Vazhai Ilai Benefits: உடல் நச்சு நீக்கம்..! முகத்தின் சுருக்கங்களை போக்கும் வாழை இலை - வேறு என்ன நன்மைகள் பாருங்க
Vazhai Ilai Benefits: முகத்தின் சுருக்கங்களை போக்கும் வாழை இலை க்ரீம், உடல் நச்சு நீக்கம், பாக்டீரியா எதிர்ப்பு பண்புகள், செரிமான ஆரோக்கியம் என பல்வேறு ஆரோக்கிய நன்மைகளை கொண்டதாக உள்ளது.
உடல் ஆரோக்கியத்துக்கு பல்வேறு விதமான நன்மைகளை தரும் ஒரே மரமாக வாழை மரம் இருந்து வருகிறது. வாழை மரத்தில் வாழைக்காய், வாழைப்பழம், வாழைப்பூ உணவாக இருந்து வரும் நிலையில், உணவுகளை சாப்பிடுவதற்கு வாழை இலை பயன்படுத்தப்பட்டு வருகிறது.
குறிப்பாக தென்னிந்திய உணவுகளில் வாழை இலை என்பது அத்தியாவசியமானதாகவே உள்ளது. பச்சை நிறத்தில் மென்மையாகவும், பளபளப்பான மேற்பரப்புடனும், தட்டையான மற்றும் நீளமானதாக இருக்கும் வாழை இலைகள் பொதுவாக உணவுகளை சமைப்பதற்குப் மட்டுமல்லாமல், உணவுகளை பாதுகாப்பாக வைப்பதற்கு பயன்படுத்தப்படுகின்றன.
வாழை இலைகள் சில நேரங்களில் அவற்றின் துடிப்பான நிறம் மற்றும் பெரிய அளவு காரணமாக பாரம்பரிய விழாக்கள் மற்றும் நிகழ்வுகளுக்கான அலங்காரங்களில் பயன்படுத்தப்படுகின்றன. மக்கும் தன்மை கொண்ட வாழை பிளாஸ்டிக் பொருள்களின் மாற்றாகவும், சுற்றுச்சூழலுக்கு நட்பாகவும் உள்ளன. வாழை இலையில் பல நன்மைகள் உள்ளன, அவை சமையலுக்கும், உணவுகளை பரிமாறுவதற்கும் மற்றும் அழகு நடைமுறைகளுக்கும் பயனுள்ளதாக இருந்து வருகிறது.