பிரியாணி : பிரியாணி பிரியரா நீங்கள்? எனில் இந்த ரகசியங்களை தெரிஞ்சுக்கங்க, நல்ல பிரியாணி சாப்பிடலாம்

மேலும் வாசிக்க - கோயமுத்தூர் ஸ்பெஷல் கில்மா பிரியாணி; பெயரே ஒரு மாதிரி உள்ளதா? செய்தால் டேஸ்ட் அசத்தும்!

மேலும் வாசிக்க - சிதம்பரம் முட்டைச் சட்னி; இப்படியெல்லாம் ஒரு ரெசிபி இருக்க முடியுமா? இதோ ரெசிபி!

பிரியாணி செய்யும் பக்குவம்

1. பாத்திரம் சூடானவுடன்தான் எண்ணெயையே சேர்க்கவேண்டும். நீங்கள் எண்ணெயை சேர்த்தவுடன் அது நன்றாக சூடாகவேண்டும். அதில் இருந்து மெல்லிய புகை வரவேண்டும்.

2. அடுத்து பெரிய வெங்காயத்தைச் சேர்க்கவேண்டும். அதை நல்ல பொன்னிறமாகும் வரை வதக்கவேண்டும். அதன் ஈரப்பதம் முற்றிலும் நீங்கவேண்டும்.

3. அடுத்து பச்சை மிளகாயை சேர்த்து அது நன்றாக வெடிக்கவேண்டும். அடுத்து தான் இஞ்சி – பூண்டு விழுதைச் சேர்க்கவேண்டும்.

4. பெரிய வெங்காயம் பொன்னிறமானவுடன் நீங்கள் இஞ்சி – பூண்டு விழுது சேர்த்தால்தான், ஒட்டாமல் இருக்கும்.

5. அடுத்து மல்லித்தழை தூவவேண்டும். மல்லித்தழை தூவி வதக்கிய பின்னர்தான், பட்டை, கிராம்பு, பிரியாணி இலை, ஸ்டார் சோம்பு, ஏலக்காய், கல்பாசி, ஜாவித்திரி என அனைத்தும் சேர்க்கவேண்டும்.

6. அடுத்து தயிர் சேர்க்கவேண்டும். பின்னர்தான் மிளகாய்த் தூள், மஞ்சள் தூள், பிரயாணி மசாலா அல்லது கரம் மசாலாவைச் சேர்க்கவேண்டும். அடுத்து புதினா சேர்க்கவேண்டும். இவையனைத்தும் நல்ல பச்சைவ வாசம் போனபின்னர் தனியாக பூண்டு பேஸ்ட்டை மட்டும் அரைத்து சேர்க்கவேண்டும்.

7. அடுத்து மட்டன் அல்லது சிக்கன் அல்லது காய்கறிகள் என எதை சேர்க்க விரும்புகிறீர்களோ அதைச் சேர்க்கவேண்டும்.

8. கடைசியாக தக்காளியை சேர்க்கவேண்டும். தக்காளி அந்த கறியில் இறங்கும்போதுதான் கறி நல்ல மிருதுவாக வேகும். கடைசியாகத்தான் தண்ணீர் ஊற்றி வேண்டும். தண்ணீர் ஊற்றும்போது கறி அல்லது காய்கறி எதுவாக இருந்தாலும் அது 50 சதவீதம் வெந்திருக்கவேண்டும்.

மேலும் வாசிக்க - இட்லி, தோசை, ஆப்பம், இடியாப்பத்துடன் சேர்த்து சாப்பிட ஏற்ற தேங்காய்ப்பால் கறி!

9. தண்ணீரும் கொதித்த பின்னர்தான் அரிசியைச் சேர்க்கவேண்டும். அரிசி வெந்து வரும்போது தம் போடவேண்டும். குறைந்தபட்சம் அரை மணி நேரம் தம் போடவேண்டும்.

இந்த முறையில் ஒருமுறை பிரியாணி செய்து பாருங்கள். உங்கள் வீட்டு பிரியாணியின் மணம் தெருவே மணக்கச் செய்யும். இந்த பிரியாணியை உங்கள் வீட்டில் உள்ள அனைவரும் ரசித்து, ருசித்து சாப்பிடுவார்கள்.