Benefits of Squats : தோப்புக்கரணம் பனிஷ்மென்ட் அல்ல; அதன் நன்மைகளை கேட்டால், போட்டுக்கொண்டே இருப்பீர்கள்!

பல வழிகளில் செய்யலாம்

இருகால்களையும் மடித்து அமர்ந்து எழுந்திருப்பது அல்லது ஒரு காலை மட்டும் மடித்து அமர்ந்து எழுந்திருப்பது என இருவழிகளில் தோப்புக்கரணத்தை போடலாம். இரண்டும் உடலுக்கு நன்மையைத்தருபவை தான்.

எளிதாக செய்யமுடியும்

தோப்புக்கரணம் போட விலை உயர்ந்த உபகரணங்கள் தேவையில்லை. அதை எளிதாகவே செய்துவிடமுடியும். கைகளை உயர்த்தி போடும் தோப்புக்கரணத்திற்கு டம்பெல்கள் கூட போதுமானதுதான். எனவே உபகரணங்கள் இல்லாமல் அல்லது குறைந்த அளவு உபகரண்ங்கள் வைத்தோ நீங்கள் எளிதாக தோப்புக்கரணம் போட முடியும்.

எங்கு வேண்டுமானாலும் செய்யமுடியும்

நீங்கள் வீடு, ஒட்டல் அறைகள், விடுதி அறைகள், ஜிம், விளையாட்டு மைதானம் என நீங்கள் செல்லும் இடங்களில் எங்கு வேண்டுமானாலும் தோப்புக்கரணம் போட்டுக்கொள்ளலாம். எனவே அதற்கு குறிப்பிட்ட இடம் தேவையில்லை,

உடலின் ஆற்றலை அதிகரிக்கும்

தோப்புக்கரணம் போடுவது உங்கள் உடலின் ஆற்றலை அதிகரிக்கும் இதை நீங்கள் சரியாக செய்யும்போது, அது உங்களுக்கு வேகமாக ஓடவும், அதிக உயரம் குதிக்கவும் உதவும். நீங்கள் எத்தனை வேகமாக ஓடுகிறீர்களோ, அத்தனை வேகமாக ஓடும்போது, உங்கள் உடலின் ரத்த ஓட்டம் அதிகரித்து உங்கள் உடல் வலுவடைகிறது. எனவே நீங்கள் ஓட்டப்பந்தய வீரர் என்றால், கட்டாயம் தோப்புக்கரணம் போடுங்கள்.

தோப்புக்கரணம் தசைகளை வலுப்படுத்துகிறது

தோப்புக்கரணம் போடும்போது உடல் வெளியிடும் ஹார்மோன்கள் தசை திசுக்களின் வளர்ச்சிக்கு உதவுகிறது. உங்கள் உடலில் அடர்த்தியான தசைகள் வேண்டுமெனில், அவை வலுவானதாகவும் இருக்கவேண்டுமெனில் தோப்புக்கரணம் அதற்கு உதவும். எனவே பாடிபில்டர்களுக்கு இது மிகவும் சிறந்தது.

கொழுப்புக்களை எரிக்கிறது

உங்கள் உடலில் சேரும் தேவையற்ற கொழுப்புக்களை குறைக்கிறது. இதனால் உங்களின் உடல் எடையை குறைக்க உதவுகிறது. தோப்புக்கரணம் என்பது நீங்கள் கலோரிகளை எரிக்கவேண்டுமென எண்ணினால், உங்களுக்கு மிகவும் நல்லது. எனவே உங்கள் வழக்கமான உடற்பயிற்சிகளுடன் தோப்புக்கரணமும் போட்டு, உங்கள் உடல் எடை குறைப்பு பயணத்தில் வெற்றிகரமான ஒல்லி பெல்லியாகுங்கள்.

ஒட்டுமொத்த உடல் ஆரோக்கியம்

நீங்கள் தோப்புக்கரணம் போடும்போது, ரத்த ஓட்டம் உடல் முழுவதும் சீராக பாய காரணமாகிறது. மேலும் உங்கள் ஒட்டுமொத்த உடலின் ஆரோக்கியத்தையும் மேம்படுத்துகிறது. உங்கள் உடலில் ரத்த ஓட்டம் நன்றாக இருக்கும்போது, அது உடலின் முக்கிய பாகங்கள் மற்றும் தசைகளுக்கு ஆக்ஸிஜன் செல்லும் அளவை அதிகரிக்கிறது. 

உடற்பயிற்சிகள் உங்கள் உடலின் ரத்த ஓட்டத்தை அதிகரிக்கிறது. இதனால் உங்கள் ஒட்டுமொத்த உடலின் ஆரோக்கியமும் அதிகரிக்கிறது.

நீங்கள் நிற்கும் நிலையை மேம்படுத்துகிறது

நீங்கள் தோப்புக்கரணம் போடும்போது உங்கள் உடலுக்கு நல்ல பேலன்ஸ் கிடைக்கிறது. இந்த பேலன்ஸ் நீங்கள் நன்றாக நடக்க, உட்கார, நிற்க, நேராக செல்ல என அனைத்துக்கும் உதவுகிறது. உங்கள் பின்புறத்தில் உள்ள தசைகளைக் காக்கிறது.

உங்கள் பின்புறத்தை வலுவாக்குகிறது

உங்கள் பின்புற அழகு மற்றும் ஆரோக்கியம் இரண்டுக்குமே தோப்புக்கரணம் உதவுகிறது. எனவே உங்கள் அன்றாட உடற்பயிற்சியில் தோப்புக்கரணத்தையும் சேர்த்து பயன்பெறுங்கள்.

தோப்புக்கரணம் போடும் முறைகள்

நேராக நின்றுகொள்ளவேண்டும். உடல் ஒரே நேர்க்கோட்டில் இருக்கவேண்டும். இரு காதுகளையும் இரு கரங்களால் பிடித்துக்கொள்ளவேண்டும். வலது காதை இடது கரத்தாலும், இடது காதை வலுது கரத்தாலும் பிடித்துக்கொள்ள வேண்டும். காதை அடிப்பகுதியில்தான் பிடிக்கவேண்டும். 

அப்படி பிடிக்கும்போதுதான் மூளைக்கு செல்லும் நரம்புகளக்கு தூண்டுதல் கிடைக்கும். அப்படியே நேராக வளையாமல், குனியாமல் உட்கார்ந்து நேராக எழுந்திருக்கவேண்டும். ஒரே நேரத்தில் மொத்தமாக போடக்கூடாது. ஒரு 10 முதலில் போட்டுவிட்டு, அப்படியே தினிமும் அதிகரிக்க வேண்டும்.