விருதுகளைப் பெற்று சுமைதாங்கியாக நிற்கும் அர்னவ்.. கிழித்து தொங்கவிட்ட விஜய் சேதுபதி..

பெருமையாக பேசிய அர்னவ்

இதுகுறித்து விஜய் சேதுபதி அர்னவ்விடம் கேள்வி எழுப்புகிறார், இதுகுறித்து பதிலளித்த அர்னவ் இத்தனை விருதுகளையும் பெற்றது பெருமையாக இருக்கிறது எனக் கூறினார். அர்னவ்வின் இந்த வார்த்தையை கேட்டு கடுப்பான விஜய் சேதுபதி, இதில் பெருமைப்பட என்ன இருக்கிறது. விளையாட கொடுத்த நேரத்தை தவறவிட்டுவிட்டு இப்போது பெருமையாக இருக்கிறது எனக் கூறினால் என்ன அர்த்தம் எனக் கேட்டு மிகவும் கடுப்பாகியுள்ளார்.

வெளியேறும் அர்னவ்

ஏற்கனவே, பிக்பாஸ் 2ம் வாரத்தில் வீட்டை விட்டு வெளியேறப் போவது அர்னவ் தான் என செய்திகள் பரவிய நிலையில், அர்னவ்வின் பதில் அதற்கு தகுந்தாற்போல் அமைந்துள்ளது. அதுமட்டுமின்றி, முதல் வாரத்தில் ரவீந்தர் பிக்பாஸ் வீட்டில் இருந்து வெளியேற்றப்பட்டபோது, ஆண்கள் அணி மொத்தமும் ஒன்றுகூடி அவர் மீது பழியைப் போட்டுவிட்டனர். தற்போது அர்னவ் விவகாரத்திலும் இதே செயல் மீண்டும் நடப்பதாக பலரும் கருத்து தெரிவித்து வருகின்றனர்.

சிக்கிய ஜாக்குலின்

முன்னதாக வெளியான ப்ரோமோவில், ஜாக்குலின் தன்னை எல்லாரும் டார்கெட் செய்து பல செயல்களை செய்வதாக குற்றம் சாட்டியிருந்தார். ஜாக்குலினின் குற்றச்சாட்டுகள் எதுவும் நியாயமானது இல்லை எனவும், அவர் முழுக்க முழுக்க செய்து தவறுகளுக்காக மட்டுமே தண்டிக்கப்பட்டார் எனவும் விஜய் சேதுபதி தெரிவிக்கிறார்.

அதை தொடர்ந்து இன்று, ஜாக்குலின் விதிமுறைகளை மீறியது குறித்து பேசப்படுகிறது. இதில் ஜாக்குலின் செய்த தவறு குறித்து விஜய் சேதுபதி ஒவ்வொரு விஷயமாக முன்னெடுத்து வைத்தார். இதனால் இன்றைய எபிசோட் விறுவிறுப்பாக இருக்கும் எனத் தெரிகிறது.

பிக்பாஸ் வீட்டிற்கு என உள்ள விதிகளை மீறியதற்காக உங்களுக்கு தண்டனை கொடுத்துள்ளார்கள். ஆனால் அதனை நீங்கள் டுவிஸ்ட் செய்து , 'என்னை அனைவரும் டார்கெட் செய்கிறார்கள் என்று சொல்வது தவறு எனக் கூறுகிறார். நடந்த விஷயத்தை விசாரித்தால், அதில் உங்களுடைய தவறும் இருக்கிறது என ஜாக்குலினை வெளுத்து வாங்கியுள்ளார் விஜய் சேதுபதி.