Benefits of Cumin Seeds : சீரகத்தின் சிறப்பு; ஒன்றா, ரெண்டா உள்ளது! அத்தனையும் பயன்படுத்தி பலன்பெறுங்கள்!
தமிழ் செய்திகள்  /  லைஃப்ஸ்டைல்  /  Benefits Of Cumin Seeds : சீரகத்தின் சிறப்பு; ஒன்றா, ரெண்டா உள்ளது! அத்தனையும் பயன்படுத்தி பலன்பெறுங்கள்!

Benefits of Cumin Seeds : சீரகத்தின் சிறப்பு; ஒன்றா, ரெண்டா உள்ளது! அத்தனையும் பயன்படுத்தி பலன்பெறுங்கள்!

Priyadarshini R HT Tamil
Jan 19, 2025 11:40 AM IST

சீரகத்தின் சிறப்புக்களை தெரிந்துகொள்ளுங்கள்.

Benefits of Cumin Seeds : சீரகத்தின் சிறப்பு; ஒன்றா, ரெண்டா உள்ளது! அத்தனையும் படித்து பயன்பெறுங்கள்!
Benefits of Cumin Seeds : சீரகத்தின் சிறப்பு; ஒன்றா, ரெண்டா உள்ளது! அத்தனையும் படித்து பயன்பெறுங்கள்!

சீரக தண்ணீர்

தினமும் தண்ணீருடன் சிறிது சீரகத்தைப் போட்டு நன்றாக கொதிக்க வைத்து சீரகத்தண்ணீர் தயாரித்தி வைத்துக்கொள்ளவேண்டும். இதை நாம் நாள் முழுவதும் அவ்வப்போது பருகி வர, எந்த அஜீரணக் கோளாறுகளும் வராது. நீர் மூலம் பரவும் நோய்களைத் தடுக்கலாம். பசியைத் தூண்டும். சிறிது சீரகத்தை மென்று சாப்பிட்டு ஒரு டம்ளர் குளிர்ந்த நீரைக் குடித்தால் தலைச்சுற்று குணமாகும்.

வாயுத்தொல்லை மற்றும் பித்தம்

மோருடன் சீரகம், இஞ்சி, சிறிது உப்பு சேர்த்துப் பருகினால் வாயுத் தொல்லை நீங்கும். இஞ்சி மற்றும் எலுமிச்சை பழத்தை சாறு பிழிந்து கொள்ளவேண்டும். அதில் ஒரு ஸ்பூன் சீரகத்தை கலந்து ஒரு நாள் ஊறவைத்துக்கொள்ளவேண்டும். இதை, நாளொன்றுக்கு இருவேளை என மூன்று நாட்கள் பருகிவர பித்தம் மொத்தமாகக் குணமாகும்.

சுக்கு, சீரகம், மிளகு, திப்பிலி ஆகியவற்றைப் பொடித்து தேனில் கலந்து சாப்பிட்டால் எல்லா உடல் உள் உறுப்புகளையும் சீராக இயங்கச் செய்வதோடு, உடலில் எவ்வித கோளாறுகளும் ஏற்படாமால் தடுக்கும். எனவே, வாரம் ஒருமுறை தடுப்புமுறையாகக் கூட இதைச் சாப்பிடலாம்.

உடலுக்கு குளிர்ச்சியைத் தரும். சிறுநீரைப்பெருக்கி, சிறுநீரகத்தொற்றுகள் ஏற்படாமல் தடுக்கும். சருமத்தைப் பளபளப்பாக வைக்கும் ஆற்றலும் சீரகத்துக்கு உண்டு. எனவே, தினம் உணவில் சீரகத்தை ஏதாவது ஒரு வழியில் சேர்த்துக்கொள்வது நல்லது.

ரத்த அழுத்தத்தைக் கட்டுப்படுத்த உதவும்

திராட்சைப் பழச்சாறுடன், கொஞ்சம் சீரகத்தைப் பொடித்துப்போட்டு, பருகினால், ஆரம்ப நிலை ரத்த அழுத்த நோய் குணமாகும். மத்தியதர ரத்த அழுத்தநோய் இருப்பவர்களுக்கு, மேலும் ரத்த அழுத்தம் அதிகரிக்காது தடுக்கும்.

