வெப் சீரிஸ் எடுக்க ஸ்கிரிப்ட் இருக்கா?.. இயக்குநர், நடிகர்களிடம் ஜீ 5 எதிர்பார்ப்பது என்ன? - ஜீ 5 மனிஷ் கல்ரா பேட்டி

பெண்களை மையமாகக் கொண்ட கதைக்களங்களுக்கு ஜீ 5 அளிக்கும் பங்கு என்ன?

பெண்களை மையமாகக்கொண்டு எடுக்கப்படும் திரைப்படங்கள் ஜீ 5 ஓடிடி தளத்திற்கு இன்றியமையாத ஒன்றாகும். காரணம், இது பார்வையாளர்களை கவரும் வகையில் பல்வேறு தரப்பட்ட பெண்களின் அனுபவங்களை வழங்குகிறது.

பெண்கள் தங்களது அன்றாட வாழ்க்கையில் சந்திக்கும் பிரச்சினைகள், சவால்கள் உள்ளடக்கிய உண்மைக்கதைகளை உருவாக்குவது எங்களின் கடமையாகும். லவ் சித்தாரா, அயலி, தி கிரேட் இந்தியன் கிச்சன், கோலமாவு கோகிலா உள்ளிட்டவை பெண்களை மையப்படுத்தி நாங்கள் தேர்ந்தெடுத்த கதைகள் ஆகும்.

பெண் படைப்பாளிகளுடன் பணியாற்ற விருப்பம்

குறிப்பாக பெண் படைப்பாளிகளுடன் இணைந்து பணியாற்றுவதை நாங்கள் மிகவும் விரும்புகிறோம். நாங்கள் அவர்களுக்கு, களத்தை உருவாக்கிக்கொடுத்து அவர்களிடம் இருந்து நுணுக்கமான கதைகள் வெளியே வருவதற்கு உதவியாக இருக்கிறோம்.

குறிப்பாக இந்திய மகளிர் தினத்தை முன்னிட்டு "தி எலிபண்ட் விஸ்பரர்ஸ்" தயாரிப்பாளர் குனீத் முங்காவைக்கொண்டு #நோ நாரி (பெண்) நோஸ்டோரி என்ற பெயரில் விழிப்புணர்வு பிரச்சாரம் முன்னெடுக்கப்பட்டது. இது சோசியல் மீடியாவில் மிகப்பெரிய வரவேற்பை பெற்றது.

கேமராவுக்கு முன்பும் சரி, பின்பும் சரி, இது போன்ற முன்னெடுப்புகளை முன்னெடுப்பதன் வாயிலாக, நமது கதை சொல்லல் முறையிலும் ஒரு வடிவத்தைக் கொண்டு வர முயற்சி செய்கிறோம். இதில், பெண்களுக்கான அதிகாரம் கிடைப்பது மட்டுமல்லாமல், எங்களின் இருக்கும் கதைகளின் தரத்தையும் மேம்படுத்துகிறது.

ஜீ 5 வளர்ந்து வரும் மற்றும் பிரபலமான இயக்குநர்களிடம் எந்த மாதிரியான கதைகளை எதிர்பார்க்கிறது?

பதில்: ஜீ 5 வளர்ந்து வரும் மற்றும் வெற்றிப்பெற்ற இயக்குநர்களிடம் இருந்து தனித்துவம் மற்றும் உண்மைக்கு நெருக்கமான, அதே நேரத்தில், நம் நாட்டில் பரந்து பட்டு கிடக்கும் வேறுபட்ட பார்வையாளர்களை ஈர்க்கும் விதமான கதைகளை எதிர்பார்க்கிறது.

வெப் சீரிஸ் தயாரிப்பை பொருத்தவரை, கதை சொல்லலில் தேர்ந்த திறமை, படைப்பாற்றல் மற்றும் தயாரிப்பு தொடர்பான விவகாரங்களை கையாள்வது உள்ளிட்டவற்றை படைப்பாளர்கள் வலுபடுத்த வேண்டும்.

கதை சொல்லலில் புதிய உத்தி, புதிய கதைக்களம் மற்றும் பார்வையாளர்களை எமோஷனலாக என்கேஜாக வைத்திருக்கும் விஷயங்களை ஜீ 5 அவர்களிடம் இருந்து எதிர்பார்க்கிறது. இறுதியாக நல்ல கன்டென்டை கொடுப்பதே ஜீ 5 யின் அடிப்படையான நோக்கம் என்றாலும், ஜீ 5 க்கு மீண்டும் வரும் அளவிலான என்கேஜிங்கான கதைகளையே நாங்கள் எதிர்பார்க்கிறோம்.

