Benefits of Corn : கார்ன் பிடிக்கும் என்றால், அதில் 9 நன்மைகள் உள்ளது! அவை தரும் ஆரோக்கியம் என்ன பாருங்கள்!
தமிழ் செய்திகள்  /  லைஃப்ஸ்டைல்  /  Benefits Of Corn : கார்ன் பிடிக்கும் என்றால், அதில் 9 நன்மைகள் உள்ளது! அவை தரும் ஆரோக்கியம் என்ன பாருங்கள்!

Benefits of Corn : கார்ன் பிடிக்கும் என்றால், அதில் 9 நன்மைகள் உள்ளது! அவை தரும் ஆரோக்கியம் என்ன பாருங்கள்!

Priyadarshini R HT Tamil
Jan 24, 2025 12:51 PM IST

Benefits of Corn : கார்னில் உள்ள நற்குணங்கள் என்னவென்று தெரிந்துள்ளது.

Benefits of Corn : கார்ன் பிடிக்கும் என்றால், அதில் 9 நன்மைகள் உள்ளது! அவை தரும் ஆரோக்கியம் என்ன பாருங்கள்!
Benefits of Corn : கார்ன் பிடிக்கும் என்றால், அதில் 9 நன்மைகள் உள்ளது! அவை தரும் ஆரோக்கியம் என்ன பாருங்கள்!

செரிமான ஆரோக்கியத்தை மேம்படுத்துகிறது

கார்னில் உள்ள நார்ச்சத்துக்கள், உங்கள் குடலின் இயக்கத்தை சிறப்பாக்குகிறது. இது உங்களின் செரிமான ஆரோக்கியத்துக்கு உதவுகிறது. வயிறு உப்புசத்தைத் தடுக்கிறது. குடலில் ஆரோக்கியமான நுண்ணுயிர்கள் வளர உதவுகிறது.

கண் ஆரோக்கியத்தை அதிகரிக்கிறது

கார்னில் உள்ள லியூட்டின் மற்றும் ஸியாக்ஸான்தின் போன்ற கரோட்டினாய்ட்கள், உங்களுக்கு வயோதிகம் தொடர்பான கண் கோளாறுகள் ஏற்படாமல் தடுக்கிறது. கண்ணில் கண் புரை நோய் வராமல் தடுக்கிறது. ஒட்டுமொத்த கண் ஆரோக்கியத்தையும் அதிகரிக்கிறது.

இதய ஆரோக்கியத்துக்கு உதவுகிறது

கார்னில் உள்ள நார்ச்சத்துக்கள் மற்றும் ஆன்டி ஆக்ஸிடன்ட்கள், உங்கள் உடலில் உள்ள கொழுப்பைக் குறைக்க உதவுகிறது. இது உங்களுக்கு இதய நோய்கள் ஏற்படும் ஆபத்தைத் தடுக்கிறது. கூடுதலாக இதில் உள்ள பொட்டாசியம் போன்ற சத்துக்கள் உங்களுக்கு ஆரோக்கியமான ரத்த அழுத்தத்தைக் கொடுக்கிறது.

சரும ஆரோக்கியத்தை மேம்படுத்துகிறது

கார்னில் உள்ள வைட்டமின் சி சத்துக்கள் உங்கள் சருமத்தில் கொலாஜென் உற்பத்திக்கு உதவுகிறது. இது சருமத்தின் நெகிழ்தன்மைக்கு உதவக்கூடிய ஒரு புரதம் ஆகும். இது சருமத்தை சரிசெய்ய உதவுகிறது. முகத்தில் உள்ள சுருக்கத்தை குறைக்க உதவுகிறது. இது சருமத்துக்கு இளமைத் தோற்றத்தைக் கொடுக்கிறது.

