தமிழ் செய்திகள்  /  லைஃப்ஸ்டைல்  /  Benefits Of Tender Coconut : கோடையை குளிரிவிப்பது மட்டுமா? எண்ணற்ற ஊட்டச்சத்துக்கள் நிறைந்த இளநீரின் நன்மைகள்!

Benefits of Tender Coconut : கோடையை குளிரிவிப்பது மட்டுமா? எண்ணற்ற ஊட்டச்சத்துக்கள் நிறைந்த இளநீரின் நன்மைகள்!

Priyadarshini R HT Tamil
May 06, 2024 09:51 AM IST

Benefits of Tender Coconut : கோடையை குளுமையாக்கும் இளநீரில் உள்ள நன்மைகள் என்னவென்று தெரிந்துகொள்ளுங்கள்.

Benefits of Tender Coconut : கோடையை குளிரிவிப்பது மட்டுமா? எண்ணற்ற ஊட்டச்சத்துக்கள் நிறைந்த இளநீரின் நன்மைகள்!
Benefits of Tender Coconut : கோடையை குளிரிவிப்பது மட்டுமா? எண்ணற்ற ஊட்டச்சத்துக்கள் நிறைந்த இளநீரின் நன்மைகள்!

ட்ரெண்டிங் செய்திகள்

இளநீரின் நன்மைகள்

நீர்ச்சத்து

நீர்ச்சத்துக்கள் அதிகம் உள்ளதால், இது நீர்ச்சத்து இழப்பை எதிர்த்து போராடுகிறது. இதில் பொட்டாசியம், சோடியம் மற்றும் மெக்னீசியம் என்ற எலக்ட்ரோலைட்கள் உள்ளன. உடல் இழந்த தண்ணீரை விரைவில் கொடுக்கிறது. இது இயற்கையான விளையாட்டு வீரர்களுக்கான பானம் ஆகும்.

ஊட்டச்சத்துக்கள் நிறைந்தது

இளநீரில் எண்ணற்ற ஊட்டச்சத்துக்கள் உள்ளது. இதில் வைட்டமின் சி மற்றும் பி காம்ப்ளக்ஸ்கு வைட்டமின்கள், கால்சியம் மற்றும் இரும்பு போன்ற மினரல்கள் உள்ளன. இது கலோரிகள் குறைந்தது. கொழுப்பு இல்லாதது. சரிவிகித உணவு உட்கொள்ள நினைப்பவர்களுக்கு சிறப்பான தேர்வு.

செரிமானத்துக்கு உதவுகிறது

இளநீரில் உள்ள அதிகப்படியான நார்ச்சத்துக்கள், செரிமானத்துக்கு உதவுகிறது. இது அஜீரணக் கோளாறை நீக்குகிறது. மலச்சிக்கல் மற்றும் அசிடிட்டி ஆகியவற்றை போக்குகிறது. இதில் உள்ள பயோஆக்டிவ் எண்சைம்கள் உடல் வளர்சிதை மாற்றத்துக்கு ஊக்குவித்து, ஒட்டுமொத்த உடல் ஆரோக்கியத்தையும் காக்கிறது.

உடலின் எலக்ட்ரோலைட் அளவுகளை சமப்படுத்த உதவுகிறது

இளநீரில் உள்ள பொட்டாசியம் மற்றும் சோடியம் ஆகியவை உடலில் எலக்ட்ரோலைட்களை முறைப்படுத்த முக்கியமானது. இது விளையாட்டு வீரர்களுக்கு அவசியமானது. உடற்பயிற்சி பிரியர்களுக்கு மிகவும் அவசியமானது. இதில் தசைவலி மற்றும் சோர்வை போக்குகிறது.

நோய் எதிர்ப்பை அதிகரிக்கிறது

இளநீரில் உள்ள ஆன்டி ஆக்ஸிடன்ட்கள், அமினோஅமிலங்கள் மற்றும் சைட்டோகினின்கள், உடலின் நோய் எதிர்ப்பு சக்தியை அதிகரிக்கிறது. இதை எடுத்துக்கொள்வதை வழக்கமாக்கினால், உடல் தொற்று மற்றும் நோய்களை எதிர்த்து போராடுவதை உறுதிசெய்கிறது.

சருமம் மற்றும் தலைமுடி ஆரோக்கியத்துக்கு நல்லது

சருமம் மற்றும் தலைமுடி ஆரோக்கியத்துக்கு நல்லது. இதன் நீர்ச்சத்துக்கள் தன்மை சருமத்தின் நெகிழ்தன்மைக்கு உதவுகிறது. முகப்பருக்களை நீக்குகிறது. இதனால் சருமம் இளமையுடன் தோற்றமளிக்கிறது. தலைமுடியின் ஆரோக்கியத்துக்கும், பொடுகை போக்கவும் உதவுகிறது.

ரத்த அழுத்தத்தை முறைப்படுத்துகிறது

இளிநீரில் சோடியம் சத்து குறைவாகவும், பொட்டாசியச் சத்துக்கள் அதிகமாகவும் உள்ளதால், இது ரத்த அழுத்தத்தை முறைப்படுத்த உதவுகிறது. உயர் ரத்த அழுத்தத்தை குறைக்கிறது மற்றும் இதய நோய்கள் ஏற்படுத்தும் ஆபத்தை குறைக்கிறது.

சிறுநீரக ஆரோக்கியத்துக்கு நல்லது

இளநீரில் உள்ள சிறுநீர் பிரிப்பு தன்மைகள், உங்கள் சிறுநீரகத்தில் கற்கள் உருவாவதை தடுக்கிறது. இது ஒட்டுமொத்த சிறுநீரக ஆரோக்கியத்துக்கும் சிறந்தது.

இத்தனை ஆரோக்கிய நன்மைகள் இருந்தாலும் இதை பருகும்போது யாரெல்லாம் கவனமுடன் இருக்கவேண்டும்?

இதில் இயற்கை சர்க்கரை இருப்பதால், நீரிழிவு நோயாளிகள் பருகும்போது தங்களின் சர்க்கரை அளவை பரிசோதித்துக்கொள்ள வேண்டும். அவர்கள் மருத்துவரின் பரிந்துரையின்பேரிலே எடுத்துக்கொள்ளவேண்டும்.

இளநீர் அதிக கலோரிகள் கொண்டது என்பதால் உடல் எடையை அதிகரிக்கச்செய்யும். எனவே கவனம் தேவை.

இளநீரை பருகும்போது, அலர்ஜி ஏற்படுகிறது. சாப்பிட்டவுடனே அரிப்பு, வீக்கம் ஏற்பட்டால் உடனே மருத்துவரை அணுகவேண்டும்.

அதிகம் பருகினால் வயிற்றுப்போக்கு மற்றும் வாயுத்தொல்லைகள் ஏற்படும். எனவே இளநீரை அளவாக மட்டுமே பருகவேண்டும்.

பாட்டிலில் அடைத்த இளநீரை பருகும்போது, கவனமாக இருக்கவேண்டும். ஏதேனும் மாசு ஏற்பட்டுள்ளதா என்பதை உறுதிசெய்துகொள்ளவேண்டும். ஏனெனில் ஃபிரஷ்ஷாக பருகுவதுதான் நல்லது.

ஆனால், இதில் ஃபிரசர்வேட்டிவ்கள் சேர்த்தால் இதன் நன்மைகள் குறையும் என்பதிலும் கவனம் தேவை.

WhatsApp channel

டாபிக்ஸ்