ஜீ 5 வளர்ந்து வரும் மற்றும் பிரபலமான இயக்குநர்களிடம் எந்த மாதிரியான கதைகளை எதிர்பார்க்கிறது?

ஜீ 5 வளர்ந்து வரும் மற்றும் வெற்றிப்பெற்ற இயக்குநர்களிடம் இருந்து தனித்துவம் மற்றும் உண்மைக்கு நெருக்கமான, அதே நேரத்தில், நம் நாட்டில் பரந்து பட்டு கிடக்கும் வேறுபட்ட பார்வையாளர்களை ஈர்க்கும் விதமான கதைகளை எதிர்பார்க்கிறது.

வெப் சீரிஸ் தயாரிப்பை பொருத்தவரை, கதை சொல்லலில் தேர்ந்த திறமை, படைப்பாற்றல் மற்றும் தயாரிப்பு தொடர்பான விவகாரங்களை கையாள்வது உள்ளிட்டவற்றை படைப்பாளர்கள் வலுபடுத்த வேண்டும். கதை சொல்லலில் புதிய உத்தி, புதிய கதைக்களம் மற்றும் பார்வையாளர்களை எமோஷனலாக என்கேஜாக வைத்திருக்கும் விஷயங்களை ஜீ 5 அவர்களிடம் இருந்து எதிர்பார்க்கிறது. இறுதியாக நல்ல கன்டென்டை கொடுப்பதே ஜீ 5 யின் அடிப்படையான நோக்கம் என்றாலும், ஜீ 5 க்கு மீண்டும் வரும் அளவிலான என்கேஜிங்கான கதைகளையே நாங்கள் எதிர்பார்க்கிறோம்.

வெப்சீரிஸ் தயாரிப்பில், புதிதாக நடிக்க வரும் நடிகர்கள் அல்லது பிரபலமான நடிகர்களிடம் ஜீ 5 எதிர்பார்ப்பது என்ன?

ஜீ 5 -யை பொருத்தவரை, அது வளர்ந்து வரும் நடிகரோ அல்லது பிரபலமான நடிகரோ, இரண்டு தரப்பில் இருந்தும், பன்முகத்தில் அணுகும் முறை, நம்பகத்தன்மையை வெளிக்கொண்டு வருதல், முக்கியமாக, பார்வையாளர்களுடன் எமோஷனலாக கனெக்ட் ஆகும் திறன் உள்ளிட்டவற்றை எதிர்பார்க்கிறோம். ஒரு நடிகராக தனக்கு கொடுக்கப்பட்ட கதாபாத்திரத்தை நேர்மையாக, உண்மைக்கு நெருக்கமாக பிரதிபலிக்க வேண்டிய கடமை அவருக்கு இருக்கிறது.

வெப்சீரிஸ் தயாரிப்பு என்று வரும் போது, விதிகளை சரியாக பின்பற்றுதல், குழுவுடன் இணைந்து இலகுவாக பணியாற்றும் திறன், தன்னை தகவமைத்துக்கொள்ளும் திறன் உள்ளிட்டவை தேவைப்படுகிறது. நாங்கள் பல்வேறு மொழிகளில், வளரும் மற்றும் வளர்ந்த கலைஞர்களுடன் இணைந்து பணியாற்றி, அர்த்தமுள்ள கதைகளை எங்களின் பார்வையாளர்களுக்கு கொடுத்திருக்கிறோம்.

கதையே கிங்

நாங்கள் ஒரு கதையை தேர்வு செய்வதற்கு பல்வேறு காரணிகள் இருக்கின்றன. எங்களின் அல்டிமேட் கோல், அர்த்தமுள்ள கதைகளைச் சொல்லி, மக்கள் மத்தியில் நற்பெயரை சம்பாதித்து இருக்கும் கலைஞர்களுடன் இணைந்து பணியாற்றுவதே; நாங்கள் இதற்கு முன்னரும் அதனை செயல்படுத்தி இருக்கிறோம். ஆம், ஜீ 5 ஹிந்தியில் மனோஜ் பாஜ்பாய், பங்கஜ் திரிபாதி, நவாசுதீன் சித்திக், ரித்தீஷ் தேஷ்முக், சோனாக்‌ஷி உள்ளிட்ட பல திறமையாளர்களுடன் இணைந்து பணியாற்றி இருக்கிறது. அதே போல தமிழ், தெலுங்கு, பங்களா, மலையாளம் உள்ளிட்ட மொழிகளில் சிறந்து விளக்கும் திறமையாளர்களுடனும் பணியாற்றி இருக்கிறது.

