மூளை ஆரோக்கியம் : 50 வயதுக்கு மேல் மூளையை ஷார்ப்பாக வைத்துக்கொள்ளவேண்டுமா? என்ன செய்வது பாருங்கள்?

மூளைக்கு உகந்த உணவுகளை மட்டும் சாப்பிடுங்கள்

பெரிகள், கீரைகள், வால்நட்கள், ஒமேகா 3 நிறைந்த ஃப்ளாக்ஸ் விதைகள் அல்லது சியா விதைகள் என ஆன்டி ஆக்ஸிடன்ட்கள் நிறைந்த உணவுகள் என மூளைக்கு உகந்த உணவுகளை மட்டும் சாப்பிடுங்கள். இது உங்கள் நினைவாற்றலுக்கு உதவும். மூளையில் வீக்கம் ஏற்பட்டால் அதை எதிர்த்து போராடும்.

உறக்கத்துக்கு முன்னுரிமை

போதிய மற்றும் அமைதியான உறக்கம், உங்கள் நினைவாற்றலை ஒருங்கிணைக்க முக்கியமானது. இது மூளையில் உள்ள நச்சுக்களை நீக்கவும் உதவும். எனவே தினமும் 7 முதல் 8 மணி நேரங்கள் தரமான உறக்கத்தை உறுதி செய்யுங்கள். அது உங்கள் மூளையின் ஆரோக்கியத்துக்கு உதவும்.

மேலும் வாசிக்க - மக்கானா பாயாசம் செய்வது எப்படி என்று பாருங்கள்; உங்கள் வீட்டு விசேஷங்கள் மணக்கும்!

மேலும் வாசிக்க - சிறு கீரை, அரைக்கீரை, முளைக்கீரை என எந்த கீரையிலும் செய்ய முடிந்து ஒட்டல் ஸ்டைல் கீரைக் கூட்டு!

தியானம்

மூளை ஆரோக்கியத்தின் முக்கியமான காரணியே தியானம்தான். இது உங்களின் மன அழுத்தத்தைக் குறைக்க உதவும். இது உங்களின் கவனத்தை அதிகரிக்கும். உங்களின் ஒட்டுமொத்த மன ஆரோக்கியத்தையும் மேம்படுத்தும். தினமும் சில நிமிடங்கள் நீங்கள் செய்யும் தியானம், உங்களுக்கு நீண்ட கால நன்மைகளைக் கொடுக்கும்.

வாசிப்பு

நீங்கள் அன்றாடம் வாசிக்க வேண்டியது அவசியம். அது உங்களின் கவனத்தை அதிகரிக்கிறது. உங்களுக்கு புதிய வார்த்தைகளை தெரியப்படுத்துகிறது. உங்களின் கற்பனை வளத்தை மேம்படச் செய்கிறது. எனவே நீங்கள் உரையாடல் மற்றும் எழுதும்போது அவற்றை உபயோகியுங்கள். நீங்கள் என்ன படிக்கிறீர்கள் என்பது உங்களின் உரையாடலை மேம்படுத்துகிறது. உங்களின் நினைவாற்றலை அதிகரிக்கச் செய்கிறது.

சர்க்கரை மற்றும் பதப்படுத்தப்பட்ட உணவுகளை குறைத்துக்கொள்ளுங்கள்

சர்க்கரை அதிகம் உள்ள உணவுகள் அல்லது பதப்படுத்தப்பட்ட உணவுகள் சாப்பிடுவதைத் தவிர்க்க வேண்டும். அது உங்கள் மூளையின் இயக்கத்தை தடுக்கும். எனவே முழு உணவுகளை சாப்பிடுங்கள். உங்கள் மூளையை பாதுகாக்க ரிபைஃண்ட் சர்க்கரை உணவுகளைத் தவிர்க்கவேண்டும்.

மேலும் வாசிக்க - ஓட்டல் ஸ்டைல் சன்னா மசாலா; வீட்டிலே செய்யலாமா? இதோ எப்படி செய்வது என்று பாருங்கள்!

சமூகத்துடன் தொடர்பில் இருங்கள்

உங்கள் நண்பர்கள், குடும்பத்தினர் மற்றும் சமூக குழுக்களில் அர்த்தமுள்ள தொடர்பில் இருக்கவேண்டும். இது உங்கள் மூளையைத் தூண்டும், உங்களுக்கு நினைவாற்றல் இழக்கும் ஆபத்தைக் குறைக்கும். மூளை தொடர்பான பிரச்னைகளைத் தடுக்க உதவும். உரையாடல்கள், விவாதங்கள் உங்கள் மூளை சுறுசுறுப்பாக வைத்துக்கொள்ள உதவும்.

மற்றவை

பார்வை மற்றும் கேட்கும் திறன் ஆகியவை உங்கள் மூளை ஆரோக்கியத்தோடு நெருங்கிய தொடர்பு கொண்டவையாகும். எனவே கண்கள் மற்றும் காதுகளை பாதுகாத்துக்கொள்ளுங்கள். இவற்றை நீங்கள் சரிசெய்துகொள்வது உங்களின் ஒட்டுமொத்த மூளை ஆரோக்கியத்துக்கும் நல்லது.