இந்த வாரம் டிஆர்பியில் எந்த சீரியலுக்கு முதல் இடம்.. முதல் இடத்தைத் தொடர்ந்து தக்கவைக்கும் சன் டிவி.. அப்போ விஜய் டிவி?
Serials TRP: இந்த வாரம் டிஆர்பியில் எந்த சீரியலுக்கு முதல் இடம்.. முதல் இடத்தைத் தொடர்ந்து தக்கவைக்கும் சன் டிவி.. அப்போ விஜய் டிவி?
Serials TRP: தமிழ் மக்களுக்கும், சீரியலுக்கு ஒரு பெரிய பந்தம் இருக்கிறது. அந்த இரண்டையும் யாராலும் பிரிக்க முடியாது. காலை ஆரம்பித்து இரவு வரை சீரியல் பார்ப்பது என்பது இன்றும் பல வீடுகளில் நிகழத்தான் செய்கிறது. கடந்த வாரம் தமிழ் சீரியல் பெற்ற புள்ளிகளும் அவற்றின் இடங்களும் இதோ:
கயல்:
சன் தொலைக்காட்சியில் இரவு 7.30 மணிக்கு ஒளிபரப்பாகும் சீரியல், கயல். அக்டோபர் 25, 2021ஆம் ஆண்டு முதல் தொடங்கிய இந்த நெடுந்தொடர் தற்போது வரை வெற்றிகரமாக நடந்து வருகிறது. தந்தையை இழந்து குடும்பத்தின் மொத்த பொறுப்புகளையும் தூக்கி சுமக்கும் மகளாக ’கயல்’ என்னும் இளம் பெண் இருக்கிறார்.
அவர் செய்யும் செயல்களுக்குப் பல்வேறு தடைகள் எழுகின்றன. போதாக்குறைக்கு அவரது திருமணத்தை நிறுத்த அவரது நெருங்கிய சொந்தங்கள் கங்கணம் கட்டிக்கொண்டு செயல்படுகின்றன. அதை எல்லாம் சமாளித்து பிரச்னைகளை முறியடிக்கிறார், கயல்.