தமிழ் சினிமா ரீவைண்ட்: விக்ரம், சிவகார்த்திகேயன், விஜய்சேதபதி சூப்பர் ஹிட்கள்.. மே 1 முந்தைய ஆண்டுகளில் ரிலீசான படங்கள்
மே 1ஆம் தேதி தொழிலாளர் தினம் என்பதால், பொது விடுமுறை நாளான இன்று முந்தைய ஆண்டுகளில் ரஜினிகாந்த், விக்ரம் என முன்னிணி ஹீரோக்களின் படங்கள் வெளியாகியுள்ளன. வெவ்வேறு ஆண்டுகளில் மே 1இல் வெளியாகி ரசிகர்களை கவர்ந்த படங்கள் பற்றி ரீவைண்ட் செய்து பார்க்கலாம்
மே 1, 2025க்கு முன், இதே தேதியில் முந்தைய ஆண்டுகளில் சூப்பர் ஸ்டார் ரஜினிகாந்த் நடித்த தில்லு முல்லு, விக்ரம் நடித்த சாமி, விஜய் சேதுபதி நடித்த சூதுகவ்வும், சிவகார்த்திகேயன் நடித்த எதிர்நீச்சல், பாண்டிராஜ் இயக்கத்தில் வெளியான பசங்க போன்ற படங்கள் வெளியாகியுள்ளன. இந்த படங்கள் பற்றிய சுவாரஸ்ய விஷயங்களை ரீவைண்ட் செய்து பார்க்கலாம்
தில்லு முல்லு
மறைந்த இயக்குநர் சிகரம் பாலசந்தர் இயக்கத்தில் ரஜினிகாந்த், மாதவி, தேங்காய் சீனிவாசன், செளகார் ஜானகி பிரதான கதாபாத்திரத்தில் நடிக்க காமெடி படமாக 1981இல் வெளியான படம் தில்லு முல்லு. தமிழ் சினிமாவில் சிறந்த காமெடி படங்களில் ஒன்றாக இருந்து வரும் தில்லு முல்லு இன்று வரையிலும் கொண்டாடப்படும் படமாக இருந்து வருகிறது.
1979இல் வெளியான இந்தி படமான கோல்மால் ரீமேக்காக உருவாகியிருந்த இந்த படத்தில் இரண்டு விதமான கெட்டப்புகளில் ரஜினி சிறப்பான நடிப்பை வெளிப்படுத்தி வயிறு குலுங்க சிரிக்க வைத்திருப்பார். தேங்காய் சீனிவாசனின் எதார்த்த நடிப்பு அனைவரையும் வெகுவாக கவர்ந்தது. கமல்ஹாசன் க்ளைமாக்ஸில் சிறிய கேமியோ கதாபாத்திரத்தில் தோன்றியிருப்பார். விமர்சக ரீதியாக பாராட்டை பெற்ற இந்த படம் இந்திய சினிமாவின் சிறந்த நடிப்பை பெர்மான்ஸை கொண்ட டாப் 25 படங்களின் ஒன்றாக போர்ஸ் லிஸ்டில் இடம்பிடித்தது.