நயன்தாராவுக்கு முதல்ல தைரியம் இருக்கா? வலைபேச்சு சவாலை எப்படி சமாளிப்பார் லேடி சூப்பர் ஸ்டார்?

இதற்கு ஒப்புக் கொண்ட பிறகு தான் படத்தில் நடிக்கிறார். இவர் ரஜினியுடன் நடித்த அண்ணாத்த படத்தில் லேடி சூப்பர் ஸ்டார் என்ற பட்டத்தை படத்தில் பயன்படுத்த முடியாது என கூறிவிட்டனர்.

டார்ச்சர் கொடுத்த நயன்தாரா

இதனால் டென்ஷனான நயன்தாரா, அந்த படத்தின் இயக்குநர் சிறுத்தை சிவாவிடம் டார்ச்சர் செய்து பின்னர் அவர் நினைத்தபடியே பட்டத்தையும் போட்டுக்கொண்டார். ஆனால், அவர் அளித்த பேட்டியில் தான் இயக்குநர்களிடமும் தயாரிப்பாளர்களிடமும் லேடி சூப்பர் ஸ்டார் பட்டத்தை பயன்படுத்த வேண்டாம் என கேட்டுக் கொள்வதாகவும், ஆனால், அவர்கள் தன்னை மீறி படங்களில் தன்னை லேடி சூப்பர் ஸ்டார் என குறிப்பிடுகின்றனர் என கூறி இருந்தார் என விமர்சித்தனர்.

நயன்தாராவுக்கு சவால்

மேலும் இதுகுறித்து பேசிய வலைபேச்சு குழுவினர், நயன்தாரவுடன் படம் எடுக்கும் நபர்களுக்குத் தான் தெரியும் அவருடன் வேலை செய்வது எவ்வளவு கஷ்டம் என்று. ஒருவேளை நயன்தாரா சொல்வது தான் உண்மை என்றால் அவர் கடைசியாக நடித்த 10 படங்களின் அக்ரிமெண்ட்டை பொது வெளியில் வெளியிட வேண்டும். இதை நயன்தாரா செய்வரா என்றும் சவால் விட்டுள்ளனர்.

வலைபேச்சு குழுவினரை தாக்கிய நயன்தாரா

முன்னதாக, நயன்தாரா அளித்த பேட்டியில், நயன்தாரா, தன்னைப் பற்றி அவதூறு பரப்பும் யூடியூப் பக்கங்கள் குறித்தும் விமர்சனங்களை முன்வைத்தார். ஒரு 3 பேர் குழு இருக்கிறது. அவர்கள் மிகவும் வேடிக்கையானவர்கள். அவர்களின் 50 வீடியோக்களில் 45 என்னைப் பற்றியதாக்த்தான் இருக்கும். நான் அவர்களை 3 வகையான குரங்குகளாகத் தான் பார்க்கிறேன். அப்படி சொல்வதற்கு என்னை மன்னிக்கவும். அந்த குரங்குகளில் ஒன்று கெட்டதை மட்டும் தான் பார்க்கும், ஒன்று கெட்டதை மட்டும் தான் கேட்கும், ஒன்று கெட்டதை மட்டும் தான் சொல்லும்.

என்னை வைத்து சம்பாதிக்கிறார்கள்

இவர்கள் மிகவும் பிரபலமானவர்கள். இவர்கள் ஏன் என்னைப் பற்றி எப்பொழுதும் அவதூறு பரப்புகின்றனர் என்ற கேள்வி எனக்குள் எழுந்துகொண்டே இருக்கும். பின்னர் எனக்கு தெரிந்தவர்களிடம் இவர்களைப் பற்றி விசாரிக்கையில், இப்படி என்னைப் பற்றி பேசுவதால் அவர்களுக்கு நல்ல வருமானம் கிடைப்பதாக சொன்னார். அவர்கள் என் பெயரை வைத்து சம்பாதித்தால் அதில் எனக்கு ஒன்றும் பிரச்சனை இல்லை. அவர் என்னை பற்றி மட்டும் இல்லை யாரைப் பற்றியும் பேசி சம்பாதிப்பார்கள்.

வேடிக்கையாக இருக்கிறது

அவர்கள் வீடியோவைப் பார்க்கும் போதெல்லாம் சிரிப்பு தான் வரும். அவர்கள் எல்லாம் என் அப்பா போலவும், என் வாழ்க்கையில் நடந்த எல்லா விஷயங்களையும் என் பக்கத்தில் நாற்காலி போட்டு அமர்ந்து பார்த்தது போலவும் பேசுவார்கள், இதை எல்லாம் பார்க்கும் போது எனக்கு வேடிக்கையாக உள்ளது எனக் கூறியுள்ளார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல், பொருள் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.