்துக்கு தேவையான ஒமேகா 3 ஃபேட்டி ஆசிட்களைக் கொடுக்கிறது. குறிப்பாக ஆல்ஃபா லினோலிக் ஆசிட்ட, சருமத்துக்கு தேவையான நீர்ச்சத்துக்களை வழங்குகிறது. இந்த ஃபேட்டி ஆசிட்களில் வீக்கத்துக்கு எதிரானது.

சருமம் சிவத்தல், எரிச்சல் மற்றும் முகப்பருக்களைப் போக்குகிறது. ஃப்ளாக்ஸ் விதைகளில் உள்ள அதிக லிக்னன்கள், ஃபைட்டோகெமிக்கல்கள் என்ற ஆன்டிஆக்ஸிடன்ட்கள் சருமத்தை சேதத்தில் இருந்து காக்கிறது. ஃப்ளாக்ஸ் விதைகளை சேர்ப்பது உங்கள் சருமத்தை மிருதுவாக்கி, பளபளப்பை கொடுத்து, ஒட்டுமொத்த ஆரோக்கியத்துக்கும் வழிவகுக்கிறது.

வளர்சிதைக்கு ஃப்ளாக்ஸ் விதைகள்

வளர்சிதை ஆரோக்கியத்துக்கு நல்லது. இதில் உள்ள ஒமேகா 3 ஃபேட்டி ஆசிட்கள், நார்ச்சத்துக்கள் மற்றும் லிக்னன்கள் வீக்கத்தை குறைக்கிறது. ரத்த சர்க்கரை அளவை முறைப்படுத்துகிறது. வளர்சிதைக்கு உதவுகிறது. இதில் உள்ள உயர் நார்ச்சத்துக்கள், செரிமானத்துக்கு உதவுகிறது.

ரத்த சர்க்கரையை முறைப்படுத்த உதவுகிறது. ஃப்ளாக்ஸ் விதைகளில் உள்ள லிக்னன்கள் ஆன்டி ஆக்ஸிடன்ட்கள் நிறைந்தது. அது ஆக்ஸிடேட்டிவ் அழுத்தத்தை போக்கி, ஒட்டுமொத்த வளர்சிதை இயக்கத்துக்கும் உதவுகிறது. இது உங்கள் உடல் வளர்சிதைக்கு உதவுகிறது. எடை மேலாண்மைக்கும் உதவுகிறது.

முடிவு

இரு விதைகளிலும் எண்ணற்ற ஆரோக்கிய நன்மைகள் இருப்பதால், இதை நீங்கள் உணவில் எளிதாக சேர்த்துக்கொள்ளலாம். உங்கள் உடலுக்கு எதுபோன்ற ஊட்டச்சத்துக்கள் தேவை என்பதை பொருத்து, இரண்டில் எதை வேண்டுமோ அதை தேர்ந்தெடுங்கள். இரண்டையும் உங்கள் அன்றாட உணவில் சேர்ப்பது உங்கள் உடலுக்கு ஆரோக்கிய நன்மைகளை தரக்கூடியதுதான்.