HBD Malavika : வால மீனுக்கும் விலாங்கு மீனுக்கும் கல்யாணம்.. இளைஞர்களின் கனவு கன்னி.. நடிகை மாளவிகா பிறந்தநாள் இன்று!
HBD Actress Malavika : மாளவிகா மார்ச் 2007 இல் சுமேஷ் என்பவரை மணந்தார். தம்பதியருக்கு ஆரவ் மற்றும் அன்யா என இரண்டு குழந்தைகள் உள்ளனர். ஆரவ் 2008 இல் பிறந்தார், அன்யா 2010 இல் பிறந்தார்.
இளைஞர்களின் கனவு கன்னியாக திகழ்ந்தவர் நடிகை மாளவிகா. தமிழ் படங்களில் பிரதானமாக நடித்து வந்த இவர் தெலுங்கு, கன்னடா மற்றும் மலையாள படங்களிலும் நடித்திருக்கிறார்.
நடிகை மாளவிகாவின் இயற்பெயர் ஸ்வேதா குன்னூர். பெங்களூருவை சொந்த ஊராகக் கொண்ட நடிகை மாளவிகா அவருடைய 19 வயதில் சினிமாவில் நடிக்க துவங்கினார். அவர் ஐஸ்வர்யா மற்றும் பிரிகேடியர் ஜெய்விபவ் கொன்னூருக்கு பெங்களூரில் பிறந்தார் .
மாளவிகா மார்ச் 2007 இல் சுமேஷ் என்பவரை மணந்தார். தம்பதியருக்கு ஆரவ் மற்றும் அன்யா என இரண்டு குழந்தைகள் உள்ளனர். ஆரவ் 2008 இல் பிறந்தார், அன்யா 2010 இல் பிறந்தார்.
உன்னைத் தேடி படத்தில் அறிமுகம்
நடிகை மாளவிகா 1999 ஆம் ஆண்டு சுந்தர். சி இயக்கிய உன்னைத் தேடி என்ற தமிழ் திரைப்படத்தில் நடிகையாக அறிமுகமானார். இந்த படத்தில் அஜித்துக்கு ஜோடியாக மாளவிகா நடித்து இருந்தார்.
முதல் படமே மாபெரும் வெற்றி பெற்றது. அதன் பிறகு ஆனந்த பூங்காற்றே, வெற்றிக்கொடி கட்டு, ஐயா, சந்திரமுகி, வசூல்ராஜா எம்பிபிஎஸ் போன்ற படங்கள் நல்ல வரவேற்பை பெற்றது. ஆனால், தமிழில் போதிய வாய்ப்புகள் கிடைக்காததால், சில படங்களில் நடித்துவிட்டு தெலுங்கிற்கு மாறினார் மாளவிகா. இதற்கிடையில் தமிழில் சூர்யா நடித்த பேரழகன் படத்தில் ஒரு பாடலுக்கு நடனமாடினார்.
சிறப்பு பாத்திரங்கள் மட்டுமே நடித்தார்
அதன் பிறகு சில தமிழ் படங்களில் நடித்தார். பின்னர் தெலுங்கு, இந்தி மொழிகளில் வாய்ப்பு வந்தது. 2007 ஆம் ஆண்டுக்குப் பிறகு வாய்ப்புகள் பறிபோயின. 2009 ஆம் ஆண்டு வரை சிறப்பு பாத்திரங்கள் மட்டுமே நடித்தார்.
சித்திரம் பேசுதேடி படத்தில் வாலா மீனுக்கும் வலங்கு மீனுக்கும் என்ற பாடலில் நடனமாடினார். பாடல் பெரிய ஹிட்டானது. மேலும் இந்த பாடல் அப்போது ட்ரெண்டிங்கில் இருந்தது. திருட்டுப்பயலே படத்தில் நெகட்டிவ் ரோலில் நடித்தார். இப்படம் பாக்ஸ் ஆபிஸில் நல்ல வெற்றியைப் பெற்றது.
திருமணம்
இந்த படத்திற்குப் பிறகு, மும்பையில் வசிக்கும் சுமேஷ் மேனனை இவர் திருமணம் செய்து கொண்டார். இவர்களுக்கு ஒரு மகன் மற்றும் ஒரு மகள் உள்ளனர். திருமணம் செய்து கொண்ட பிறகு சினிமாவிலிருந்து விலகி இருந்த மாளவிகா, அவ்வப்போது சமூக வலைத்தள பக்கத்தில் அவரது போட்டோக்களையும் வீடியோக்களையும் பதிவிட்டு வருகிறார்.
சினிமாவை விட்டு விலக காரணம்
படத்திலிருந்து விலகியதற்கான காரணத்தை மாளவிகா ஒரு நேர்காணலில் தெரிவித்திருபார். அதில், நடிகை மாளவிகா கூறுகையில், " நான் சினிமாவை விட்டு விலகுவேன் என்று நினைக்கவே இல்லை. திருமணத்திற்கு பிறகும் பல படங்களில் கமிட்டாகி இருந்தேன். அப்போது நான் கர்ப்பமாக இருந்ததால் என்னால் படங்களில் நடிக்க முடியாது என சொல்லிவிட்டேன்.
பின்னர் திரும்ப வந்துவிட்டேன். அதனால் தான் என்னால் நடிக்க முடியவில்லை. "சிறு வயதிலிருந்தே படங்களில் நடிப்பது எனக்கு மிகவும் பிடிக்கும், அதனால் மாடலிங் மற்றும் விளம்பரங்களில் நடிக்க ஆரம்பித்தேன். அதன்பிறகு தான் படங்களில் நடிக்கும் வாய்ப்பு கிடைத்தது “ என்றார்.
இளைஞர்களின் கனவு கன்னியாக திகழ்ந்த நடிகை மாளவிகா பிறந்தநாள் இன்று. இன்றைய தினம் அவருக்கு வாழ்த்து கூறுவோம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்