கருப்பட்டி அல்லது பனைவெல்லத்தின் நன்மைகள்! யார், எப்படி பயன்படுத்தவேண்டும்? – மருத்துவர் விளக்கம்
கருப்பட்டி அல்லது பனைவெல்லத்தின் நன்மைகள் என்னவென்றும், அதை யார், எப்படி பயன்படுத்தவேண்டும் என்றும் விளக்குகிறார் மருத்துவர்.
கருப்பட்டி மருத்துவ குணங்கள் நிறைந்தது. உங்கள் உடலை சூடாக வைத்துக்கொள்ள உதவுகிறது. சளி மற்றும் இருமலுக்கு சிகிச்சையளிக்க உதவுகிறது. அதன் மற்ற நன்மைகள் என்னவென்று தெரிந்துகொள்ளுங்கள். பனைமரங்களில் இருந்து பெறப்படும் சாற்றில் இருந்து தயாரிக்கப்படுவது இந்த பனைவெல்லம் அல்லது கருப்பட்டி என்பதாகும். இதில் ஊட்டச்சத்துக்கள் மற்றும் வைட்டமின்கள் அதிகம் உள்ளது. இது நீரிழிவு நோயாளிகள் மற்றும் உடல் பருமனால் அவதிப்படுபவர்களுக்கு சர்க்கரையின் அளவை உயர்த்தாமல் தேவையான ஊட்டச்சத்துககளைக் கொடுக்கிறது. இது இனிப்பு பண்டங்களின் சுவையை மட்டும் அதிகரிக்கவில்லை. செயற்கை உட்பொருட்கள் பயன்படுத்துவதை தவிர்க்கிறது. இதன் மற்ற நன்மைகளைப் பார்க்கலாம்.
கல்லீரலை சுத்திகரிக்கிறது
பனைவெல்லம் அல்லது கருப்பட்டி கல்லீரலை சுத்தம் செய்து உங்கள் உடலில் உள்ள கழிவுகளை வெளியேற்றுகிறது. இது உங்கள் உணவின் சுவையை அதிகரிப்பதுடன், ரத்தத்தை சுத்தம் செய்து உடலுக்கு தேவையான நோய்எதிர்ப்பை வலுப்படுத்துகிறது.
செரிமான ஆரோக்கியத்தை வலுப்படுத்துகிறது
உங்கள் வயிற்றை பனைவெல்லம் சுத்தம் செய்கிறது. குடல் நல்ல முறையில் இயங்க உதவுகிறது. தேவையற்ற நச்சுக்களை வெளியேற்றுகிறது. உணவை உடல் சிறப்பான உறிஞ்ச உதவுகிறது. குடலில் உள்ள பாக்டீரியாக்களைக் கட்டுப்படுத்த உதவுகிறது. இது மலச்சிக்கல் மற்றும் செரிமானக் கோளாறுகளைப் போக்குகிறது.