Skin Care: உடலில் தேமலை ஒரேவாரத்தில் போக்கி சருமத்தை பொலிவாக்கும் வழிமுறைகள்

நாயுருவி இலையை அரைத்து அதன் சாறை தடவி வந்தால் தேமல், படை போன்றவை குணமாகும். கமலா ஆரஞ்சு தோலை வெயிலில் உலர்த்தி அதனை பொடி செய்து தினமும் உடம்பில் தேய்த்து வந்தால் தேமல் குணமடையும். எலுமிச்சை தோலை உலர்த்தி அதனை தூளாக்கி படிகாரம் கலந்து குழைத்து பூசி வந்தால் தேமல் குணமடையும்.

மஞ்சளை இடித்து நல்லெண்ணெயில் போட்டு தேமல் உள்ள இடத்தில் பூச வேண்டும். சுக்குடன் சிறிது துளசி இலையை வைத்து மையாக அரைத்து தேமல் உள்ள இடத்தில் பூசி வரும்பொழுது தேமல் குணமடையும்.

கீழாநெல்லி இலை, கொத்துமல்லி இலை ஆகியவற்றை பாலில் அரைத்து முகத்தில் தடவ கரும்புள்ளி, தேமல் போன்றவை குணமாகும். கருஞ்சீரகத்தை எண்ணெய் விட்டு வறுத்து அதனை அரைத்து தேமல் உள்ள இடத்தில் பூசலாம்.

சிறிய காயங்கள், உடல் வலி, சரும பாதுகாப்புக்கு, இருமல், மூல வியாதிக்கு, கண் பாதுகாப்புக்கு என்ற பல உடல் ஆரோக்கிய பிரச்னைகளுக்கு அதிகளவு படிகாரம் மருத்துவ பயன்கள் பெரிதும் உதவுகிறது. இந்த படிகாரம் முடி வளர்வதற்கு, சருமத்தில் இருக்கும் கரும்புள்ளிகள் மற்றும் தழும்புகளை நீக்குவதற்கும் பயன்படுகிறது.

சிறிது படிகாரத்தை தூளாக்கி தண்ணீரில் கலந்தால் ஜில்லென்று ஆகிவிடும் அந்தக் கலவையை தேமல் இருக்கும் இடத்தில் தடவிவந்தால் ஒரே வாரத்தில் தேமல் மறைந்து விடும்.