தமிழ் செய்திகள்  /  லைஃப்ஸ்டைல்  /  Air Pollution : காற்றின் தரம் மற்றும் உயிரிழப்பு இரண்டுக்கும் உள்ள தொடர்பை விளக்கும் ஆய்வு – அதிர்ச்சி என்ன தெரியுமா?

Air Pollution : காற்றின் தரம் மற்றும் உயிரிழப்பு இரண்டுக்கும் உள்ள தொடர்பை விளக்கும் ஆய்வு – அதிர்ச்சி என்ன தெரியுமா?

Priyadarshini R HT Tamil
Jul 05, 2024 06:30 AM IST

Air Pollution : காற்றின் தரம் மற்றும் உயிரிழப்பு இரண்டுக்கும் உள்ள தொடர்பை விளக்கும் ஆய்வு முடிவுகள் வெளியாகியுள்ளன. அதில் உள்ள அதிர்ச்சி தகவல் என்ன தெரியுமா?

Air Pollution : காற்றின் தரம் மற்றும் உயிரிழப்பு இரண்டுக்கும் உள்ள தொடர்பை விளக்கும் ஆய்வு – அதிர்ச்சி என்ன தெரியுமா?
Air Pollution : காற்றின் தரம் மற்றும் உயிரிழப்பு இரண்டுக்கும் உள்ள தொடர்பை விளக்கும் ஆய்வு – அதிர்ச்சி என்ன தெரியுமா?

ஓரளவு சுத்தமான சுவாசக் காற்று உள்ள நகரங்களில் திடீரென காற்றின் தரம் குறையும்போது PM 2.5 நுண்துகள்களின் அளவு அதிகமானாலும், மிக மோசமான காற்றின் தரம் உள்ள நகரங்களில் உள்ள இறப்பு விகிதத்தை விட அதிகம் இறப்புகள் நிகழ்வது ஆய்வில் தெரியவந்துள்ளது.

இரு வேறுபட்ட நகரங்களில் (ஒரு நகரத்தில் காற்றின் தரம் மோசம்; இன்னொரு நகரத்தில் காற்றின் தரம் சுமார்) ஒரே அளவு காற்றின் தரம் மோசமானால், சுமாராக காற்றின் தரம் உள்ள பெங்களூருவில், முன்கூட்டிய இறப்பு விகிதம் (PM 2.5 நுண்துகள்கள் காரணமாக), மோசமான காற்றின் தரம் உள்ள டெல்லியைக் காட்டிலும் அதிகம் எனும் அதிர்ச்சித் தகவல் ஆய்வில் தெரியவந்துள்ளது.

ட்ரெண்டிங் செய்திகள்

எனினும், ஒட்டுமொத்த காற்றின் மோசமான தரம் காரணமாக ஏற்படும் இறப்பு விகிதம் ஆண்டில் 11.5 சதவீதம் என டெல்லியில் அதிகமாகவும், பெங்களூருவில் 4.8 சதவீதம் என குறைவாக இருப்பதும் ஆய்வில் உறுதிசெய்யப்பட்டுள்ளது.

டெல்லிவாசி ஒருவர் சுவாசிக்கும் மோசமான காற்றின் தரத்தைக் காட்டிலும் பெங்களூர்வாசி ஒருவர் 30 சதவீதம் மோசமான காற்றை மட்டுமே சுவாசிக்கிறார். இருப்பினும் சில நாட்கள் மட்டும் காற்றின் தரம் பெங்களூருவில் மோசமானால் கூட முன்கூட்டிய இறப்பு விகிதம் டெல்லியைக் காட்டிலும், பெங்களூருவில் அதிகம் நிகழ்கிறது என்பது "Lancet-Planet Health" ஆய்விதழில் வெளிவந்த கட்டுரையில் பதிவுசெய்யப்பட்டுள்ளது.

ஆய்வாளர்கள் காற்றின் மாசுபாடு, இறப்பு விகித பதிவேடுகளை அகமதாபாத், பெங்களூரு, சென்னை, டெல்லி, ஹைதராபாத், கொல்கத்தா, மும்பை, பூனா, சிம்லா, வாரணாசி போன்ற நகரங்களில் ஆய்வுசெய்து முடிவுகளை வெளியிட்டுள்ளனர்.

இந்த 10 நகரங்களில் சில நாட்கள் PM 2.5 நுண்துகள்களின் அளவு அதிகமானால், ஆண்டுக்கு 30,000 முன்கூட்டிய இறப்புகள் (ஆண்டில் 7.2% இறப்புகள்) நிகழ்வதாக ஆய்வுகள் சுட்டிக்காட்டுகின்றன.

