பிக்பாஸ் வீட்டில் இருந்து இந்த வாரம் வெளியேறும் போட்டியாளர்கள் யார்? இவருக்கு தான் ஓட்டுகள் அதிகமாம்!

டிஆர்பி ரேட்டிங்கில் சரிவு

பிக்பாஸ் தமிழ் சீசன் 8 நிகழ்ச்சி கடந்த அக்டோபர் மாதம் பிரமாண்டமாக ஆரம்பிக்கப்பட்டது. கடந்த 2 மாதங்களை கடந்து வெற்றிகரமாக ஒளிபரப்பாகி வரும் இந்நிகழ்ச்சியில் தற்போது 13 போட்டியாளர்கள் விளையாடி வருகின்றனர். இன்னும் ஒரு மாதத்தில் நிகழ்ச்சி நிறைவடையவுள்ளதால் பரபரப்பாக சென்றுக் கொண்டிருக்கின்றது. கடந்த 7 சீசன்கள் வெற்றிகரமாக நடத்தி முடித்த பிக்பாஸ் நிகழ்ச்சி தற்போது டிஆர்பி ரேட்டிங்கில் சரிவை கண்டுள்ளது.

இன்னும் ஒரு மாதத்தில் நிகழ்ச்சி முடிவுக்கு வரவுள்ள நிலையில் தீபக், முத்துக்குமரன், விஜே விஷால், அருண் பிரசாத், ஜெஃப்ரி, ரஞ்சித், ராணவ், ரயான், சௌந்தர்யா, ஜாக்குலின், அன்ஷிதா, பவித்ரா, மஞ்சரி ஆகிய 13 போட்டியாளர்கள் மட்டுமே எஞ்சி உள்ளனர்.

வெளியேற்றப்பட்ட போட்டியாளர்கள் 

முன்னதாக, ரவீந்தர் சந்திரசேகர், தர்ஷா குப்தா, சுனிதா, அர்னவ், ரியா,வர்ஷினி வெங்கட், மற்றும் சிவகுமார், ஆனந்தி, சாச்சனா ஆகியோர் வெளியேற்றப்பட்ட நிலையில், கடந்த வாரம் தர்ஷிகாவும், சத்யாவும் வெளியேற்றப்பட்டனர்.

75 நாட்கள் கடந்துவிட்ட நிலையில் இன்னும் வீட்டிற்குள் 13 போட்டியாளர்கள் உள்ளே இருக்கின்றனர். அதிகபட்சமாக இன்னும் நான்கு வாரங்களில் இருக்கும் நிலையில் தொடர்ச்சியாக இன்னும் சில டபுள் எவிக்ஷன் நடக்கவும் வாய்ப்பிருப்பதாக தகவல்கள் வெளியாகி இருக்கிறது.

முத்துக்குமாருக்கு அதிக வாக்குகள்

இந்நிலையில் இந்த வாரம் நாமினேட் செய்யப்பட்டு இருக்கும் போட்டியாளர்களில் முத்துக்குமாருக்கு அதிக வாக்குகளும் ராயன், ரஞ்சித் மற்றும் அன்ஷிதாவிற்கு குறைந்த வாக்குகள் கிடைத்து இருக்கிறது. இதில் நடிகர் ரஞ்சித்தை ஃபேமிலி சுற்று வரை தக்க வைக்க வாய்ப்பு இருப்பதாக தெரிகிறது.

ஃபேமிலி சுற்றில் ரஞ்சித் மனைவியான பிரியா ராமன் உள்ளே வருவார் என எதிர்பார்க்கப்படுகிறது. இதனால் இந்த வாரம் அன்ஷிதா அல்லது ராயன் உள்ளிட்ட இருவரில் ஒருவர் வெளியேற அதிகபட்ச வாய்ப்பு இருப்பதாக தெரிகிறது. டபுள் எவிக்சனாக இருந்தால் இருவரும் வெளியேற வாய்ப்பு இருக்கிறது. ஏற்கனவே ஆட்டத்தின் முதல் வாரங்களிலேயே அன்ஷிதாவை வெளியேற்ற ரசிகர்கள் விருப்பப்பட்டதால் அவருக்கு இந்த வாரம் கடைசியாக கூட இருக்கும் என எதிர்பார்க்கப்படுகிறது.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.