சியான் விக்ரமின் 'வீர தீர சூரன்' ஓடிடியில் எப்போது? ரிலீஸ் தேதியை அறிவித்த ஓடிடி நிறுவனம்!

எந்த ஓடிடி, எப்போது ரிலீஸ்?

தமிழ் ஆக்‌ஷன் திரில்லர் 'வீர தீர சூரன்: பாகம் 2' திரைப்படத்தின் ஓடிடி வெளியீட்டு தேதி அதிகாரப்பூர்வமாக அறிவிக்கப்பட்டுள்ளது. இந்தப் படம் அமேசான் பிரைம் வீடியோவில் ஸ்ட்ரீம் செய்யப்படும். பிரைம் வீடியோ தனது சமூக வலைத்தளத்தில் இந்த தகவலைப் பதிவிட்டுள்ளது. 'வீர தீர சூரன்: பாகம் 2' திரைப்படம் ஏப்ரல் 24 முதல் உலகம் முழுவதும் 240க்கும் மேற்பட்ட நாடுகளில் ஸ்ட்ரீம் செய்யப்படும் என்று தெரிவித்துள்ளது. தமிழில் வெளிவந்த இந்தப் படம், கன்னடம், தெலுங்கு, இந்தி, மலையாளம் மொழிகளில் டப் செய்யப்பட்டு ஸ்ட்ரீம் செய்யப்படும்.

வீர தீர சூரன் சர்ச்சை

எஸ்.யு. அருண் குமார் எழுதி இயக்கியுள்ள சர்வைவல் திரில்லர் வகையைச் சேர்ந்த 'வீர தீர சூரன்: பாகம் 2' திரைப்படம், வெளியீட்டிற்கு முன்னர் சில காரணங்களால் சர்ச்சையை ஏற்படுத்தியது. ஒப்பந்தப்படி டிஜிட்டல் ஸ்ட்ரீமிங் உரிமைகளை வழங்காமல் திரைப்படம் வெளியிடப்படுகிறது என்று கூறி, வெளியீட்டில் தடை விதிக்க வேண்டும் என்று B4U டெல்லி உயர்நீதிமன்றத்தை அணுகியது.

மேலும் படிக்க| பிராமணர்கள் குறித்து அவதூறு கருத்து.. நடிகர் அனுராக் காஷ்யப்பின் சர்ச்சை பேச்சு.. வெடிக்கும் போராட்டம்.. நடந்தது என்ன?

இதனால் திரைப்பட வெளியீட்டில் தற்காலிகமாக தடை விதிக்கப்பட்டது. இதனால் தமிழ்நாடு, தெலுங்கு மாநிலங்களுடன் அமெரிக்காவிலும் காலை, மதிய நேர காட்சிகள் ரத்து செய்யப்பட்டன. இறுதியாக தீர்வு காணப்பட்டதால் மார்ச் 27 அன்று மாலை முதல் காட்சியுடன் இந்த படம் வெளியானது. சுமார் ரூ.60 கோடி பட்ஜெட்டில் உருவாக்கப்பட்ட இந்த படம் ரூ.2 கோடி நஷ்டத்தை சந்தித்ததாக வர்த்தக வட்டாரங்கள் தெரிவிக்கின்றன.

கதை என்ன?

வெளியீட்டிற்கு ஒரு மாதத்திற்குள் 'வீர தீர சூரன்' திரைப்படம் ஓடிடிக்கு வருகிறது. இந்தப் படத்தில் சியான் விக்ரம் கதாநாயகனாக நடித்துள்ளார், எஸ்.ஜே. சூர்யா, மலையாள நடிகர் சூராஜ் வெஞ்சாரமூடு, துஷாரா விஜயன், பிருத்விராஜ் உள்ளிட்ட பலர் நடித்துள்ளனர்.

மேலும் படிக்க| 'மகனே டாடி கம்மிங்'.. தெறிக்க தெறிக்க வெளியானது சூர்யாவின் ரெட்ரோ பட ட்ரெயிலர்,, தரமான சம்பவம் வெயிட்டிங்!

அருண் குமார் இயக்கிய 'வீர தீர சூரன்' திரைப்படத்திற்கு ஜி.வி. பிரகாஷ் குமார் இசையமைத்துள்ளார். ஒரு குற்றச் சதி வேலையில் சிக்கி, ஒரு ரகசிய நடவடிக்கைக்காக வேலை செய்யும் ஒரு பலசரக்குக் கடை உரிமையாளரான காளி என்பவரின் கதையே இந்தப் படம். இந்தப் படத்தில் விக்ரமின் ஆக்‌ஷன் அருமையாக உள்ளது. திரில்லான காட்சிகளும் குறைவில்லை. ஆனால் எதிர்பார்த்த அளவுக்கு இந்தப் படம் வெற்றி பெறவில்லை.