‘போதை… போதை.. போதை.. 7 நாட்கள் தொடர்ச்சியா தூங்குனேன்..கொஞ்ச நாளைக்குதான் தாங்கும்னு சொல்லி..சொறிநாய் படாத பாடு’ -பாலா!

இந்தத்திரைப்படம் வருகிற பொங்கல் பண்டிகையையொட்டி திரைக்கு வருகிறது. இந்த நிலையில், அந்த படம் தொடர்பாக பாலா, பிஹைண்ட்வுட்ஸ் யூடியூப் சேனலுக்கு பேட்டி கொடுத்து இருக்கிறார். அதில் அவர் அவரின் பல்வேறு பர்சனல் விஷயங்களை அவர் ஷேர் செய்திருக்கிறார்.

அதில் அவர் பேசும் போது, ‘எனக்கு உடலுக்கு கேடுவிளைவிக்கக்கூடிய சில தவறான பழக்க வழக்கங்கள் இருந்தன. ஒரு கட்டத்தில் நான் அதன் உச்சத்தை தொட்டேன். விளைவு, உடல்நிலை மோசமாகி நிலைதடுமாற ஆரம்பித்து விட்டேன். என் குடும்பத்தினர், இன்னும் கொஞ்ச நாட்கள்தான் இருக்கப்போகிறான். அவன் இஷ்டப்படி இருந்து விட்டு போகிறான் என்று பெரிதாக கண்டுகொள்ளவில்லை.

7 நாட்கள் தூக்கம்

ஒரு முறை உடல்நிலை மோசமாகி மருத்துவமனையில் என்னை அனுமதித்திருந்த போது, போதையில் கிட்டத்தட்ட 7 நாட்கள் தூங்கிக்கொண்டே இருந்தேன். நான் விழித்த பார்த்த போது என்னிடம் அதைச் சொன்னார்கள். அந்த நேரம்தான் இந்த சனியனை எப்படியாவது விட வேண்டும் என்று முடிவெடுத்து விட்டேன்.

இதற்கிடையே, வாழ்க்கையில் என்ன செய்யப் போகிறோம் என்ற கேள்வி வந்தது. படிப்பு பெரிதாக இல்லை. அப்போது, சினிமாவில் யார் வேண்டுமென்றாலும் சேரலாம்; உழைப்பு மட்டும் இருந்தால் போதும் என்பது தெரிந்தது. இதையடுத்துதான் நான் சினிமாவிற்கு முயற்சி செய்தேன். பாலு மகேந்திராவிடம் தான் சேர வேண்டும் என்று கிட்டத்தட்ட மூன்று வருடங்களாக போராடி, அவருடன் உதவி இயக்குனராக சேர்த்தேன்.

சினிமாவிற்கு சேரும் பொழுது நாய் படாத பாடு பட போகிறேன் என்று நினைத்தேன். என் நண்பனிடம் இதுகுறித்து கேட்டேன். அவன் நீ நாய் படாத பாடு பட மாட்டாய்; சொறி நாய் படாத பாடு படுவாய் என்றான்; உண்மையில் நிலைமை அதைவிட மோசமாக இருந்தது.’ என்று பேசினார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.