ஆவாரம் பூவின் நற்குணங்கள் : சர்க்கரை நோய் முதல் எத்தனை நோய்களுக்கு மருந்து இந்த ஆவாரை? மருத்துவர் கூறுவதைக் கேளுங்கள்!

ஆவாரம் பூவில் உற்ற நற்குணங்கள்

‘ஆவாரைப் பூத்திருக்கச் சாவரைக் கண்டதுண்டா?’ ஆவாரம் பூ ஒரு மிகச் சிறந்த காய கற்ப மூலிகை. காயம் என்றால் உடல் கற்பம் என்றால் நரை, திரை, மூப்பு, பிணி, மரணம் என்ற ஐந்தையும் குறிப்பிடும். நரை என்றால் தலை முடி நரைத்தல், திரை என்றால் தோல் சுருங்குதல், மூப்பு என்றால் வயது முதிர்தல், பிணி என்றால் நோய், மரணம் என்றால் இறப்பு என இந்த ஐந்தையும் வராமல் தடுக்கக்கூடிய ஆற்றல் இந்த ஆவாரை மூலிகைக்கு உள்ளது.

ஆவாரம் பூ சர்க்கரை நோய்க்கு மிகச்சிறந்த மருந்து. வெண் படை, வெண் புள்ளி என்ற சரும நோய்களுக்கு மிகச்சிறந்த மருந்து. மூட்டு வலி, ஆஸ்துமா, கண் நோய்களுக்கு என சகல ரோக நிவாரணியாக உள்ளது. 4448 நோய்களையும் தீர்க்கக்கூடியதாக இந்த ஆவரை உள்ளது. இந்த மொத்தச் செடியையும் உட்கொள்ள முடியும். அதாவது வேர், தண்டு, இலை, பூ, மகரந்தம், காய் என அத்தனையும் மருந்து. இதன் மலம் சம்மூலம் தயாரிக்கப்படுகிறது.

மேலும் வாசிக்க - மாத்திரை இல்லாமல் பிபியை கட்டுப்படுத்த வேண்டுமா? இதையெல்லாம் சாப்பிடுங்க! டாக்டர் கூறுவது என்ன?

மேலும் வாசிக்க - ஒரே மாதிரி கீரை கடைசல் செய்து போர் அடித்துவிட்டதா? இதோ இதுபோல் வித்யாசமாக செய்து பாருங்கள்!

ஆவாரைச் சம்மூலம் தயாரிப்பது எப்படி?

இவையனைத்தையும் சேகரித்து நிழலில் உலர்த்திக்கொள்ளவேண்டும். நன்றாக காய்ந்தவுடன், அனைத்தையும் அரைத்து சலித்து வைத்துக்கொள்ளவேண்டும். இதை காற்றுப் புகாத டப்பாவில் அடைத்து வைத்துக்கொள்ளவேண்டும். இதை தினமும் காலை மற்றும் மாலை இருவேளையும் 2 முதல் 4 கிராம் சூடான தண்ணீரில் அல்லது தேனில் கரைத்து தொடர்ந்து சாப்பிடவேண்டும். அவ்வாறு சாப்பிடும்போது, உங்களுக்கு எண்ணற்ற நன்மைகள் கிடைக்கும்.

சர்க்கரை நோய் கட்டுக்குள் இருக்கும். இதய நோய் வராது, மூட்டு வலி தீரும். கண் நோய் தீரும். இப்படி ஒட்டுமொத்த உடலையும் பாதுகாக்கக்கூடிய அற்புதமான மூலிகைதான் ஆவாரை மூலிகை. இதை பயன்படுத்தி பலன்பெறுங்கள்.

மேலும் வாசிக்க - கோடையைக் கொண்டாடலாமா? பாதாம் பிசின் மில்க் ஷேக் செய்வது எப்படி என்று பாருங்க!

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே உங்கள் உடல் அமைப்புக்கு ஏற்ப தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.