கண் பாதுகாப்பு

சீரகம், மிளகு பொடித்து, நல்லெண்ணெயில் சேர்த்து காய்ச்சி தலையில் தேய்த்து தொடர்ந்து குளித்து வர கண் எரிச்சல், கண்ணில் நீர் வடிதல் போன்ற கண் நோய்கள் குணமாகும்.

மனஅழுத்த கசாயம்

அகத்திக்கீரை, சின்னவெங்காயம் சேர்த்து கொதிக்க வைத்து அதில் சீரகத்தூளை தூவி கஷாயம் செய்து, கருப்பட்டி கலந்து பருகிவர மனஅழுத்தம் குறையும். ஆரம்ப நிலை மனநோய் குணமாகும்.

உடல் சோர்வு மற்றும் நரம்பு தளர்ச்சி

சீரகம், சுக்கு, மிளகு, வரமல்லி, சித்தரத்தை ஆகிய மூன்றையும் சேர்த்து, தூளாக்கி வைத்துகொள்ளவேண்டும். இதில் இரண்டு சிட்டிகை காலை, மாலை சாப்பிட்டால், உடல் அசதி நீங்கி, புத்துணர்ச்சி ஏற்படும். சீரகத்தை லேசாக வறுத்து, கருப்பட்டி சேர்த்து மென்று சாப்பிட்டால், நரம்புகள் வலுப்பெறும். நரம்புத் தளர்ச்சி குணமாகும்.

குடல் ஆரோக்கியம்

வெற்றிலையில் சீரகம் மற்றும் மிளகு வைத்து மென்று சாப்பிட்டால், வயிற்றுப்பொருமல் நீங்கி, குடல் ஆரோக்கியம் பெறும். சீரகத்துடன், 3 பற்கள் பூண்டு வைத்து மையாக அரைத்து, எலுமிச்சை சாறில் கலந்து குடித்தால், குடல் கோளாறுகள் குணமாகும்.

வயிற்றுப்போக்கு

ஓமம் மற்றும் சீரகம் இரண்டையும் சமஅளவு எடுத்து தண்ணீரில் கொதிக்க வைத்து பருகினால் பேதி நிற்கும்.

வெள்ளைப்படுதல்

பெண்களுக்கு ஏற்படும் வெள்ளைப்படுதல் கோளாறுக்கு, சின்ன வெங்காயம் மற்றும் சீரகத்தை அரைத்து, பசும்பாலில் கலந்து குடித்து வர நல்ல பலன் கிடைக்கும்.

கல்லீரல் கோளாறுகள்

கீழாநெல்லி மற்றும் சீரகத்தை அரைத்து எலுமிச்சை சாறில் கலந்து பருகினால், கல்லீரல் கோளாறுகள் குணமாகும். சீரகம் மற்றும் டீத்தூளை கொதிக்க வைத்து வடிகட்டி, தேன் கலந்து பருகினால், சீதபேதி குணமாகும். சீரகம், திப்பிலி இரண்டையும் பொடி செய்து, தேனில் குழைத்து சாப்பிட தொடர் விக்கல் நிற்கும்.

உடல் எடை குறைப்பு

மஞ்சள் வாழைப்பழத்துடன், சீரகம் சேர்த்து சாப்பிட்டு வர உடல் எடை குறையும். உடலுக்கு இத்தனை நன்மைகளைக் கொடுக்கும் சீரகத்தை அன்றாட உணவில் சேர்த்து பலன் பெறுங்கள்.

Whats_app_banner

தொடர்புடையை செய்திகள்

டாபிக்ஸ்

உடல்நலம், அழகு குறிப்புகள், சமையல் குறிப்புகள், பயணம், உடற்பயிற்சி, போன்ற பல கட்டுரைகளை, லைஃப் ஸ்டைல் பிரிவில் படிக்கலாம்.