சோம்பின் நன்மைகள் : இந்த சிறிய பொருளில் இத்தனை நன்மைகள் உள்ளதா? அது என்னவென்று தெரிந்துகொள்ளுங்க்ள்!
பெருஞ்சீரகம் அல்லது சோம்பு என்று அழைக்கப்படுகிறது. நமது சமையலறையில் முக்கிய இடம் பிடித்துள்ள சோம்பின் நற்குணங்கள் என்னவென்று தெரிந்துகொள்ளுங்கள்.
சோம்பில் உள்ள சத்துக்கள்
80 கிராம் சோம்பில் 10 கலோரிகள் உள்ளது. 0.7 கிராம் புரதம், 0.2 கிராம் கொழுப்பு, 1.4 கிராம் கார்போஹைட்ரேட், 2.6 கிராம் நார்ச்சத்துக்கள், 352 மில்லிகிராம் பொட்டாசியம், 34 மைக்ரோகிராம் ஃபோலேட், 112 மைக்ரோகிராம் கரோட்டின் ஆகியவை உள்ளது.
பாதுகாப்பான தாவர உட்பொருட்கள் நிறைந்தது
சோம்பின் அனைத்து பாகங்களிலும், தாவர உட்பொருட்கள் நிறைந்துள்ளது. அதில் உடலுக்கு பாதுகாப்பை வழங்கும் பொருட்கள் உள்ளன. இதில் குளோரோஜெனிக் அமிலம், லைமோனே மற்றும் குயிர்சிட்டின் ஆகியவை உள்ளன என்று ஆய்வுகள் கூறுகின்றன. இவை நாள்பட்ட நோய்களான இதய நோய்கள், உடல் பருமன் மற்றும் டைப் 2 டையாபடீஸ் ஆகியவை ஏற்படும் வாய்ப்பை குறைக்கின்றன.
இதய ஆரோக்கியத்தை பராமரிக்கிறது
நார்ச்சத்துக்கள் மற்றும் இதயத்துக்கு இதமான பொட்டாசியம், ஃபோலேட் போன்ற ஊட்டச்சத்துக்கள், இதய ஆரோக்கியத்தை மேம்படுத்துகிறது. இதை அன்றாட உணவில் சேர்த்துக்கொள்ளும்போது, இது உங்கள் உடலில் ரத்த அழுத்தத்தை குறைத்து, கொழுப்பை சரியான அளவில் பராமரிக்க உதவுகிறது.