வழக்கமான அளவை விட ஒவ்வொரு 10 மைக்ரோகிராம்/கனமீட்டர் அளவு PM 2.5 நுண்துகள்களின் அளவு 2 நாட்கள் அதிகமாக இருந்தால் கூட நாளொன்றுக்கு ஒன்றுக்கு ஏற்படும் இறப்பு விகிதம் 1.42 சதவீதம் அதிகமாவதாக ஆய்வில் தெரியவந்துள்ளது.

2008-2019 இடைப்பட்ட காலத்தில் டெல்லியில் அதிகபட்சமாக ஆண்டுக்கு 12,000 இறப்புகள், சிம்லாவில் குறைந்தபட்சமாக ஆண்டுக்கு 59 இறப்புகள் நிகழ்வதாகவும், பெங்களூருவில் ஆண்டுக்கு 2,102 இறப்புகள் நிகழ்வதாகவும் ஆய்வு முடிவுகள் தெரிவிக்கின்றன.

எங்களது ஆய்வு முடிவுகளின்படி, காற்றின் தரம் சுமாராக இருக்கும் நகரங்களில், PM 2.5 நுண்துகள்கள் அதிகமானால், காற்றின் தரம் மோசமாக இருக்கும் நகரங்களில் நிகழும் இறப்பைக் காட்டிலும் அதிகம் எனத் தெரியவந்துள்ளது.

காற்றின் தரம் சுமாராக இருக்கும் நகரங்களில் திடீரென காற்றின் தரம் மோசமானால் (சில நாட்கள் PM 2.5 நுண்துகள்கள் அதிகமானால்) அதிக இறப்புகளை ஏற்படுத்துவதிலிருந்து, திடீரென உயரும் காற்று மாசுபாடும் உயிரிழப்புகளை அதிகப்படுத்துகிறது என்பதிலிருந்து குறிப்பிட்ட அளவு காற்று மாசுப்பாடு அதிகரிக்கும் வரை உயிரிழப்புகள் அதிகமாவதும், அதன் பின்னர், காற்று மாசுப்பாடு அதிகமானாலும், உயிரிழப்பு அதிகமாவது உயராமல் ஒரு மட்டத்தை (Plateaued) எட்டுவது ஆய்வில் உறுதிபடுத்தப்பட்டுள்ளது.

இந்திய தரத்தின்படி காற்றில் PM 2.5 மைக்ரோகிராம்/கனமீட்டர் என்பது 60 மைக்ரோகிராம்/கனமீட்டர் என இருக்கலாம் என்ற நிலையில் கூட, அந்த நாட்களில் இறப்பு விகிதம் 2.65 சதவீதம் என அதிகமாக உள்ளது என்பது ஆய்வில் உறுதிபடுத்தப்பட்டுள்ளது.

இப்போதாவது இந்திய அரசு PM 2.5 நுண்துகள்களின் அளவை 60ல் இருந்து 15 ஆகக் குறைப்பது நல்லது.

சீனாவில் 272 நகரங்களில் செய்த ஆய்வில், வழக்கமான அளவை விட PM 2.5ன் அளவு, 10 மைக்ரோகிராம்/கனமீட்டர் அதிகமானால் இறப்பு விகிதம் 0.22 சதவீதம் அதிகமாக இருப்பது தெரியவந்துள்ளது. சீனாவில் காற்றின் தரம் பிற நாடுகளை விட மோசமாக இருக்கும்.

எனினும், காற்றின் தரம் சுமாராக இருக்கும் (மாசுப்பாடு குறைவாக இருக்கும்), கிரீஸ் நாட்டில் இறப்பு விகிதம் - 2.54 சதவீதம், ஜப்பான் -1.42 சதவீதம், ஸ்பெயின் - 1.96 சதவீதம் என அதிகமாக இருப்பதிலிருந்து, காற்றின் தரம் சுமாராக இருக்கும் நாடுகளில் திடீரென PM 2.5 நுண்துகள்களின் அளவு அதிகமானால் கூட முன்கூட்டிய இறப்பு விகிதம் அதிகமாவது உறுதிசெய்யப்பட்டுள்ளது.

சென்னையில் 2020ம் ஆண்டு, 11,000 பேர் PM 2.5 நுண்துகள்கள் அதிகமானதால் முன்கூட்டியே இறந்துள்ளனர்.

எனவே, சில நாட்கள் PM 2.5 நுண்துகள்களின் அளவு திடீரென அதிகமானால்கூட, காற்றின் தரம் சுமாராக இருக்கும் நகரங்களில் கூட முன்கூட்டிய இறப்பு விகிதம் அதிகமாவதை அரசு உணர்ந்து தேவையான தடுப்பு நடவடிக்கைகளை எடுக்க முன்வருமா?

நன்றி – மருத்துவர். புகழேந்தி.

டாபிக்ஸ்