Belly Fat Reduction : தொப்பையால் தொந்தரவா? அடித்து விரட்ட அன்னாசி செய்யும் அற்புதம் என்ன? ஒரே வாரத்தில் பலன்!
Belly Fat Reduction : தொப்பையால் தொந்தரவாக உணர்கிறீர்களா? அடித்து விரட்ட அன்னாசி செய்யும் அற்புதம் என்னவென்று தெரிந்துகொள்ளுங்கள். ஒரே வாரத்தில் பலன் கிட்டும்.
மாறிவரும் வாழ்க்கை முறை மற்றும் உணவுப்பழக்கம் ஆகியவற்றால் நாம் இன்று பல்வேறு உடல் உபாதைகளுக்கு ஆளாக நேரிடுகிறது. இதனால், 30 முதல் 40 வயதை கடந்தவுடனே, பல்வேறு நோய்களுக்கு ஆளாகிறோம். நம் வாழ்க்கை முறையில் மாற்றம் ஏற்பட ஏற்பட நமக்கு ஏற்படும் நோய்களின் எண்ணிக்கையும் அதிகரித்து வருகிறது.
அதற்கு நாம் மருத்துவர்களை நாடி, மருந்துகள் எடுத்துக்கொள்கிறோம். ஆனால் அவை பக்கவிளைவை ஏற்படுத்தக்கூடியவை.
ஆனால் பிரச்னைகள் சிறிய அளவில் இருக்கும்போதே நாம் வீட்டிலே சிலவற்றை செய்தால், எளிய பிரச்னைகளில் இருந்து குணமாகி, அவை மேலும் அதிகரிக்காமல் தடுக்க முடியும். அவ்வாறு இன்று நீங்கள் தெரிந்துகொள்ளப்போவது என்ன?
தேவையான பொருட்கள்
அன்னாசிப்பழம் – ஒரு கப் (சுத்தம் செய்து பொடியாக நறுக்கியது)
இஞ்சி – ஒரு துண்டு (தோல் நீக்கி சுத்தம் செய்து நறுக்கியது)
வெள்ளரி – 1 (பொடியாக நறுக்கியது)
எலுமிச்சை – 1 (தோல் நீக்கி பொடியாக நறுக்கியது)
செய்முறை
அன்னாசிப்பழத்துண்டுகள், வெள்ளரி துண்டுகள், இஞ்சி துண்டுகள் மற்றும் எலுமிச்சை துண்டுகளை ஒரு மிக்ஸி ஜாரில் சேர்த்து750 மில்லி லிட்டர் தண்ணீரை ஊற்றி நன்றாக அடிக்கவேண்டும்.
பின்னர் ஒரு பாத்திரத்தில் வடிகட்டினால், ஒரு லிட்டர் இந்தப்பழத்தின் சாறு கிடைக்கும். அதை வைத்துக்கொண்டு நாள் முழுவதும் தண்ணீருக்குப்பதில் பருகவேண்டும். குறிப்பாக காலை, மதியம், மாலை, இரவு உணவுகளுக்கு இடையில் இதை பருகினால் நல்ல பலன் கிடைக்கும்.
உடலில் உள்ள அழுக்குகள் வெளியே ஓடும். தொப்பை கொழுப்பு கரைந்து போய் உடல் எடை ஒரு வாரத்தில் குறையத் துவங்கிவிடும். ஒரு வாரத்தில் உங்களுக்கு கிடைக்கும் நன்மைகளை உங்களை உற்சாகப்படுத்தி ஒரு மாதம் வரை எடுக்கத் தூண்டும். பின்னர் நீங்கள் தொடர்ந்து சாப்படுவீர்கள்.
இந்த பழச்சாறின் நன்மைகள்
உங்கள் உடலில் எங்கு வீக்கம் ஏற்பட்டாலும் அதை குறைக்கும். மேலும் உடலில் தண்ணீர் சேர்வதை தடுக்கும். சில நாட்களிலே உங்களை ஒல்லி பெல்லியாக்கும்.
அன்னாசிப்பழத்தில் உள்ள ப்ரோமெலின் என்பது வீக்கத்துக்கு எதிரான குணங்கள் நிறைந்தது. இதை இஞ்சியுடன் சேர்த்து பருகும்போது, உடலின் வீக்கம் குறைய அது உதவுகிறது.
இந்த பானம் ரத்தத்தில் உள்ள சர்க்கரை அளவைக் குறைக்க உதவும். உங்கள் உடலில் உள்ள கழிவுகளை வெளியேற்றி, உங்கள் செரிமான மண்டல ஆரோக்கியத்தை காக்கிறது. இது தரும் குறிப்பிட்ட நன்மைகள் நீங்கள் விரைந்த உடல் எடை குறைக்க உதவும்.
வெள்ளரியில் உள்ள பசியைக்கட்டுப்படுத்தும் திறன்கள் மற்றும் ஆன்டி ஆக்ஸிடன்ட்கள் உங்கள் உடலுக்கு எண்ணற்ற நன்மைகளைத்தரும். எலுமிச்சை உங்கள் உடலில் உள்ள கழிவை நீக்கி, புத்துணர்ச்சியைத்தரும்.
பொறுப்பு துறப்பு
இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.
எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.
டாபிக்ஸ்