9 Years of Indru Netru Naalai: டைம் டிராவல் என்ற புது அனுபவம்! தமிழில் சயின்ஸ் பிக்ஷன் கதைகளுக்கான கதவுகளை திறந்த படம்
டைம் டிராவல் என்ற புது அனுபவத்தை ரசிகர்களுக்கு அளித்ததோடு, தமிழில் சயின்ஸ் பிக்ஷன் கதைகளுக்கான கதவுகளை திறந்த படமாக நேற்று இன்று நாளை உள்ளது.
தமிழில் வெளியான சயின்ஸ் பிக்ஷன் திரைப்படங்களில் முக்கிய படமாகவும், ரசிகர்களின் மனம் கவர்ந்த படமாகவும் இருந்து வருகிறது இன்று நேற்று நாளை. சயின்ஸ் பிக்ஷன் கதையாக இருந்தாலும் காமெடியான திரைக்கதையுடன் உருவாக்கி ரசிக்க வைத்திருப்பார் படத்தின் இயக்குநர் ஆர். ரவிக்குமார். இந்த படம் இவரது அறிமுக படமாகும்.
கலைஞர் டிவியில் ஒளிபரப்பான நாளைய இயக்குநர் நிகழ்ச்சியில் பிரபலமாகி இயக்குநர் ஆனவர்களில் இவரும் ஒருவராக உள்ளார். ஏற்கனவே நாளைய இயக்குநர் நிகழ்ச்சி மூலம் இயக்குநரான நலன் குமாரசாமி இயக்கிய சூது கவ்வும் படத்தில் அவரது உதவியாளராக ஆர். ராம்குமார் பணியாற்றினார். பின்னர் தான் நேற்று இன்று நாளை மூலம் இயக்குநர் ஆனார்.
தமிழ் இலக்கியத்தில் இருந்து உருவான கதை
தமிழில் இலக்கிய வாசிப்பில் ஆர்வம் மிக்கவரான ஆர். ரவிக்குமார், டைம் டிராவல் என்று ஆங்கிலத்திலும், தமிழில் காலம் எந்திரம் என்று அழைக்கப்படும் கடந்த காலம், எதிர்காலம் செல்லும் எந்திரம் என்பதை அடிப்படையாக வைத்து இந்த படத்தின் கதையை உருவாக்கினார்.
இரண்டு நண்பர்களுக்கு டைம் மெஷின் எனப்படும் கால எந்திரம் கிடைக்க அதை வைத்து அவர்கள் தங்களது தேவையை பூர்த்தி செய்ய முயற்சிக்க அதனால் ஏற்படும் விளைவுகளில் இருந்து எப்படி தப்பிக்கிறார்கள் என்பது தான் படத்தின் ஒன்லைன்.
விஷ்ணு விஷால், மியா ஜார்ஜ் ஆகியோர் ஹீரோ, ஹீரோயினாக நடிக்க காமெடி கதாபாத்திரத்தில் கருணாகரன், ஜெயப்பிரகாஷ், பகவதி பெருமாள், முனிஸ்காந்த் உள்பட பலரும் நடித்திருப்பார்கள்.
நடிகர் ஆர்யா சயின்டிஸ்ட் வேடத்தில் சிறிய கேமியோ கதாபாத்திரத்தில் தோன்றியிருப்பார். அவர் தொடர்பான காட்சிகள் சர்பைரஸ் விஷயமாக அமைந்திருக்கும்.
ஹிப் ஹாப் தமிழா ஆதி இசை
படத்தில் ஹிப் ஹாப் தமிழா ஆதி இசையில் காதலே காதலே, நான் தான் ராஜ், இன்று நேற்று நாளை போன்ற பாடல்கள் ஹிட்டானதுடன், அதை படமாக்கிய விதமும் கவரு் விதமாக இருந்தது.
படத்தில் முக்கிய விஷயமாக இருக்கும் சிஜிஐ காட்சிகள், டைம் மெஷின் செட் போன்றவை ரசிகர்களுக்கு புது வித அனுபவத்தை தந்தது. அத்துடன் கடந்த காலம், எதிர்காலம் என செல்லும் திரைக்கதையும் புதுமையான இருந்ததுடன், தமிழ் சினிமாவில் சயின்ஸ் பிக்ஷன் ஜானர் படங்களுக்கான கதவுகளை திறந்துவிட்ட படமாகவும் இருந்தது.
இரண்டாம் பாகம்
இந்த படத்தின் இரண்டாம் பாகம் குறித்து 2021இல் அறிவிக்கப்பட்டது. விஷணு விஷால், கருணாகரன் அதே கதாபாத்திரத்தில் நடிக்க புதுமக இயக்குநர் இயக்குவார் ன தெரிவிக்கப்பட்டது. ஆனால் அதன்பிறகு படம் குறித்த எந்த அப்டேட்டும் இதுவரை வெளியாகவில்லை.
பாக்ஸ் ஆபிஸ் ஹிட்
டைம டிராவல் என்கிற சீரியஸான விஷயத்தா காமெடி கலந்த காட்சிகளுடன் சொன்ன விதத்தில் ரசிகர்களிடம் பாஸ் மார்க் வாங்கிய இந்த படம் பாக்ஸ் ஆபிஸ் வசூலிலும் பட்டையை கிளப்பியது. வீட்டில் இருக்கும் குழந்தைகள் முதல் வயதான முதியவர்கள் வரை அனைவரும் விரும்பி பார்த்து ரசிக்ககூடிய படமாக இருந்த நேற்றும் இன்று நாளை படம் வெளியாகி இன்றுடன் 9 ஆண்டுகள் ஆகிறது.
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
Twitter: https://twitter.com/httamilnews
Facebook" https://www.facebook.com/HTTamilNews
You Tube: https://www.youtube.com/@httamil
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்