Sonu Sood: ‘’அரிசி உணவுதான்.. மதுவுக்கு நோ.. தினமும் வொர்க் அவுட்.. '': 51 வயதில் பிட்டாக இருக்கும் நடிகர் சோனு சூட்

சமீபத்தில் ரிலீஸான ‘ஃபதே’ என்கிற படம்மூலம் முதன்முறையாக இயக்கத்தில் இறங்கியிருந்தார், சோனு சூட். 

51 வயதான நடிகர் சோனு சூட்,  ஒரு நேர்காணலில் தனது உடற்பயிற்சி வழக்கத்தைப் பற்றி மனம் திறந்து பேசியுள்ளார். தனது சைவ உணவுத் திட்டத்தை வெளிப்படுத்துவதில் இருந்து, கூடுதல் மருந்துகளைத் தவிர்ப்பது வரை, ஆரோக்கியமான வாழ்க்கை முறையைப் பராமரிப்பதற்கான மதிப்புமிக்க அறிவினை பகிர்ந்து கொண்டார்.

அவரது உடற்பயிற்சி விதிமுறைகள் குறித்து, சில முக்கியமான டிப்ஸ்களைக் கூறியுள்ளார். 

நடிகர் சோனு சூட் ஃபிட்னெஸ் மந்திரம்:

இதுதொடர்பாக யூடியூபர் சுபங்கர் மிஸ்ரானுடனான சமீபத்திய நேர்காணலில், சோனு சூட் தனது உணவு பற்றிய நடைமுறைகளைப் பகிர்ந்து கொண்டார்.

அப்போது பேசிய நடிகர் சோனு சூட், "நான் ஒரு சைவ விரும்பி. முட்டையை மட்டும் எடுத்துக்கொள்வேன். நான் ஒருபோதும் மது அருந்துவதில்லை. அசைவ உணவை நான் ஒருபோதும் முயற்சித்ததில்லை. எனது பெற்றோரிடமிருந்து பெற்ற எனது பஞ்சாபி டி.என்.ஏவையும் நான் பாராட்டுகிறேன். என் அப்பா மிகவும் வலிமையானவர். உணவு ஒழுக்கத்தைக் கடைப்பிடிப்பவர்.

ஒவ்வொரு நாளும் ஒரு முழு ரொட்டித் துண்டை வெண்ணெய் துண்டுடன் விழுங்கியது அன்புடன் இன்னும் நினைவில் இருக்கிறது. பால் தனது உணவில் மற்றொரு பிரதான உணவாக இருந்தது. நான் பால் பாக்கெட்டின் மூலையை கிழித்து நேராக குடிப்பேன்.அந்தளவுக்கு எனக்கு பால் மிகவும் பிடித்தமான உணவு’’ என்றார், நடிகர் சோனு சூட்.

நடிகர் சோனு சூட்டின் எளிதான உணவுத்திட்டம்:

உடற்தகுதியை அடைய செயற்கை மருந்துகள் தேவை என்ற பிரபலமான நம்பிக்கையை நடிகர் சோனு சூட் நிராகரிக்கிறார். அவர் புரதப்பொடியை உணவாக எடுத்து இருந்தாலும், உடலைக் கட்டுக்கோப்பாக வைத்திருக்கும் அதிகப்படியான ஸ்டெராய்டு மருந்துகளின் பயன்பாட்டை கடுமையாக எதிர்க்கிறார். 

தனது விருப்பங்களைப் பகிர்ந்து கொண்ட நடிகர் சோனு சூட், ஹோட்டல்களில் சமையல்காரர்கள் தனக்காக சிறப்பு உணவுகளைத் தயாரிக்கும்போது கூட, சாலட்கள் மற்றும் முட்டையின் வெள்ளைக்கரு போன்ற எளிய உணவுகளைத் தேர்ந்தெடுப்பதாகக் குறிப்பிட்டார். 

அதேபோல், பருப்பையும் அரிசியையும் உண்டு என்றென்றும் வாழ முடியும் என்று அவர் நம்பிக்கையுடன் கூறுகிறார். சப்பாத்தி ரொட்டியை என்றாவது ஒருநாள் எடுத்துக்கொள்வது மட்டும் தனக்கு இன்பகரமானது என்று நடிகர் சோனு சூட் கூறினார். 

இதன்மூலம், சப்பாத்தியை அவர் தினசரி எடுத்துக்கொள்வது இல்லை என்பது தெளிவாகத் தெரிகிறது.

தனது நடிப்புப் பயணத்தைத் தொடங்கியதிலிருந்து ஒரு நாள் கூட வொர்க்அவுட்டைத் தவறவிடவில்லை என்று பெருமையுடன் கூறுகிறார், நடிகர் சோனு சூட். 

தனது உடல் கட்டுப்பாட்டைப் பராமரிப்பதில் ஒழுக்கம் மற்றும் நிலைத்தன்மையின் முக்கியத்துவத்தை நடிகர் சோனு சூட் வலியுறுத்துகிறார். 

நடிகர் சோனு சூட், அவரது காலை உணவாக முட்டையின் வெள்ளைக்கருவை வைத்து ஆம்லெட், வெண்ணெய், வதக்கிய காய்கறிகள் மற்றும் பப்பாளி ஆகியவற்றை மட்டும் எடுத்துக்கொள்கிறார்.