சன்னா மோர்க்குழம்பு : வழக்கமான காய்கறிகள் அல்லாமல் கொண்டைக்கடலையில் செய்யலாம் மோர் குழம்பு! இதோ ரெசிபி!

தேவையான பொருட்கள்

• கொண்டைக்கடலை – ஒரு கப்

(8 மணி நேரம் ஊறவைத்து, வேகவைத்தது)

• தயிர் – ஒரு கப் (அடித்து வைத்துக்கொள்ளவேண்டும்)

தாளிக்க தேவையான பொருட்கள்

• எண்ணெய் – ஒரு ஸ்பூன்

• கடுகு – கால் ஸ்பூன்

• வெந்தயம் – கால் ஸ்பூன்

• கறிவேப்பிலை – ஒரு கொத்து

அரைக்க தேவையான பொருட்கள்

• தேங்காய்த் துருவல் – ஒரு கப்

• சீரகம் – ஒரு ஸ்பூன்

• பச்சை மிளகாய் – 2

• மஞ்சள் தூள் – கால் ஸ்பூன்

• பூண்டு – 4 பல்

மேலும் வாசிக்க - மாதவிடாய் நிற்கும் தருணத்தில் நீங்கள் ஹார்மோன் சமமின்மையால் நரை முடியால் அவதிப்படுகிறீர்களா?

மேலும் வாசிக்க - குடல் ஆரோக்கியத்தை மேம்படுத்தி, புற்றுநோய் செல்களின் வளர்ச்சியைத் தடுக்கும் ஒரு அதிகாலை பானம் எப்படி இருக்கும்? மருத்துவர் கூறுவதைக் கேளுங்கள்.

செய்முறை

2. ஒரு மிக்ஸி ஜாரில் தேங்காய்த் துருவல், சீரகம், பச்சை மிளகாய், பூண்டு, மஞ்சள் தூள் என அனைத்தையும் சேர்த்து தண்ணீர் விட்டு அரைத்துக்கொள்ளவேண்டும்.

3. அடுத்து கொண்டைக்கடலையை வேக வைத்து எடுத்துக்கொள்ளவேண்டும்.

4. ஒரு கடாயில் எண்ணெய் சேர்த்து அது சூடானவுடன், கடுகு, வெந்தயம், கறிவேப்பிலை சேர்த்து தாளித்துக்கொள்ளவேண்டும். அடுத்து அரைத்த மசாலா விழுதை சேர்த்து நன்றாக கொதிக்க விடவேண்டும்.

5. அது கொதித்து வந்தவுடன் கொண்டைக்கடலையை சேர்த்து நன்றாக கொதிக்கவிட்டு, பச்சை வாசம் போய், எண்ணெய் பிரிந்து வரும் பதத்தில் கொதிக்கவிட்டு இறக்கிவிடவேண்டும். இறக்கியவுடன் அடித்து வைத்துள்ள தயிரை சேர்த்து கலக்கவேண்டும். தயிரை சேர்து கொதிக்கவிடக்கூடாது. தயிரை கலந்தபின் அந்த சூட்டிலே வெந்து வித்யாசமான சுவையைத் தரும்.

மேலும் வாசிக்க - உங்கள் வீட்டு ஃபிரிட்ஜை சுத்தமாக வைக்கும் வழிகளை தெரிந்துகொள்ளுங்கள்.

இந்த வித்யாசமான கொண்டடைக்கடலை மோர் குழம்பை உங்கள் வீட்டில் உள்ள குழந்தைகள் முதல் பெரியவர்கள் வரை அனைவரும் விரும்பி சாப்பிடுவார்கள். இதை சூடான சாதத்தில் சேர்த்து சாப்பிடலாம் அல்லது இட்லி, தோசைக்கும் தொட்டுக்கொண்டு சாப்பிடலாம். சூப்பர் சுவையானதாக இருக்கும். ஒருமுறை ருசித்தால் மீண்டும் வேண்டும் என்று நினைக்கத்தூண்டும் இந்தக் குழம்பை செய்து சாப்பிட்டு மகிழுங்கள்.