தீபாவை நெருங்கும் ரூபஸ்ரீ..இழப்பின் துயரத்தில் கார்த்திக்! நடக்க போவது என்ன? கார்த்திகை தீபம் இன்றைய எபிசோட் அப்டேட்
தீபாவை நெருங்கும் ரூபஸ்ரீ, இழப்பின் துயரத்தில் கார்த்திக் இருக்க கார்த்திகை தீபம் இன்றைய எபிசோட் அப்டேட் குறித்து பார்க்கலாம். தீபாவை கச்சேரியில் பாட விடாமல் துங்கா போடு திட்டம், தீபாவை சந்திக்க ரூபஸ்ரீ முயற்சிப்பது என பரபர காட்சிகள் இடம்பெறவுள்ளன.
தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்திகை தீபம். இந்த சீரியலின் நேற்றைய எபிசோடில் தீபாவை வேனில் வைத்து கச்சேரி நடக்கும் இடத்துக்கு அழைத்து செல்ல ஆசிரமத்தில் இருப்பவர்கள் முடிவெடுத்த நிலையில், இன்று நடக்க போவது என்ன என்பது குறித்து பார்க்கலாம் வாங்க.
துங்கா போடும் திட்டம்
அதாவது, ஆசிரமத்தில் இருப்பவர்கள் தீபாவை வேனில் அழைத்து செல்ல ஏற்பாடுகள் செய்ய இன்னொரு பக்கம் துங்கா தீபா எப்படியும் கச்சேரிக்கு வருவா, அவளை எப்படியாவது கடத்தி இந்த கச்சேரியில் பாட விடாமல் செய்ய வேண்டும் என்று திட்டமிடுகிறான்.
மறுபக்கம் கார்த்திக் வீட்டில் தர்மலிங்கம் இறந்த சோகத்தில் இருக்க அவனுக்கு ஆறுதல் சொல்லும் அபிராமி இந்த கச்சேரி நல்லபடியாக நடக்கணும் தீபா கச்சேரிக்கு வரணும் என்று கடவுளிடம் வேண்டுகிறாள்.
போலீசிடம் தப்பிக்க ஐஸ்வர்யா முயற்சி
இன்னொரு பக்கம் ஐஸ்வர்யா எப்படியாவது போலீசிடம் இருந்து தப்பிக்க வேண்டும் என்று முயற்சி செய்கிறாள்.
அதே நேரத்தில் ரூபஸ்ரீ ஐஸ்வர்யாவுடன் கூட்டு சேர்ந்து போட்ட திட்டத்தின் படி ஆசிரமத்துக்கு வந்து எனக்கு கார்த்திக் சாரை தெரியும் என்று சொல்லி தீபாவை சந்திக்க முயற்சி செய்கிறாள். இப்படியான நிலையில் அடுத்து நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.
கார்த்திகை தீபம் நேற்றைய எபிசோடு
துங்கா கார்த்திக்கு போன் செய்து, தீபாவையும் கொல்லாம விடமாட்டேன் என மிரட்ட, கார்த்திக் என் மாமனார் மேலயே கைய வச்சுட்ட, இனி நான் உன்ன சும்மா விடமாட்டேன் என பதிலுக்கு சவால் விட்டான். அடுத்ததாக, மைதிலி மற்றும் ஜானகி என இருவரும் தர்மலிங்கம் போட்டோ முன்னாடி நின்று கலங்கியபடி இருக்க, இதைப்பார்த்து அபிராமி அவர்களுக்கு ஆறுதல் கூறினாள்.
அதைத் தொடர்ந்து ரூபஸ்ரீ, தீபாவின் கச்சேரி குறித்து ஒட்டப்பட்டிருக்கும் போஸ்டரை பார்த்து, அது குறித்து மேலும் விவரங்களை தெரிந்து கொண்டு ஐஸ்வர்யா வீட்டிற்கு வர, ஐஸ்வர்யா ஜெயிலில் இருக்கும் விஷயம் தெரிய வருகிறது. பிறகு ஸ்டேஷனுக்கு வந்து ஐஸ்வர்யாவை சந்திக்க, அவளோ தீபாவை தப்பியது முதல் ஜெயிலுக்கு வந்தது வரை அனைத்து விஷயங்களையும் சொல்கிறாள்.
எங்காவது தீபாவை பார்த்தால் தனக்கு தெரியப்படுத்தும்படியும் சொல்கிறாள். இறுதியாக ஆசிரமத்தில் சக்தி தீபாவை எப்படி கச்சேரிக்கு அழைத்து செல்வது என யோசிக்கிறாள். அப்போது ஒரு சிறுவன் வேனில் வைத்து அழைத்துச் செல்லலாம்.
ஆசிரமத்தில் இருப்பவர்களை அப்படித்தான் அழைத்துச் செல்வார்கள். யாராவது கேட்டால் ஆசிரமக் குழந்தைகள் என சொல்லி சமாளிக்கலாம் என்று சொல்ல, சக்தி சரியான ஐடியா.. அப்படியே செய்துவிடலாம் என முடிவெடுக்கிறாள்.
கார்த்திகை தீபம் சீரியல்
தமிழ் டிவி சீரியல்களில் அதிகம் பேரால் பார்த்து ரசிக்கும் சீரியல்களில் ஒன்றாக கார்த்திகை தீபம் இருந்து வருகிறது. கார்த்திகை தீபம் சீரியலில் விஜய் டிவியில் ஒளிபரப்பான ஆபிஸ் சீரியல் புகழ் கார்த்திக் ராஜ் , அர்திகா பிரதான கதாபாத்திரங்களில் நடித்து வருகிறார்கள். விசித்ரா, மீரா கிருஷ்ணன், நடிகர் ராஜேஷ் ஆகியோரும் முக்கிய கதாபாத்தித்தில் தோன்றுகிறார்கள். விஜயகுமார், வனிதா விஜயகுமார், வடிவுக்கரசி சிறப்பு வேடத்தில் நடிக்கிறார்கள்.
கடந்த 2022 முதல் ஜீ தமிழில் இந்த தொடர் ஒளிபரப்பாகி வருகிறது. ஜீ பங்களா டிவியில் ஒளிபரப்பான கிருஷ்ணாகோயில் சீரியலின் தமிழ் ரீமேக்காக கார்த்திகை தீபம் உள்ளது.
