விஜய்க்கு எல்லாமே வெற்றி தான்..சீமானிடம் பேசிவிட்டு சொல்கிறேன் - தஞ்சை பெரிய கோயிலில் ஆனந்த ராஜ் பேட்டி

இதையடுத்து, தஞ்சை பெரிய கோயிலில் நடிகர் ஆனந்த ராஜ் சாமி தரிசனம் செய்தார். அதன் பின்னர் செய்தியாளர்களிடம் அவர் அளித்த பேட்டியில் கூறியதாவது, "இந்தியாவுக்கு வரும் அயல்நாட்டினர் எல்லோரும் தமிழ்நாட்டுக்கு வந்து தஞ்சை பெரிய கோயிலை பார்க்க ஆசைப்படுவார்கள், இது கட்டிட கலையுடன் கூடிய சிறப்பு வாய்ந்த ஆலயம். நான் இந்த சாமியை எப்போதும் மதிக்கிறேன். தஞ்சை வந்ததே கடவுளை தரிசிக்கதான்.

அரசியலை விட சினிமா நல்லா இருக்கு

கோயில் அரசியல் பேசலாமா? எனது கட்சி பணியை அதிமுக தலைமை முடிவு செய்யட்டும். தற்போது அரசியலை விட சினிமா நல்லா இருக்கு. அதனால் தான் அரசியலில் இல்லாமல் சினிமாவை பார்த்து வருகிறேன்.

தஞ்சை பெரிய கோயிலை பார்க்க தமிழ் மக்களை விட வட இந்தியர்கள், அயல் நாட்டினர் அதிகமாக இருக்கிறார்கள். இது மிகப்பெரிய பெருமை. என்னைக்கோ இந்த கோயிலை கட்டின ராஜ ராஜ சோழன் பெயர் இன்றளவும் பேசப்படுகிறது. நாமெல்லாம் இறந்த பின்னரும் இந்த கோயில் இருக்கும்.

சீமானிடம் பேசிவிட்டு சொல்கிறேன்

சீமான் - ரஜினி சந்திப்பு பற்றி அவர்கள் இருவரில் யாராவது தான் சொல்ல வேண்டும். அதை அவர்கள் இருவரும்தான் முடிவு செய்ய வேண்டும். இதுபற்றி நிறைய வதந்திகள் போயிட்டு இருக்கு. அவர்களிடம் பேசிய பிறகு சொல்கிறேன்.

சீமானை நடிகராக தான் தெரியும், அரசியல்வாதியாக மாறி இருக்கிறார். இப்போ என்கூட நடிக்கிறார். நயன்தாரா கணவர் விக்னேஷ் சிவன் இயக்கும் எல்ஐகே படத்தில் நடிக்கிறோம். நானும் அவரும் சமீபத்தில் பஞ்சாப் சென்றிருந்தோம். அவருடன் சில விஷயங்களை நேரில் பேசி பின்னர் தெரிவிக்கிறேன்.

விஜய்க்கு எல்லாமே வெற்றி தான்

நடிகர் விஜய்யின் முன்னெடுப்புக்கு மனமார்ந்த வாழ்த்துக்கள். அவர் நடிக்க வந்ததிலிருந்தே வெற்றி தான். நிச்சயமாக அரசியல் அவருக்கு கை கொடுக்கும் என்று நம்புகிறேன்.

எதாவது பேசிவீங்கன்னு நீங்கள் எதிர்பார்க்குறீங்க. நான் பேச வேண்டிய விஷயங்கள் தலைக்கு மேல நிறைய இருக்கு. சட்ட ஒழுங்கு பிரச்னை பற்றி ஒவ்வொரு கட்சிகளும் மாறி மாறி குற்றம்சாட்டி கொள்வார்கள்.

தீய பழக்கங்கள் இல்லாமல் இருந்தால் மகிழ்ச்சி. அட்வைஸ் மாதிரி கெட்ட விஷயம் உலகத்தில் எதுவும் கிடையாது. இளைஞர்கள் கட்டுப்பாட்டுடன் உடலை வைத்துக் கொள்ள வேண்டும். ஆனால் இது என்னோட விருப்பம்" என்று பேசினார்.

ரசிகர்களுடன் செஃல்பி

முன்னதாக, தஞ்சை பெரிய கோயிலில் சாமி தரிசனம் செய்த ஆனந்த ராஜ், கோயில் நிர்வாகம் சார்பில் மாலை அணிவித்து மரியாதை செலுத்தப்பட்டது. இதன் பின்னர் கோயில் வளாகத்தில் ரசிகர்களுடன் செஃல்பி எடுத்து மகிழ்ந்தார். அவரே மக்களிடம் செல்போன் வாங்கி செஃல்பி புகைப்படம் எடுத்துக்கொண்டார். அத்துடன் குரூப் மற்றும் தனியாக நின்றும் புகைப்படம் எடுத்துக்கொண்டார்.

ஆனந்தராஜ் படங்கள்

இந்த ஆண்டில் ஆனந்த ராஜ் நடிப்பில் வித்தைகாரன், உயிர் தமிழுக்கு, வாஸ்கோடாகாமா ஆகிய படங்கள் வெளியாகியுள்ளன. இதையடுத்து எல்ஐகே, சென்னை சிட்டி கேங்ஸ்டர்ஸ் உள்ளிட்ட சில படங்களில் நடித்து வருகிறார்.