சத்தமில்லாமல் பாதிப்பை ஏற்படுத்தும் கொழுப்பும் கல்லீரல் நோய்.. அறிகுறிகளும், தடுக்கும் வழிகளும்

கொழுப்பு கல்லீரல் நோய் என்றால் என்ன?

கொழுப்பு கல்லீரல் நோய் என்பது உங்கள் கல்லீரலில் கொழுப்பு படிதலை குறிப்பதாகும். "உங்கள் உடலில் அதிகப்படியான கொழுப்பை சரியாக சேமிக்க முடியாதபோது இது நிகழ்கிறது. பின்னர் உடல் அந்த கொழுப்பை கல்லீரல், கணையம் மற்றும் வயிறு போன்ற இடங்களில் சேமித்து வைக்கிறது. உங்கள் இடுப்பு அளவு அதிகரித்துக் கொண்டிருந்தால், நீங்கள் ஆரோக்கியமாக உணர்ந்தாலும், உங்கள் கல்லீரலில் கொழுப்பு படித்திருக்கலாம் என்பதை புரிந்து கொள்ள வேண்டும்"

ஆரம்பத்தில், கொழுப்பு கல்லீரல் நோய் எந்த வலியையோ அல்லது அறிகுறிகளையோ ஏற்படுத்தாது. "ஆனால் 10 முதல் 20 ஆண்டுகளுக்கு மேல், இந்த கொழுப்பு படிதல் கல்லீரலில் வீக்கத்துக்கு வழிவகுக்கும். இது கல்லீரலை சேதப்படுத்தி வடுவை (ஃபைப்ரோசிஸ்) ஏற்படுத்தும். காலப்போக்கில், இந்த வடு கல்லீரல் திசுக்களை சுருக்கி அதன் செயல்பாட்டைக் குறைக்கும்," என்று டாக்டர் பால் விளக்குகிறார்.

குறிப்பிடத்தக்க சேதத்துக்கு பிறகு கல்லீரல் மீண்டும் உருவாக்க முடியும் என்று டாக்டர் பால் கூறுகிறார். இருப்பினும், சேதம் நாள்பட்டதாக மாறும்போது, கல்லீரல் மீண்டும் உருவாக்கும் திறனை இழக்கிறது. இது இறுதியில் சிரோசிஸுக்கு வழிவகுக்கும், இது கல்லீரல் முழுமையாக செயல்படுவதை நிறுத்தும் ஒரு நிலையாகும்.

"சிலர் மது மட்டுமே கல்லீரலை சேதப்படுத்துகிறது என்று நினைக்கிறார்கள். அது உண்மையல்ல. மோசமான உணவுப் பழக்கவழக்கங்கள் மற்றும் உட்கார்ந்த வாழ்க்கை முறை காரணமாக மது அல்லாத கொழுப்பு கல்லீரல் நோய் (NAFLD) வேகமாக அதிகரித்து வருகிறது. இது மனிதகுலத்தில் புதிய எதிரியாகவே மாறியுள்ளது," என்று டாக்டர் பால் எச்சரிக்கிறார்.

மேலும் படிக்க: சர்க்கரை கட்டுப்பாடு முதல் கொழுப்பு கல்லீரல் பிரச்னை வரை.. தினமும் இந்த பழத்தை சாப்பிடுங்க

கல்லீரலுக்கு மிகப்பெரிய அச்சுறுத்தல்கள்

டாக்டர் பாலின் கூற்றுப்படி, உங்கள் கல்லீரலுக்கு மிகப்பெரிய அச்சுறுத்தல்கள் இவைதான்

• இனிப்பு பானங்கள் (சோடாக்கள், இனிப்பு தேநீர், பழச்சாறுகள் போன்றவை)
• வறுத்த சிற்றுண்டிகள் (சமோசாக்கள், சிப்ஸ், பக்கோடாக்கள் போன்றவை)
• அதிக பதப்படுத்தப்பட்ட உணவுகள் (பிஸ்கட்கள், பேக்கரி பொருட்கள்)
• உடற்பயிற்சி இல்லாத வாழ்க்கை முறை (உடல் செயல்பாடு இல்லாமை)
• தூக்கமின்மை பிரச்னைகள்
• நாள்பட்ட மன அழுத்தம்

“இவை உங்கள் கல்லீரலை நச்சுகள் மற்றும் பயனற்ற கலோரிகளால் நிரப்பக்கூடும். இவை கல்லீரலை கொஞ்சம் கொஞ்சமாக சேதப்படுத்தும்”எனவும் மருத்துவர் கூறியுள்ளார்

பாதிப்பை தடுக்கும் வழிகள்

மேற்கூறிய உணவுகள், பானங்களை தவிர்த்து கருப்பு காபி அல்லது தேநீர், கல்லீரலுக்கு ஆரோக்கியமான பெர்ரி, ப்ரோக்கோலி மற்றும் பீட்ரூட் ஆகியவற்றின் சாறுகளை குடிக்கலாம். இவை வீக்கத்தைத் தடுக்கவும் கல்லீரல் குணமடையவும் உதவும்.

மேலும் படிக்க: கல்லீரல் ஆரோக்கியத்துக்கு நன்மை தரும் உணவுகள் மற்றும் பானங்கள்

கொழுப்பு நிறைந்த உணவுகளைத் தவிக்க வேண்டும். பழங்கள், காய்கறிகள், முழு தானியங்கள் மற்றும் நார்ச்சத்து நிறைந்த உணவுகளை அதிகம் டயட்டில் சேர்க்கலாம். தினமும் தவறாமல் உடற்பயிற்சி செய்வது, உடல் எடையை சீராக பராமரிப்பதில் கவனம் செலுத்த வேண்டும். போதுமான அளவு தூக்கம் கல்லீரல் ஆரோக்கியத்துக்கு மிகவும் முக்கியம்.