ஆற்றலைக் கொடுக்கிறது

கார்ன் ஆரோக்கியம் நிறைந்த ஒரு தானியம் ஆகும். இதில் எண்ணற்ற ஊட்டச்சத்துக்கள் உள்ளது. அது உங்கள் உடலுக்கு முக்கியமானதும் ஆகும். இந்த ஊட்டச்சத்துக்களுடன் கார்போஹைட்ரேட்களும் கார்னில் உள்ளது. உங்கள் உடலுக்கு முக்கியமான ஆற்றலை வழங்குவதில் கார்ன் முக்கிய பங்கு வகிக்கிறது. இது உங்களை சுறுசுறுப்புடன் வைத்துக்கொள்ள உதவுகிறது.

நோய் எதிர்ப்பாற்றலை அதிகரிக்கிறது

கார்னில் உள்ள வைட்டமின் சி சத்துக்கள், உங்கள் உடலின் நோய் எதிர்ப்பாற்றலை அதிகரிக்கச் செய்கிறது. இது உங்கள் உடலில் ரத்த வெள்ளை அணுக்களின் உற்பத்தியை அதிகரித்து, தொற்றுக்களை அடித்து விரட்டுகிறது. இதனால் கார்ன் உங்களுக்கு நாள்பட்ட நோய்கள் வளராமல் தடுக்க உதவுகிறது.

உடல் எடையை மேலாண்மை செய்ய உதவுகிறது

கார்னில் கொழுப்புகள் குறைவு மற்றும் அதிக நார்ச்சத்துக்கள் உள்ளது. இதனால் கார்ன் உங்களுக்கு வயிறு நிறைந்த உணர்வைக் கொடுக்க உதவுகிறது. இதனால் நீங்கள் நீண்ட நேரம் பசியைக் கட்டுப்படுத்த கார்னை சாப்பிடலாம். இது நீங்கள் தேவையற்ற ஸ்னாக்ஸ்கள் சாப்பிடுவதைத் தடுக்க உதவுகிறது. இதனால் உங்கள் உடல் எடை முறையாகப் பராமரிக்கப்படுகிறது.

அனீமியா ஏற்படும் ஆபத்தைக் குறைக்கிறது

கார்னில் உள்ள அதிகப்படியான இரும்புச்சத்துக்கள் உங்களுக்கு இரும்பு குறைபாடு அல்லது அனீமியா ஏற்படும் ஆபத்தைத் தடுக்கிறது. உங்கள் உடலில் ஹீமோகுளோபின் உற்பத்தியை அதிகரிக்க இரும்புச் சத்துக்கள் மிகவும் முக்கியமான ஒன்றாகும். ஹீமோகுளோபின் உங்கள் உடல் முழுவதில் ஆக்ஸிஜனை சுமந்து செல்ல உதவுகிறது.

குளூட்டன் ஃப்ரியான தேர்வு

கார்னில் உள்ள இயற்கை குளூட்டன் இல்லாத தன்மை, அதை சிலியாக் நோய் உள்ளவர்களுக்கு சிறப்பான தேர்வாக மாற்றுகிறது. சிலியாக் என்பது குளுட்டன் உணவுகளை உட்கொள்வதால் ஏற்படும் பாதிப்பு ஆகும். அவர்களுக்கு மட்டுமின்றி குளுட்டனை தவிர்க்க விரும்புபவர்களுக்கும் ஏற்றது. குளுட்டன் இல்லாம உணவு செரிமானம், சருமம் மற்றும் எலும்பு ஆரோக்கியத்துக்கு எண்ணற்ற நன்மைகளை அள்ளித்தரும் தன்மைகொண்டது. இங்கு கொடுக்கப்பட்டுள்ள நன்மைகள் அனைத்தும் அதில் உள்ளதாகக் கூறப்படுகிறது. எனவே உங்கள் ஆரோக்கிய வாழ்வின் அங்கமாகக் கார்னை மாற்றுங்கள்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே உங்கள் உடல் அமைப்புக்கு ஏற்ப தேவையான பிரச்னைகளுக்கு தேவையான மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.

Whats_app_banner

தொடர்புடையை செய்திகள்

டாபிக்ஸ்

உடல்நலம், அழகு குறிப்புகள், சமையல் குறிப்புகள், பயணம், உடற்பயிற்சி, போன்ற பல கட்டுரைகளை, லைஃப் ஸ்டைல் பிரிவில் படிக்கலாம்.