தர்ப்பூசணியில் ரசம் வைக்க முடியுமா? உடலுக்கு குளிர்ச்சியைத் தரும்! இனிப்பு, காரம், புளிப்பு, துவர்ப்பு சுவையானது!

வேக வைத்த துவரம் பருப்பை மசித்து எடுத்த தண்ணீர் – ஒரு கப்

புளித் தண்ணீர் – கால் கப்

(புளியை சூடான தண்ணீரில் ஊறவைத்துக்கொண்டு கரைத்து தண்ணீரை வடிகட்டிக்கொள்ளவேண்டும்)

நெல்லிக்காய் சாறு – கால் கப்

மிளகுத் தூள் – அரை ஸ்பூன்

ரசப்பொடி – ஒரு ஸ்பூன்

உப்பு – தேவையான அளவு

கறிவேப்பிலை – ஒரு கொத்து

மல்லித்துழை – சிறிதளவு

தாளிக்க தேவையான பொருட்கள்

கடுகு – கால் ஸ்பூன்

உளுந்து – கால் ஸ்பூன்

சீரகம் – கால் ஸ்பூன்

பெருங்காயத் தூள் – ஒரு சிட்டிகை

நெய் – ஒரு ஸ்பூன்

செய்முறை

ஒரு கடாயில் நெய் ஊற்றி சூடானவுடன், இதில் கடுகு, உளுந்து, சீரகம், பெருங்காயத்தூள் மற்றும் கறிவேப்பிலை சேர்த்து தாளிக்கவேண்டும்.

அதில் புளித்தண்ணீர், பருப்பு தண்ணீர், நெல்லிச்சாறு தர்ப்பூசணிச் சாறு சேர்த்து தண்ணீர் ஊற்றி கொதிக்க வைக்கவேண்டும். அதில் ரசப்பொடி, மஞ்சள் தூள், மிளகுத் தூள், உப்பு சேர்த்து நன்றாக கலந்துவிடவேண்டும்.

நுரை கட்டி வரும்போது இறக்கிவிடவேண்டும். வித்யாசமான இனிப்பு, புளிப்பு, துவர்ப்பு கலந்த வித்யாசமான சுவை மிக்கது இந்த தர்பூசணி ரசம். உடலுக்கு குளிர்ச்சி தரும். இதை சூடான சாதத்தில் சேர்த்து சாப்பிட சுவை அள்ளும். இதை நீங்கள் சூப் போலவும் பருகலாம். ரசம்போல சாதத்தில் ஊற்றிக்கொண்டும் சாப்பிடலாம். இதற்கு தொட்டுக்கொள்ள உருளைக்கிழங்கு ரோஸ்ட் சிறந்தது. அப்பளமும் தொட்டுக்கொண்டு சாப்பிடலாம்.

இதுபோன்ற எண்ணற்ற தகவல்கள், ஆரோக்கிய குறிப்புகள், ரெசிபிக்கள் ஆகியவற்றை, தேர்ந்தெடுத்து தினமும் ஹெச். டி. தமிழ் வழங்கி வருகிறது. எனவே இதுபோன்ற தகவல்களைப் பெறுவதற்கு நீங்கள் எங்கள் இணையப் பக்கத்தில் இணைந்திருங்கள்.