Beet-Dates Jam : ப்ரிசர்வேட்டிவ்கள் இல்லை; வெள்ளை சர்க்கரை இல்லை! 3 மாதம் கெடாத பீட்ரூட் ஜாம்!
பீட்ரூட் மற்றும் பேரிட்சை பழங்களை வைத்து ஜாம் செய்வது எப்படி என்று பாருங்கள்.

பீட்ரூட்டில் உள்ள ஊட்டச்சத்துக்கள் மற்றும் நன்மைகள் என்னவென்று முதலில் தெரிந்துகொள்ளுங்கள். கலோரிகள் 29, புரதம் 1.4 கிராம், கொழுப்பு, 0.1 கிராம், கார்போஹைட்ரேட் 6.1 கிராம், நார்ச்சத்துக்கள் 2.0 கிராம், 304 மில்லிகிராம் பொட்டாசியம், 120 மைக்ரோகிராம் ஃபோலேட் உள்ளது. பீட்ரூட் சிலருக்கு சிறுநீரகத்தில் சிறிய அளவில் பாதிப்புக்களை ஏற்படுத்தலாம். அதனால் வாரத்தில் ஒன்று அல்லது இரண்டு முறை மட்டுமே எடுத்துக்கொள்வது பாதுகாப்பானது. பீட்ரூட்டில் உள்ள நற்குணங்களுக்காக அதை உணவில் சேர்த்துக்கொண்டு, பல்வேறு ரெசிபிகள் செய்து, சாப்பிட்டு மகிழுங்கள். உடலுக்கு தேவையான எண்ணற்ற ஆரோக்கிய நன்மைகளைத் தரும் பீட்ரூட்களை வாரத்தில் இரண்டு அல்லது மூன்று நாட்கள் எடுத்துக்கொள்ள வேண்டும் என்று மருத்துவர்கள் அறிவுறுத்துகிறார்கள். ரத்தத்தை சுத்தம் செய்து ரத்தத்தில் உள்ள ஹீமோகுளோபின் அளவை அதிகரிப்பதில் பீட்ரூட்கள் முக்கிய பங்கு வகிக்கிறது. உடலில் உள்ள கழிவுகளை வெளியேற்ற உதவுவதால் தினமும் எடுத்துக்கொள்ளக்கூடிய உணவுகள் பட்டியலில் பீட்ரூட் உள்ளது. எனவே பீட்ரூட்டை அடிக்கடி உணவில் சேர்த்து ஆரோக்கிய வாழ்க்கைக்கு அடித்தளம் இடுங்கள். எளிதில் கிடைக்கக்கூடியதாகவும் உள்ளது. கட்டாயம் பீட்ரூட்டில் இந்த கோலா உருண்டையை செய்து சாப்பிட்டு மகிழுங்கள்.
பீட்ரூட்டின் நன்மைகள்
ஆன்டி ஆக்ஸிடன்ட்கள் நிறைந்தது
புற்றுநோய்க்கு எதிரான குணங்கள் உள்ளது
வீக்கத்துக்கு எதிரான குணங்கள் நிறைந்தது
ரத்த அழுத்தத்தை குறைக்கும்
உடற்பயிற்சியின் ஆற்றலை அதிகரிக்கும். உடலில் ஆற்றல் அளவை அதிகரிக்கும்
செரிமான ஆரோக்கியத்தை அதிகரிக்கிறது
குடல் ஆரோக்கியத்தை பாதுகாக்கிறது
மூளை ஆரோக்கியத்தை அதிகரிக்கிறது
மெனோபாஸ்க்கு பிந்தைய காலத்திற்கு பயனுள்ளது
ரேநாய்ட் ஃபினாமினன் அறிகுறிகளைப் போக்குகிறது
தேவையான பொருட்கள்
பீட்ரூட் – 1
பேரிட்சை பழம் – 10
நெய் – 4 டேபிள் ஸ்பூன்
வெல்லம் – கால் கப் (பொடித்தது)
எலுமிச்சை சாறு – அரை ஸ்பூன்
செய்முறை
பீட்ரூட்டை தோல் நீக்கி எடுத்துக்கொள்ளவேண்டும். அடுத்து பேரிட்சை பழத்தை விதைகளை நீக்கி எடுத்துவிடவேண்டும். இவையிரண்டையும் குக்கரில் சேர்த்து சிறிது தண்ணீர் விட்டு நன்றாக 4 விசில் விட்டு எடுத்து வைத்துகொள்ளவேண்டும். குக்கரை இறக்கி விசில் அடங்கியவுடன், திறந்து பீட்ரூட் மற்றும் பேரிட்சையை மட்டும் எடுத்து ஆறவிட்டு மிக்ஸி ஜாரில் அரைத்துக்கொள்ளவேண்டும்.
அடுத்து ஒரு கடாயில் பீட்ரூட் மற்றும் வெல்லம் வேகவைத்த தண்ணீரையும், வெல்லத்தையும் சேர்த்து நன்றாக கரையவிடவேண்டும். அது நன்றாக கரைந்தவுடன், அதில் அரைத்த பீட்ரூட் விழுதை சேர்க்கவேண்டும்.
நன்றாக கலந்து கெட்டியாகி வரும்போது அதனுடன் எலுமிச்சை சாறு மற்றும் நெய் சேர்த்து மேலும் கலந்து இறக்கினால் சூப்பர் சுவையான பீட்ரூட் ஜாம் தயார். இதை சப்பாத்தி, பூரி, பிரட் என எதனுடன் வேண்டுமானாலும் தொட்டுக்கொண்டு சாப்பிட சுவை அள்ளும்.
குழந்தைகள் மிகவும் விரும்பி சாப்பிடுவார்கள். பெரியவர்களுக்கும் மிகவும் பிடிக்கும். ஒருமுறை ருசித்தால் நீங்களே மீண்டும், மீண்டும் வேண்டும் என்று நினைப்பீர்கள். அத்தனை சுவையானதாக இருக்கும். இதை செய்து ஃபிரிஜில் வைத்துக்கொண்டால் மூன்று மாதங்கள் வரை கெடாது.
நீங்கள் பிரசர்வேட்டிவ்கள், வெள்ளை சர்க்கரை மற்றும் வண்ணங்கள் கலக்காத இந்த ஜாமை சாப்பிட அது உங்களுக்கு மிகவும் நல்லது. பீட்ரூட்டின் எண்ணற்ற நற்குணங்களும் உங்கள் உடலுக்கு பல்வேறு நன்மைகளைத் தரும்.
இதுபோன்ற எண்ணற்ற தகவல்கள், விடுகதைகள், ஜோக்குள், வித்யாசமான ரெசிபிக்கள், குழந்தைகளின் பெயர்கள், தோட்டக்கலை பராமரிப்பு குறிப்புகள், பண்டிகைக் கால சிறப்பு உணவுகள், பழக்கங்கள், மரபுகள், குழந்தைகளுக்கு அர்த்தமுள்ள பெயர்கள், அழகு குறிப்புகள் மற்றும் ஆரோக்கிய குறிப்புக்கள் தேர்ந்தெடுத்து வழங்கப்பட்டு வருகிறது. எனவே தகவல்களை தொடர்ந்து பெற்று ஆரோக்கியமான வாழ்வு வாழ வாழ்த்துக்கள்.

தொடர்புடையை செய்திகள்
டாபிக்ஸ்