Benefits of Pumpkin Seeds : தினமும் ஒரு ஸ்பூன் பரங்கிக்காய் விதைகளை சாப்பிடுவதால் உடலுக்கு கிடைக்கும் நன்மைகள் என்ன?

ஆன்டி ஆக்ஸிடன்ட்கள் நிறைந்தது

பரங்கிக்காய் விதைகளில், ஆன்டி ஆக்ஸிடன்ட்கள் அதிகம் உள்ளது. அவை கரோட்டினாய்ட் மற்றும் வைட்டமின் இ ஆகியவை ஆகும். ஆன்டி ஆக்ஸிடன்ட்கள் உடலில் உள்ள ஃப்ரி ராடிக்கல்களை எதிர்த்து போராட உதவுகிறது. உடலில் ஏற்படும் ஆக்ஸிடேட்டிவ் அழுத்தம் மற்றும் வீக்கத்தை குறைக்கிறது. இவைதான் நாள்பட்ட வியாதிகள் மற்றும் வயோதிகத்துக்கு காரணமாகின்றன.

இதய ஆரோக்கியத்துக்கு சிறந்தது

பரங்கி விதைகளில் உள்ள அதிகளவிலான மெக்னீசியச் சத்துக்கள், இதய ஆரோக்கியத்துக்கு நல்லது. மெக்னீசியத், ரத்த அழுத்தத்தை முறைப்படுத்த உதவுகிறது. இது இதயம் சீராக இயங்க உதவுகிறது. கூடுதலாக, இந்த விதையில் ஆரோக்கிய கொழுப்புகள் உள்ளது. இது உடலில் கெட்ட கொழுப்புக்களின் அளவைக் குறைக்க உதவுகிறது.

உறக்கத்தின் தரத்தை அதிகரிக்கிறது

பரங்கிக்காய் விதைகளில், டிரிப்டோஃபான் என்ற அமினோ அமிலங்கள் இயற்கையாகவே நிறைந்துள்ளன. இவற்றை உடல், செரோடினின் மற்றும் மெலோடினினாக மாற்றுகிறது. இவை இரண்டு ஹார்மோன்களும்தான் உறக்கத்தின் தரத்துக்கு காரணம். உங்கள் உறக்கத்தையும் முறைப்படுத்துகின்றன. எனவே பரங்கி விதைகளை உங்கள் உணவில் அன்றாடம் சேர்த்துக்கொள்ளும்போது, அது, உங்கள் உறக்கத்தின் தரத்தை அதிகரிக்கிறது. தூக்கமின்மை நோயை எதிர்த்து போராடுகிறது.

நோய் எதிர்ப்பாற்றலை அதிகரிக்கிறது

சிங்க், உங்கள் உடலின் நோய் எதிர்ப்பாற்றலை அதிகரிப்பதில் முக்கிய பங்கு வகிக்கிறது. பரங்கிக்காய் விதைகள் மினரல்கள் நிறைந்தது. பரங்கிக்காய் விதைகளை நாம் தினமும் உணவில் சேர்த்துக்கொள்வதால், அது உங்கள் உடலின் நோய் எதிர்ப்பாற்றலை அதிகரிக்கிறது. உங்கள் உடல் தொற்றுக்களை எதிர்த்து போராட உதவுகிறது.

உடல் எடை பராமரிப்பு

பரங்கிக்காய் விதைகளில் புரதச்சத்துக்கள், நார்ச்சத்துக்கள் உள்ளது. இவை உங்களுக்கு வயிறு நிறைந்த உணர்வைக் கொடுத்து, உங்களுக்கு சாப்பிட்ட திருப்தியைத் தருகிறது. எனவே பரங்கிக்காய் விதைகளை உங்கள் அன்றாட உணவில் சேர்த்துக்கொள்வது, உங்களுக்கு காலை உணவுக்குப்பின் ஏற்படும் பசியின்மையை போக்குகிறது. உங்களின் உடல் எடையை மேலாண்மை செய்வதற்கு இது உதவுகிறது. இதனால், நீங்கள் ஆரோக்கியமற்ற ஸ்னாக்ஸ்கள் சாப்பிடுவது தடுக்கப்படுகிறது.

ப்ராஸ்டேட் ஆரோக்கியத்தை அதிகரிக்கிறது

ஆண்கள் பரங்கிக்காய் விதைகளை அப்படியே சாப்பிடும்போது, அது ப்ராஸ்டேட் ஆரோக்கியத்துக்கு நன்மை தருகிறது. இதில் ஃபைட்டோஸ்டிரோல்கள் மற்றும் சிங்க் சத்துக்கள் உள்ளது. இதனால் ப்ராஸ்டேட் ஆரோக்கியத்துக்கு உதவுகிறது. புராஸ்டேட்டில் ஏற்படும் பிரச்னைகளை தடுக்க உதவுகிறது. குறிப்பாக, நீண்ட ப்ராஸ்டேட் போன்ற நிலைகளை தடுக்கிறது.

சருமம் மற்றும் தலைமுடி ஆரோக்கியம்

பரங்கிக்காய் விதைகளில் உள்ள வைட்டமின்கள், ஃபேட்டி ஆசிட்கள் மற்றும் மினரல்கள் ஆரோக்கியமான தலைமுடி மற்றும் சருமத்துக்கு உதவுகிறது. வைட்டமின் ஈ மற்றும் சிங்க் சத்துக்கள் சரும ஆரோக்கியத்தை அதிகரிக்கிறது. 

சரும சேதத்தை குறைத்து, நெகிழ்தன்மையை பராமரிக்கிறது. இதில் உள்ள ஃபேட்டி ஆசிட்கள், தலைமுடி ஆரோக்கியத்தை அதிகரிக்கிறது. நீண்ட, வலுவான கூந்தலுக்கும், தலைமுடி வளர்வதற்கும் உதவுகிறது.

பரங்கி விதைகளை உங்கள் உணவில் சேர்ப்பது எப்படி?

தினமும் காலையில் ஒரு ஸ்பூன் பரங்கிக்காய் விதைகளை வறுத்து சாப்பிடுங்கள்.

காலையில் சாப்பிடும் ஸ்மூத்தி ஒரு ஸ்பூன் பரங்கிக்காய் விதைகளை சாப்பிட்டு ஊட்டச்சத்து ஆரோக்கியத்தை அதிகரித்துக்கொள்ளுங்கள்.

ஓட்ஸ், யோகர்ட் அல்லது பருப்பு வகை ஆகியவற்றில் தூவி சாப்பிடுங்கள்.

உங்கள் வீட்டில் தயாரிக்கும் மஃபின்கள், பிரட் ஆகியவற்றில் சேர்த்துக்கொள்ளுங்கள்.