Tamil News  /  Lifestyle  /  Bajra Paniyaram 100 Percent Health Guarantee For Your Children This Paniyaratha Senju Kudung

Bajra Paniyaram : இந்த பனியாரத்த செஞ்சு குடுங்க உங்க குழந்தைகளுக்கு, ஆரோக்கியம் 100 சதவீதம் உறுதி!

Priyadarshini R HT Tamil
Jan 27, 2024 09:45 AM IST

Bajra Paniyaram : இந்த பனியாரத்த செஞ்சு குடுங்க உங்க குழந்தைகளுக்கு, ஆரோக்கியம் 100 சதவீதம் உறுதி!

Bajra Paniyaram : இந்த பனியாரத்த செஞ்சு குடுங்க உங்க குழந்தைகளுக்கு, ஆரோக்கியம் 100 சதவீதம் உறுதி!
Bajra Paniyaram : இந்த பனியாரத்த செஞ்சு குடுங்க உங்க குழந்தைகளுக்கு, ஆரோக்கியம் 100 சதவீதம் உறுதி!

ட்ரெண்டிங் செய்திகள்

பச்சரிசி – அரை கப்

கம்பு – ஒரு கப்

கருப்பு உளுந்து – அரை கப்

வெந்தயம் – ஒரு ஸ்பூன்

உப்பு – தேவையான அளவு

நல்லெண்ணெய் – பனியாரம் பொரிக்க தேவையான அளவு

தாளிக்க தேவையான பொருட்கள்

பெரிய வெங்காயம் – 2 (பொடியாக நறுக்கியது)

கறிவேப்பிலை, மல்லித்தழை – கைப்பிடியளவு

கடுகு – கால் ஸ்பூன்

உளுந்து – அரை ஸ்பூன்

கடலை பருப்பு – அரை ஸ்பூன்

தேங்காய் துருவல் – 4 டேபிள் ஸ்பூன்

செய்முறை

ஒரு பாத்திரத்தில் இட்லி அரிசி, பச்சரிசி மற்றும் கம்பு சேர்த்து தண்ணீரில் மூன்று முறை கழுவி தேவையான அளவு தண்ணீர் ஊற்றி 4 மணி நேரம் ஊறவைக்கவேண்டும்.

மற்றொரு பாத்திரத்தில் கருப்பு உளுந்து மற்றும் வெந்தயம் சேர்த்து கழுவி சிறிது தண்ணீர் விட்டு ஒரு மணி நேரம் ஊறவைக்கவேண்டும்.

பின்னர் கிரைண்டரில் ஊறவைத்த உளுந்தை சேர்த்து 15 நிமிடங்கள் நன்றாக பொங்கும் வரை அரைத்து எடுத்துக்கொள்ள வேண்டும்.

அதோடு ஊறவைத்த அரிசி கம்பை சேர்த்து தேவையான தண்ணீர் விட்டு நைசாக அரைத்துக் கொள்ளவேண்டும்.

அரைத்த மாவை பாத்திரத்தில் மாற்றி தேவையான அளவு உப்பு சேர்த்து கலந்து கைகளால் கலந்து மூடி வைக்கவேண்டும்.

எட்டு மணி நேரம் மாவை புளிக்க வைக்கவேண்டும். பின்னர் மீண்டும் ஒருமுறை கலந்து கொள்ளவேண்டும்.

ஒரு கடாயில் எண்ணெய் சேர்த்து கடுகு, உளுந்து, கடலை பருப்பு தாளித்து, பொன்னிறமானவுடன், கறிவேப்பிலை, மல்லி சேர்த்து, பொரிந்தவுடன், அதில் பெரிய வெங்காயம் சேர்த்து கண்ணாடி பதம் வரும் வரை வதக்கி, தேங்காய் துருவல் தூவி இறக்க வேண்டும். அதை மாவில் சேர்த்து நன்றாக கலந்துகொள்ள வேண்டும்.

பனியார சட்டியை மிதமான சூட்டில் காயவைத்து உங்களது விருப்பம்போல பனியாரங்களை ஊற்றி எடுக்க வேண்டும். இதை அப்படியே தோசைக்கல்லில் தோசையாகவும் ஊற்றி எடுக்கலாம்.

தோசைபோல கனமாகவோ அல்லது முறுகல் தோசை போல மெலிதாகவோ விட்டு நல்லெண்ணெய் விட்டு இருபுறமும் சிவந்து வரும் வரை வேகவைத்து எடுக்கவேண்டும்.

ஆரோக்கியமான கம்பு பனியாரம் மற்றும் தோசை தயார்.

வெங்காயம், தக்காளி, தேங்காய், புதினா, மல்லி என எந்த சட்னியுடன் வேண்டுமானாலும் பரிமாறலாம். சாம்பார் அல்லது குருமாவும் இதற்கு தொட்டுக்கொள்ள நன்றாக இருக்கும்.