குறிப்பாக சொல்ல வேண்டும் என்றால், அண்மையில் ஜீ 5 தயாரித்த மனோரதங்கள் வெப் சீரிஸில் நடிகர்கள் கமல்ஹாசன், மம்முட்டி, ஃபகத் ஃபாசில், மோகன் லால், இயக்குநர் பா.ரஞ்சித், ஒளிப்பதிவாளர் சந்தோஷ் சிவன், இயக்குநர் பிரியதர்ஷன் உள்ளிட்ட பல முன்னணி திறமையாளர்கள் பணியாற்றி இருந்தார்கள்.

ஒரு புராஜெக்ட்டில் மக்களுக்கு பரீச்சயமான முன்னணி திறமையாளர்கள் பங்கேற்கும் போது, பார்வையாளர்களின் அதிகபட்சமான கவனம் அந்த படைப்புக்கு கிடைக்கும். சிறந்த முறையில் கதை சொல்லுதல் மற்றும் நடிகர்களின் தேர்ந்த நடிப்பு ஆகிய இரண்டும் பார்வையாளர்களை ஈர்ப்பதில் மிக முக்கிய கவனம் பெறுகிறது.

வளரும் நடிகரோ அல்லது வளர்ந்த நடிகரோ இரண்டு தரப்பிலும் இருந்தும், ஒரு நட்சத்திர நடிகர் கொடுக்கும் அர்ப்பணிப்பு மற்றும் கொடுக்கப்பட்ட கதாபாத்திரத்தை திரையில் தத்ரூபமாக கொண்டு வருதல் ஆகிய இரண்டையும் ஜீ 5 எதிர்பார்க்கிறது. அத்துடன படைப்பு உருவாக்கத்தில் தன்னை ஈடுபடுத்திக்கொள்ளுதல் மற்றும் திரைக்கதையை அடுத்தக்கட்டத்திற்கு எடுத்துச் செல்ல முடிந்த அளவிலான உழைப்பைக்கொடுத்தல் உள்ளிட்டவையும் வெப் சீரிஸ் தயாரிப்பில் தேவைப்படுகிறது.

ஓடிடி தளங்களுக்கு இடையேயான போட்டியை எப்படி பார்க்கிறீர்கள்?

இன்றைய தினம் ஓடிடி தளம் வேகமாக வளர்ச்சியடைந்து வருகிறது. இவை வாய்ப்புகளை ஒரு பக்கம் வரவேற்றாலும், இன்னொரு பக்கம் சவால்களையும் கொடுத்து இருக்கிறது. எங்களின் பார்வையாளர்களுக்கு மாறுபட்ட மற்றும் கவரும் கதைகளை கொடுக்க வேண்டும் என்பதில் நாங்கள் உறுதியாக இருக்கிறோம்.

ஓடிடி தளங்கள் பலவை இருந்தாலும், அதில் இடம் பெறும் குவாலிட்டியான கதைகளே அதனை தனித்துவமாக காண்பிக்கின்றன. பல்வேறு விதமான புதிய ஓடிடி தளங்களின் வருகையை நாங்கள் பார்க்கிறோம். அவை எங்களுக்கு நேர்மையான போட்டியைக்கொடுத்து, எங்களிடம் இருந்து சிறந்த கதைகளை வெளிக்கொண்டு வர உதவி செய்கின்றன.

தரமான கதைகள், அதற்கு ஏற்ற விலையை நிர்ணயித்தல், டிஜிட்டல் கட்டமைப்பு உள்ளிட்ட விஷயங்கள் ஓடிடியின் வளர்ச்சிக்கு முக்கியப்பங்கு வகிக்கின்றன. உள்நாடு சார்ந்த கதைகளை கொடுப்பதின் வழியாக பார்வையாளர்களுடன் கனெக்ட் ஆகும் விஷயம் இலகுவாகிறது. மொத்தத்தில் என்கேஜிங்கான கதைகளைக்கொடுத்து மார்க்கெட்டில் டாப் லிஸ்டில் இடம் பெற்று இருக்கும் ஓடிடி தளங்களின் பட்டியலில் இருக்க விரும்புகிறோம்.” என்று பேசி விடைபெற்றார்.