Vanitha vijayakumar: “நாங்க உனக்கு செம்பா…? ரொம்ப ரொம்ப தப்பு பண்ற.. பிரியங்கா நல்ல பொண்ணு” -மணிமேகலையை வெளுத்த வனிதா!

பிரச்சினையை வெடிக்க வைத்த மணி!

இந்த நிலையில் பலரும் மணிமேகலைக்கு ஆதரவாக குரல் கொடுத்த நிலையில், குரேஷி உள்ளிட்ட சிலர் பிரியங்காவிற்கு ஆதரவாக குரல் கொடுத்தனர். இந்த நிலையில், அதற்கெல்லாம் பதிலடி கொடுக்கும் விதமாக, மணிமேகலை அண்மையில் தன்னுடைய யூடியூப் சேனலில் வெளியிட்ட ஒரு வீடியோவில், செம்பை காண்பித்து, பிரியங்காவிற்கு ஆதரவாக நின்றவர்களை மறைமுகமாக கிண்டல் அடித்திருந்தார். இதற்கு தற்போது மாகாபா, டி.ஜே ப்ளாக் உள்ளிட்டோர் எதிர்வினை ஆற்றி இருக்கின்றனர். இந்த நிலையில் இந்த விவகாரம் குறித்து வனிதா விஜயகுமார் பேசி இருக்கிறார்.

சென்னையில் பட நிகழ்வு ஒன்றில் இது குறித்து பேசிய அவர், “

தவறு கிடையாது

“எல்லோருக்குமே சுயமரியாதை என்பது மிக மிக முக்கியம். அது யாராக இருந்தாலும் சரி, அப்படித்தான் நாம் இன்று வாழ்ந்து கொண்டிருக்கிறோம். அப்படித்தான் வாழ வேண்டும். ஆனால், சுயமரியாதை எனக்கு இருக்கிறது என்பதற்காக, இன்னொருவரை தாழ்த்துவது மிகவும் தவறான விஷயம். பிக் பாஸ் நிகழ்ச்சியில் இருந்தும், ஜோடி நிகழ்ச்சியில் இருந்தும் நானும் வெளியே வந்து இருக்கிறேன். அதனால், என்னை பொறுத்தவரை ஒரு நிகழ்ச்சியில் இருந்து வெளியே வருவது என்பது தவறே கிடையாது.

நமக்கு தகுந்த மரியாதை இருக்கும் இடத்தில்தான் நாம் இருக்க வேண்டும். ஒரு இடத்தில் நமக்கு மரியாதை இல்லை என்றால், நாம் அந்த இடத்தில் இருக்க கூடாது. அதுதான் சரி. மணி, பிரியங்கா என இருவருமே சுயமரியாதை கொண்டவர்கள் தான். மணிமேகலையை எனக்கு குக் வித் கோமாளி சீசன் 1 -ல் இருந்து தெரியும். அவள் ஒரு அடாவடி கேரக்டர். அவளுடைய கணவரையே அவள் வாடா போடா என்று தான் பேசுவாள். பிரியங்காவையும் எனக்கு நன்றாகவே தெரியும். அவளை எனக்கு மிகவும் பிடிக்கும். அவள் பழகும் விதத்தில் நல்ல பெண். நாம் திட்டினால் கூட வாங்கிக் கொள்ளக்கூடிய கேரக்டர் தான்.ஆனால், மணிமேகலை பிரியங்காவிற்கு ஆதரவாக குரல் கொடுக்கும் எங்களைப் போன்றோரை செம்பு என்று விமர்சிப்பது தவறு.

நீ செம்பையெல்லாம் தூக்கிப் போடுவதை நான் பார்த்தேன். நீ வளர்ந்து வருகிற ஒரு பெண். உனக்கு நல்ல கணவர் அமைந்திருக்கிறார். உன்னுடைய வாழ்க்கை தற்போது நன்றாக இருக்கிறது. அப்படி இருக்கும் பொழுது, இன்னொருவருடைய கேரக்டரை பற்றி மற்றொருவர் தவறாக பேசும் பொழுது, அதை நீ ரசிக்காதே. உண்மையில் சொல்லப்போனால் என்னுடைய அப்பா தான் செம்பை தூக்கி அடிக்க வேண்டும் ஏனென்றால் அவர்தான் நாட்டாமை.” என்று பேசினார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.