Vidaamuyarchi: சன்டிவி.,யில் விடாமுயற்சி திரைப்படம்.. தரமாக இறங்கிய அறிவிப்பு.. எப்போது தெரியுமா?
இது தொடர்பான அதிகாரப்பூர்வ அறிவிப்பு, சன் தொலைக்காட்சியின் எக்ஸ் தள பக்கத்தில் வெளியிடப்பட்டுள்ளது. அதன் படி, ஏப்ரல் 14 ம் தேதி மாலை 6:30 மணிக்கு, விடாமுயற்சி திரைப்படம் திரையிடப்படுகிறது.
அஜித் மற்றும் த்ரிஷா நடிப்பில், மகிழ் திருமேனி இயக்கிய விடாமுயற்சி திரைப்படம், சமீபத்தில் திரைக்கு வந்து கலவையான விமர்சனங்களைப் பெற்றது. இந்நிலையில், வரும் தமிழ் புத்தாண்டு தினமான ஏப்ரல் 14 ம் தேதி, உலக டெலிவிஷன் ப்ரிமியராக சன் தொலைக்காட்சியில், விடாமுயற்சி திரையிடப்படுகிறது.
இது தொடர்பான அதிகாரப்பூர்வ அறிவிப்பு, சன் தொலைக்காட்சியின் எக்ஸ் தள பக்கத்தில் வெளியிடப்பட்டுள்ளது. அதன் படி, ஏப்ரல் 14 ம் தேதி மாலை 6:30 மணிக்கு, விடாமுயற்சி திரைப்படம் திரையிடப்படுகிறது.
32வது ஆண்டு விழா.. சன்டிவியின் ஸ்பெஷல் ட்ரீட்!
தமிழ்புத்தாண்டு சிறப்பு நிகழ்ச்சியாக பல்வேறு பொழுதுபோக்கு அம்சங்களை ஒளிபரப்ப உள்ள சன் தொலைக்காட்சி, அன்றைய தினம் சிறப்பு திரைப்படமாக விடாமுயற்சி திரைப்படத்தை திரையிடுகிறது. அது மட்டுமின்றி, அன்றைய தினம் சன் தொலைக்காட்சியின் 32 ம் ஆண்டு விழா என்பதால், அந்த தினத்தை இன்னும் ஸ்பெஷலாக்க, விடாமுயற்சி திரைப்படத்தை இறக்குகிறது, சன் டிவி நிர்வாகம்.
திரையரங்குகளில் ரிலீஸ் ஆகி, சமீபத்தில் நெட்பிக்ஸ் ஓடிடி தளத்தில் வெளியான விடாமுயற்சி, நிறைய பேர் விரும்பி பார்க்கும் திரைப்படமாக இருந்து வருகிறது. ப்ரேக் டவுன் என்கிற ஆங்கில திரைப்படத்தை தழுவி எடுக்கப்பட்ட விடாமுயற்சி திரைப்படம், இதுவரை இல்லாத அளவிற்கு அஜித்திற்கு புதிய நடிப்பையம், புதுவிதமான ஜானரையும் கொடுத்த படமாகும்.
விடாமுயற்சி உருவானது முதல் வெளியானது வரை
லைகா நிறுவனத்தின் தயாரிப்பில் உருவான இத்திரைப்படம், பல ஆண்டுகளாக தயாரிப்பில் இருந்து, பல்வேறு நிதி சிக்கல்களில் சிக்கி, இறுதியாக கடும் போராட்டத்திற்குப் பின் வெளியானது. ஹாலிவுட் தரத்தில் இருந்தாலும், கதைக்களம் மெதுவாக நகர்ந்ததால், வழக்கமான அஜித் ரசிகர்களின் பாராட்டை பெறத் தவறியது, விடாமுயற்சி.
லைகா நிறுவனத்திற்கு அடுத்தடுத்து வந்த நிதி சிக்கலை தீர்க்கும் என்று எதிர்பார்க்கப்பட்ட விடாமுயற்சி, மேலும் சிக்கலை ஏற்படுத்தியதாக, சினிமா விமர்சகர்களால் பேசப்பட்டது. இருப்பினும் அஜித் படத்திற்கு உரிய ஆரம்ப வசூலில் பிரச்னை இல்லாமல் தப்பியது. தியேட்டர், ஓடிடியை தொடர்ந்து, தமிழர்களின் முக்கிய பண்டிகையான தமிழ் புத்தாண்டு தினத்தில், டிவியில் ஒளிபரப்பாக உள்ள விடாமுயற்சி திரைப்படம், டிஆர்பி.,யில் எந்த அளவுக்கு உதவும் என்பதை பொறுத்திருந்து தான் பார்க்க வேண்டும்.
Stalin Navaneethakrishnan
