Tamil News  /  Lifestyle  /  Check Out The Easy Tips During Working Hours In Office

Weight Loss Tips: அலுவலகத்தில் செய்யும் சின்ன சின்ன விஷயங்களில் இத்தனை நன்மைகளா?

Karthikeyan S HT Tamil
Feb 01, 2024 07:26 PM IST

உடல் எடை அதிகரித்த பிறகு உடற்பயிற்சி, ஜிம் செல்வதைவிட அவ்வப்போது உடலை இயக்கத்தில் வைத்திருப்பது உடல் நலனுக்கு சிறந்தது.

உடல் எடை (கோப்பு படம்)
உடல் எடை (கோப்பு படம்)

ட்ரெண்டிங் செய்திகள்

அலுவலகத்தில் வேலை செய்யும்போதே உங்கள் உடல்நலத்திலும் சிறிது கவனம் செலுத்தினால் உடல் எடை அதிகரிப்பு போன்ற பிரச்னைகளை தவிர்க்கலாம். உடல் இயக்கமின்றி இருப்பதால் உடலில் கொழுப்பு தேங்கி உடல் எடை அதிகரிப்பு முதல் இதய நோய்கள் வரை பலவிதமான நோய் அபாயங்கள் ஏற்படும் சூழல் உருவாகும். 

உடற்பயிற்சி செய்வதைவிட அவ்வப்போது உடலை இயக்கத்தில் வைத்திருப்பது உடல்நலனுக்கு சிறந்தது. ஒரு நாளின் மூன்றில் ஒரு பகுதிக்கும் அதிகமான நேரம் அலுவலகத்தில் இருப்பதால் இந்த நேரத்தில் உங்களின் உடல்நிலை குறித்தும் கவனத்தில் கொள்ள வேண்டியது அவசியம். உடல் எடை அதிகரித்த பிறகு உடற்பயிற்சி, ஜிம் செல்வதைவிட அவ்வப்போது உடலை இயக்கத்தில் வைத்திருப்பது உடல் நலனுக்கு சிறந்தது.

உடல் எடை அதிகரிக்காமல் இருப்பதற்கு அலுவலகத்தில் உடல் அசைவை ஏற்படுத்த என்ன செய்யலாம் என்பது பற்றி தெரிந்துகொள்வோம். அலுவலகத்தில் மின்தூக்கிகளுக்குப் பதிலாக படிக்கட்டுக்களை பயன்படுத்த ஆரம்பியுங்கள். படிக்கட்டுகளில் செல்வது உங்கள் இதயத் துடிப்பை அதிகரிக்கும். இது இதயத்தின் சீரான செயல்பாட்டிற்கு உதவுகிறது.

நீங்கள் வீட்டில் இருந்து பணிபுரிந்தால் அலுவலக மீட்டிங் இருந்தால் ஏதாவது ஒரு அழைப்பில் நடந்துகொண்டே பேசுங்கள். ஸ்கிரினை பார்க்க வேண்டிய அவசியமில்லை என்றால் ஹெட்போனை மட்டும் காதில் மாட்டிக்கொண்டு நடந்து கொண்டே மீட்டிங்கில் கலந்துகொள்ளுங்கள். கண்டிப்பாக மணிக்கு ஒருமுறை எழுந்து ஓரிரு நிமிடங்களாவது நடப்பதை உறுதி செய்து கொள்ளுங்கள்.

சில அலுவலகங்களில் வேலை நேரம் முடிந்ததும் ஊழியர்கள் இணைந்து விளையாட்டுப் பயிற்சிகளில் ஈடுபடுவது வழக்கம். அந்த மாதிரி ஏதேனும் ஒன்றை ஏற்படுத்தலாம் அல்லது சிறு நடைபயிற்சி மேற்கொள்ளலாம். கிரிக்கெட், கால்பந்து என்று நேரம் கிடைக்கும் போது ஏதேனும் ஒரு விளையாட்டில் 30 நிமிடம் கவனம் செலுத்துவதன் மூலம் உங்கள் எடை அதிகரிப்பதை கட்டுப்படுத்தலாம்.

பொறுப்பு துறப்பு:

இங்கே கொடுக்கப்பட்டுள்ள தகவல்கள் பொதுவான தகவல்களை அடிப்படையாகக் கொண்டது. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.

WhatsApp channel

டாபிக்ஸ்