அடையாளம் தேடும் திறமை.. சூப்பர் சிங்கர் ஜூனியர் சீசன் 10.. உள்ளே நுழைந்த ஏழை பிஞ்சுகள்! - யார் இவர்கள்?

அந்தப்போட்டியில் வெல்லும் போட்டியாளருக்கு பரிசுத்தொகை வழங்கப்படும். கூடவே இந்த நிகழ்ச்சியின் மூலம் கிடைக்கும் பிரபலம் கலைநிகழ்ச்சிகள், திரைத்துறையில் பாடும் வாய்ப்புகள் உள்ளிட்டவற்றையும் வழங்கும் என்பதால், இந்த நிகழ்ச்சியில் பாடும் திறமை கொண்ட தங்களுடைய குழந்தைகளை பாட வைக்க பெற்றோர் போட்டி போடுவர். அந்தப்போட்டியும், குழந்தைகளின் பாடும் திறமையும்தான் இந்த நிகழ்ச்சியை அடுத்தடுத்த சீசன்களுக்கு அழைத்து சென்றது.

"ஒவ்வொரு குரலும் ஒரு கதை சொல்லும்"

இந்த நிலையில், விஜய் டிவி தனது சூப்பர் சிங்கர் ஜூனியர் சீசன் 10 நிகழ்ச்சியை விரைவில் ஒளிபரப்ப உள்ளது. இதில் கலந்துகொள்ள எண்ணற்ற குழந்தைகள் ஆர்வமாக வந்துள்ளனர். இந்தப் போட்டியில் பங்குபெறும் ஒவ்வொரு போட்டியாளருக்கும், ஒரு பின்னணியும் சொல்ல ஒரு நெகிழ்வான கதையும் இருக்கிறது.

இந்த சீசனின் ஒவ்வொரு குழந்தையின் வரவும், ஒரு கதை சொல்ல உள்ளது. அவர்கள் பொருளாதார ரீதியிலும், இன்ன பிற வகைகளிலும் சிரமங்களை சந்தித்து, இந்த நிகழ்ச்சியில் கலந்து கொள்ள வருகிறார்கள். அவர்களுக்கு அவர்களது ஆசிரியர்களும், நண்பர்களும், உறவினர்களும் உதவிகள் செய்து அனுப்பி வைக்கின்றனர். அவர்கள் ஒவ்வொருவரின் கதையும் ஒரு கதை சொல்லும் என்பது உண்மை என்று நிகழ்ச்சி குழு சார்பில் தெரிவிக்கப்பட்டு இருக்கிறது.

‘நசீரின்’

இந்த சீசனின் முதல் ப்ரோமோவில் ராணிப்பேட்டையைச் சேர்ந்த போட்டியாளர் ‘நசீரின்’ பங்கேற்கும் ப்ரோமோவை விஜய் டிவி வெளியிட்டுள்ளது. பள்ளிக்குழந்தைகள் பங்கேற்கும் "பாடுறது பாடுறது யாரு?" என்ற அழகான ப்ரோமோ அனைவரின் கவனத்தையும் ஈர்த்துள்ளது. அதில் நஸிரீன் ஆசிரியர்களும் தலைமை ஆசிரியரும் வருவதாக காட்சிகள் அமைக்கப்பட்டிருக்கின்றன. உண்மையில் நஸிரீன் பள்ளித் தலைமை ஆசிரியர்தான் அந்த குழந்தைக்குப் உதவிசெய்து இந்த போட்டியில் கலந்துகொள்ள அனுப்பியுள்ளார்.

சென்னையை சேர்ந்த சாராஸ்ருதி 

சாராஸ்ருதி மிகவும் ஏழ்மையான குடுப்பதில் பிறந்து வளர்ந்த குழந்தை. ஆனால் திறமை வாய்ந்தவர். தனது பெற்றோருடன் சேர்த்து, வாழ்வாதாரத்திற்காக பாடி வாழ்பவர். அவர் இந்த போட்டியில் கலந்துகொண்டு தன் திறமையை வெளிப்படுத்தி வெற்றிபெற வாழ்த்துவோம்.

விரைவில் விஜய் டிவியில் ஒளிபரப்பாகும் இந்த நிகழ்ச்சியில், இளம் திறமையான பாடகர்கள் தங்கள் குரலால் பார்வையாளர்களை கவரவுள்ளனர். இந்த பிரபல நிகழ்ச்சியின் தொடர்ச்சியாக, புது தலைமுறையின் பாடகர்களை கண்டு ரசிக்க தயாராகுங்கள்!

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.