Hiccups Remedies: விக்கல் வருவது ஏன்?.. தண்ணீர் குடித்தாலும் விக்கல் நிற்கவில்லையா?..உங்களுக்கான ஈஸி டிப்ஸ் இதோ..!
Hiccups Remedies: விக்கல் சாதாரணமானது. கொஞ்சம் தண்ணீர் குடித்தால் அதுவே நின்றுவிடும். சிலருக்கு தண்ணீர் குடித்தாலும் விக்கல் நிற்காது. விக்கல்களை உடனடியாக நிறுத்த சில எளிய குறிப்புகளை இங்கு தெரிந்துகொள்வோம்.
Hiccups Remedies: விக்கல் மிகவும் பொதுவானது. இவை எப்போது வேண்டுமானாலும் வரலாம். சிறிது தண்ணீர் குடித்த உடனேயே நின்றுவிடும். சிலருக்கு விக்கல் தானாக நிற்காது. சிலருக்கு அது நீண்ட நேரம் நீடிக்கலாம். சில நொடிகள் முதல் சில நிமிடங்கள்வரை நீடிக்கும் விக்கலானது, அளவுக்கதிகமாகச் சாப்பிடுவதால் வரலாம். அதிக காரமுள்ள உணவுகளால் வரலாம். மது அருந்துவதால் வரலாம். சோடா போன்ற கார்பனேட்டடு பானங்களைக் குடிப்பதாலும், அதிக சூடான அல்லது அதிக குளிர்ச்சியான உணவுகளைச் சாப்பிடுவதாலும்கூட விக்கல் வரலாம்
அடிக்கடி விக்கல் வந்தால், உடனடியாக மருத்துவரை அணுக வேண்டும். இங்கே நாங்கள் உங்களுக்கு சில வீட்டு குறிப்புகளை கூறுகிறோம். இவை விக்கல்களில் இருந்து உடனடி நிவாரணம் தர உதுவும்.
விக்கலின் போது தண்ணீர் குடித்த பிறகும் உங்களுக்கு சுகமாக இல்லை என்றால், கண்டிப்பாக சிறிது நேரம் உங்கள் மூச்சை அடக்க முயற்சி செய்யுங்கள். இதைச் செய்ய, கீழே உட்கார்ந்து சில நொடிகள் உங்கள் மூச்சைப் பிடித்துக் கொள்ளுங்கள். பத்து முதல் 20 வினாடிகள் வரை பிடித்து மீண்டும் சுவாசிக்கவும். சில சமயம் இப்படியே தொடருங்கள். உங்கள் விக்கல் சிறிது நேரத்தில் குறையும்.
விக்கலை நிறுத்த மற்றொரு முறை உள்ளது. ஒரு கிளாஸ் தண்ணீர் குடித்தால் போதும் . ஆனால் வழக்கமான முறையில் இல்லாமல், கையால் மூக்கை மூடிக்கொண்டு தண்ணீரை பருக வேண்டும். இவ்வாறு செய்தால் விக்கல் உடனே குறையும்.
நீங்கள் எவ்வளவு முயற்சி செய்தாலும் உங்கள் விக்கல் நிற்கவில்லை என்றால், எலுமிச்சை உதவும். எலுமிச்சம்பழத்தை நறுக்கி அதனுடன் சிறிது உப்பு சேர்த்து மூச்சை உள்ளிழுக்கவும். சிறிது நேரம் கழித்து விக்கல் நின்றுவிடும். விக்கலை நிறுத்த வெள்ளை சர்க்கரையையும் முயற்சி செய்யலாம். ஒரு ஸ்பூன் சர்க்கரை சாப்பிட்டால் போதும். விரைவில் உங்கள் விக்கல் நின்றுவிடும். நீங்கள் விரும்பினால், ஒரு கிளாஸ் குளிர்ந்த நீரில் சர்க்கரையை கரைத்து, சர்க்கரை பாகு போல் குடிக்கலாம். இதையெல்லாம் முயற்சி செய்தும் விக்கல் நிற்கவில்லை, அதாவது தொடர்ந்து இரண்டு நாள்களாக விக்கல் நிற்கவில்லை என்றால் மருத்துவரைப் பார்க்க வேண்டும்.
நீங்கள் வீட்டை விட்டு வெளியே இருந்தாலும் அல்லது வீட்டில் இருந்தாலும் விக்கல் நிற்க வாய்ப்பு உள்ளது. நீங்கள் செய்ய வேண்டியது ஒரு கை மற்றும் மற்றொரு உள்ளங்கைக்கு இடையில் லேசான அழுத்தத்தைப் பயன்படுத்துங்கள். மிகவும் கடினமாக அழுத்த முயற்சிக்காதீர்கள். இப்படி செய்தால் விக்கல் சிறிது நேரத்தில் நின்றுவிடும்.
விக்கல் வருவது ஏன்?
வேக வேகமாக உணவைச் சாப்பிடுவது, மிகச் சூடாக சாப்பிடுவது, தேவையான அளவுக்குத் தண்ணீர் அருந்தாதது போன்றவை விக்கலுக்கு சில முக்கியக் காரணங்கள் ஆகும். திடீரென காற்றின் வெப்பநிலை மாறும்போதுகூட சிலருக்கு விக்கல் வரும். வலிநிவாரணி மாத்திரைகள், ஸ்டீராய்டு மாத்திரைகளைச் சாப்பிட்டாலும் விக்கல் வர வாய்ப்பு உண்டு. தொடர்ந்து இரண்டு நாட்களுக்கு மேல் விக்கல் தொடர்ந்தால், அது நோய்க்கான அறிகுறி. உடனே மருத்துவரை அணுகுவது நல்லது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்