கன்னத்தில் தேவையற்ற கொழுப்பா?.. கவலையை விடுங்க.. குறைக்க உதவும் எளிய உதவிக் குறிப்புகள் இதோ..!
கன்னத்தில் உள்ள தேவையற்ற கொழுப்பை குறைப்பது எப்படி என்பது பற்றி இந்த கட்டுரையில் தெரிந்துகொள்வோம்.
மரபுக் காரணங்களாலும் ஹார்மோன்களாலும் சிலருக்கு முகத்தில் அதிக அளவில் சதைபற்று இருக்கும். இப்படி தேவையில்லாமல் கன்னத்தில் சதை வீங்கி இருப்பது உடலுக்குத் தீங்கை விளைவிக்கக்கூடியது. இந்தப் பிரச்னையால் பாதிக்கக்கூடியவர்கள் மனதளவில் சுருங்கிப்போவார்கள். இதற்காக கவலைப்பட வேண்டாம்.
வீட்டிலேயே எளிமையான முறையில் சில பயிற்சிகள் மற்றும் உணவு பழக்க வழக்கங்களில் சில மாற்றங்களை செய்வதன் மூலம் கன்னத்தில் உள்ள தேவையற்ற தசைகள் கரைந்து, காணாமல் போய்விடும். கன்னத்தில் உள்ள கொழுப்பை குறைப்பது பற்றி இந்த கட்டுரையில் தெரிந்துகொள்வோம்.
உடல் எடை அதிகமாக இருப்பதன் காரணமாகவும் முகத்தில் சதை அதிகம் தோன்றலாம். எனவே உணவுக் கட்டுப்பாடு அவசியம். கலோரி குறைந்த உணவுகளை எடுத்துக்கொண்டு உடற்பயிற்சிகளைச் செய்ய வேண்டும். ஒட்டுமொத்தமாக உடல் எடை குறையும் போது முகத்தில் உள்ள கொழுப்பும் கரையும்.