'ஒன்றிணைந்து செயல்படுவோம்' தமிழ்நாட்டை உலக அரங்கில் உயர்த்திட அஜித்துக்கு வாழ்த்து தெரிவித்த உதய நிதி ஸ்டாலின்!
உலக அளவில் பிரசித்த பெற்ற கார் பந்தயத்தில் பங்கேற்க உள்ள நடிகர் அஜித் குமாருக்கு துணை முதல்வர் உதய நிதி ஸ்டாலின் வாழ்த்து தெரிவித்துள்ளார்.
தமிழில் கோடிக்கணக்கான ரசிகர்களை கொண்டிருக்கும் நடிகராக இருந்து வரும் அஜித்குமார் தற்போது விடா முயற்சி, குட் பேட் அக்லி ஆகிய படங்களில் நடித்து வருகிறார். இதற்கிடையில் உலக அளவில் பிரசித்த பெற்ற கார் பந்தயத்தில் பங்கேற்க உள்ள நடிகர் அஜித் குமாருக்கு துணை முதல்வர் உதய நிதி ஸ்டாலின் வாழ்த்து தெரிவித்துள்ளார். இது குறித்து அவர் வெளியிட்டுள்ள எக்ஸ் தள பதில் கூறி இருப்பதாவது,
"உலக அளவில் சிறப்புக்குரிய 24H Dubai 2025 & The European 24H Series Championship - Porsche 992 GT3 Cup Class கார் பந்தயத்தில் பங்கேற்கவுள்ள நடிகரும், நண்பருமான அஜித்குமார் சார் அவர்களுக்கு எங்களுடைய மனமார்ந்த வாழ்த்துகளைத் தெரிவித்துக் கொள்கிறோம்.
நம்முடைய SportsTN (SDAT) Logo-வை ‘அஜித்குமார் ரேசிங்’ யூனிட்டின், கார், ஹெல்மெட் மற்றும் பந்தயம் தொடர்பான உபகரணங்களில் காட்சிப்படுத்தப்பட்டுள்ளதை அறிந்து மட்டற்ற மகிழ்ச்சி அடைந்தோம்.