கம்பின் நன்மைகள்

100 கிராம் கம்பில் புரதச்சத்துக்கள் 10.96 கிராம், நார்ச்சத்து 11.49 கிராம், கொழுப்பு 5.43 கிராம், கார்போஹைட்ரேட்ஸ் 61.78 கிராம் உள்ளது.

கம்பு நீரிழிவு நோய்க்கு சிறந்தது. கம்பில் கார்போஹைட்ரேட் சத்துக்கள் நிறைந்துள்ளன. அவை பொறுமையான செரிமானம் நடைபெற உதவுகிறது. இதனால் குளுக்கோஸை நீண்ட நாட்களுக்கு சரியான அளவில் பராமரிக்கிறது. எனவே கம்பு நீரிழிவு நோயாளிகளுக்கு ஒரு சிறந்த தேர்வாக உள்ளது.

இதய ஆரோக்கியத்துக்கு நல்லது – இதில் உள்ள நார்ச்சத்துக்கள் மற்றும் கொழுப்பை குறைக்கும் பொருட்கள், இதய நோயாளிகளுக்கு சிறந்தது.

சிலியாக் நோய்கள் எனப்படும் குளுட்டன் அழற்சி மற்றும் குளுட்டன் ஏற்றுக்கொள்ளாமைக்கு சிறந்தது – இது குளுட்டன் ஃப்ரியாக இருப்பதால் இதை எல்லோருக்கும் பொருந்துகிறது.

அல்சர் மற்றும்அசிடிட்டிக்கு மருந்தாகிறது – வயிற்றில் உள்ள அசிடிட்டியை போக்குகிறது. இதனால் அல்சர் ஏற்படாமல் தவிர்க்கப்படுகிறது.

மலச்சிக்கலை போக்குகிறது – சிறந்த குடல் ஆரோக்கியத்தை பராமரிக்க உதவுகிறது. இதை அவ்வப்போது எடுத்துக்கொள்வதால் மலச்சிக்கல் நீங்குகிறது. அதற்கு காரணம் இது நார்ச்சத்து நிறைந்த உணவாக உள்ளது.

சைவ உணவு மட்டுமே சாப்பிடுபவர்களுக்கு புரதச்சத்தை வழங்குகிறது – சைவ உணவு சாப்பிடுபவர்களுக்கு இறைச்சி மற்றும் மீன் உணவுகளில் இருந்து கிடைக்கும் புரதச்சத்து கிடைக்காமல் போகிறது. கம்பு அந்த குறையை போக்கி, சைவ உணவு மட்டுமே உண்பவர்களுக்கு தேவையான புரதச்சத்தை வழங்குகிறது. இதை ராஜ்மா, பாசிபருப்பு, கொண்டடைக்கடலை ஆகியவற்றுடன் சேர்த்து சாப்பிடும்போது, அது உடலுக்கு மேலும் பல நன்மைகளை வழங்குகிறது.

ரத்த அழுத்தத்தை குறைக்கிறது – கம்பில் பொட்டாசியச்சத்துக்கள் நிறைந்துள்ளன. அவை உயர் ரத்த அழுத்தம் உள்ளவர்களுக்கு சிறந்தது. பொட்டாசியச்சத்து நிறைந்த உணவை உட்கொள்வது உங்கள் உடலில் அதிகப்படியாக உள்ள சோடியச்சத்துக்களை வெளியேற்ற உதவுகிறது. இதனால் ரத்த அழுத்தம் குறைகிறது.

எலும்பை வலுவாக்குகிறது – கம்பில் உள்ள அதிக பாஸ்பரஸ் சத்து உங்கள் உடலில் உள்ள எலும்பை இரும்பாக்குகிறது.

கொழுப்பை குறைக்கிறது – கம்பில் போதிய அளவு கொழுப்புச்சத்து உள்ளது. இது அதிக கொழுப்பு உள்ள நோயாளிகளுக்கு நல்லது.

ஊட்டச்சத்து நிறைந்த குழந்தை உணவு – கம்பு எளிதில் செரிமானமாகக்கூடிய ஒரு சிறு தானியம். எனவே குழந்தைகளுக்கும் எளிதாக செரித்துவிடக்கூடியது என்பதால், குழந்தைகள் உணவில் அதிகம் சேர்க்கப்படுகிறது.

ஆன்டி ஆக்ஸிடன்ட்கள் நிறைந்தது – உடலில் செல்கள் இழப்பை தடுக்கிறது. விரைவில் வயோதிக தோற்றம் ஏற்படுவது தவிர்க்கப்படுகிறது. அல்சைமர்ஸ், பார்க்கின்சன்ஸ் மற்றும் இதய நோய்கள் வராமல் தடுக்கிறது. காயங்களை விரைந்து குணமாக்குகிறது.

உடல் எடையை பராமரிக்கவும், பருமனை குறைக்கவும் உதவுகிறது.

குடல் புற்றுநோய்கள் ஏற்படாமல் தடுக்கிறது. கர்ப்பிணிகள் மற்றும் பாலூட்டும் தாய்மார்களுக்கும் சிறந்த உணவாகிறது.

WhatsApp channel

டாபிக்ஸ்