Vengal Rao: கண்டு கொள்ளாத சினிமா.. கை, கால் விழுந்து சிரமப்படும் வடிவேலு பட நடிகர்
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  Vengal Rao: கண்டு கொள்ளாத சினிமா.. கை, கால் விழுந்து சிரமப்படும் வடிவேலு பட நடிகர்

Vengal Rao: கண்டு கொள்ளாத சினிமா.. கை, கால் விழுந்து சிரமப்படும் வடிவேலு பட நடிகர்

Aarthi Balaji HT Tamil Published Jun 25, 2024 09:39 AM IST
Aarthi Balaji HT Tamil
Published Jun 25, 2024 09:39 AM IST

Vengal Rao: வடிவேலுவுடன் தலையில் இருந்து கை எடுத்தால் கடிப்பியா என்ற காமெடி மூலம் பிரபலமான வெங்கல் ராவ் உடல்நிலை சரியில்லாமல் சிரமப்பட்டு வருகிறார்.

கண்டு கொள்ளாத சினிமா.. கை, கால் விழுந்து சிரமப்படும் வடிவேலு பட நடிகர்
கண்டு கொள்ளாத சினிமா.. கை, கால் விழுந்து சிரமப்படும் வடிவேலு பட நடிகர்
Share on Whatsappஎங்களை பின் தொடரலாம்
  • Share on Twitter
  • Share on Facebook

Vengal Rao: வடிவேலுவுடன் பல படங்களில் நடித்த வெங்கல் ராவ் உடல்நிலை சரியில்லாமல் வீடியோ வெளியீட்டு உதவி கேட்டு உள்ளார்.

கோலிவுட்டின் நகைச்சுவை ஜாம்புவானாக வலம் வருபவர் வைகைப்புயல் வடிவேலு. இவர் சினிமாவில் நடிக்காத காலங்களில் கூட ட்ரெண்டிங்கில் இருந்தார். ஏற்கனவே நடித்த படங்கள் வைத்து மீம்ஸ் மூலம் வாழ்ந்து கொண்டே இருந்தார்.

வடிவேல் மூலமாக ஏகப்பட்ட நபர்கள் சினிமாவில் நுழைந்து இருக்கிறார்கள். அவருடன் காமெடி வேடங்களில் நடித்து இன்று நல்ல நிலையில் இருப்பவர்களும் உண்டு, இருக்கும் இடம் தெரியாமல் காணாமல் போனவர்களும் உண்டு. 

யார் இந்த வெங்கல் ராவ்

அந்த பட்டியலில் ஒருவர் தான், வெங்கல் ராவ். இவர் வடிவேலுவுடன் எண்ணற்ற படங்களில் நடித்து இருக்கிறார். 

அந்திர மாநிலத்தை பூர்விகமாக கொண்டவர் தான் வெங்கல் ராவ். இவர் 25 ஆண்டுக்கு மேலாக ஃபைட் மாஸ்டராக தமிழ் சினிமாவில் பணியாற்றி வந்து உள்ளார். அதற்கு பிறகு உடல் ஒத்துழைக்காத காரணத்தினால் நடிப்பு பக்கம் வந்து இருக்கிறார்.

தலையில் இருந்து கை எடுத்தால் கடிப்பியா

கோலிவுட்டில், நீ மட்டும் படம் மூலம் நகைச்சுவை நடிகராக அறிமுகமானார். இவர் வடிவேலுவுடன் பல படங்களில் நடித்து இருக்கிறார். குறிப்பாக தலையில் இருந்து கை எடுத்தால் கடிப்பியா என்ற காமெடி இன்றும் மக்களை சிரிக்க வைக்கிறது. வெங்கல் ராவின் நடிப்பு அதில் பேசப்பட்டது.

இப்படி இருந்த நிலையில் கடந்த 2022 ஆம் ஆண்டு வெங்கல் ராவ் சிறுநீரகக் கோளாறு காரணமாக தனது சொந்த ஊரான விஜயவாடாவில் உள்ள அரசு மருத்துவமனையில் தீவிர சிகிச்சை பிரிவில் அனுமதிக்கப்பட்டார்.

நாய் சேகர் ரிட்டன்ஸ்

பிறகு நீண்ட இடைவெளிக்கு பிறகு சுராஜ் இயக்கத்தில் வெளியான நாய் சேகர் ரிட்டன்ஸ் படத்தில் நடித்து இருந்தார். அத்துடன் எங்கு சென்றார் என்றே தெரியவில்லை. 

இந்நிலையில் வெங்கல் ராவ் தனக்கு உடல்நிலை சரியில்லை என்றும் தனக்கு பணம் கொடுத்து உதவி செய்ய வேண்டும் என வேண்டுகோள் விடுத்து உள்ளார். இது தொடர்பாக அவர் வீடியோ வெளியீட்டு இருக்கிறர். 

அதில், "“எல்லாருக்கும் வணக்கம். நான் வெங்கல் ராவ். எனக்கு கை, கால் விழுந்திடுச்சு. என்னால நடக்க முடியல, பேசவும் முடியவில்லை. சிகிச்சை எடுக்க மருத்துவமனைக்கு செல்ல கூட பணம் இல்லை. மருந்து கூட வாங்க முடியவில்லை.

சினிமா நடிகர்கள், சங்கங்கள் எனக்கு உதவி செய்யுங்க. உங்களால முடிந்த உதவி செய்தால் கூட போதும். இதற்கு மேல என்னால பேச முடியவில்லை " என உருக்கமாக பேசி உள்ளார். நடிகர்கள், நடிகைகள் அவருக்கு உதவ வேண்டும் என ரசிகர்கள் கோரிக்கை வைத்து உள்ளனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.