2024-ல் அடித்து ஆடிய பவர்ஃபுல் வில்லன்கள் யார் யார் தெரியுமா? எதிர்பாராததை எதிர்பார்.. மாஸ் ஆன லிஸ்ட்..
2024ம் ஆண்டில் வெளிவந்த படங்களில் தனது நடிப்பின் மூலம் சிறந்த வில்லத் தனத்தை வெளிப்படுத்திய நடிகர்கள் யார் யார் என்பதைப் பார்க்கலாம்.
திரைப்படங்களில் ஹீரோக்களுக்கு நல்ல பெயரை வாங்கித் தருபவர்கள் வில்லன்கள் தான். வில்லன் எந்த அளவு பலசாலியாக இருக்கிறானோ அந்த அளவுக்கு ஹீரோவுக்கான மாஸ் அதிகமாக இருக்கும். இருந்தாலும், தற்போது வில்லன் கதாப்பாத்திரங்களில் மாஸ் நடிகர்களே நடிக்க ஆசைப்படுகின்றனர். அவர்களால் அந்த கதாபாத்திரங்கள் இன்னும் பவர் ஃபுல்லாக மாறி விடுகிறது. இந்நிலையில், இந்த ஆண்டு (2024) தனது மாஸ் வில்லத்தனத்தால் மிரட்டிய நட்சத்திர ஹீரோக்கள் யார் யார் என்பதை இங்கே பார்க்கலாம்.
ஆர்.மாதவன் - சைத்தான்
பாலிவுட் பிளாக்பஸ்டர் ஹாரர் த்ரில்லர் படமான சைத்தான் படத்தில் தனது வில்லத்தனத்தால் மிரட்டுகிறார் மாதவன். அஜய் தேவ்கன் மற்றும் ஜோதிகா நடித்த சைத்தான் படத்தில் வனராஜ் காஷ்யப் என்ற கதாபாத்திரத்தில் மாதவன் நடித்தார். 2024 படங்களில் வனராஜ் காஷ்யப்பாக மாதவனின் நடிப்பை யாரும் அவ்வளவு எளிதில் மறந்துவிட முடியாது.
கமல்ஹாசன் - கல்கி கி.பி 2898
நடிகர் பிரபாஸ் நடிப்பில் உருவாகியுள்ள 'கல்கி' திரைப்படம் 'கல்கி'. நாக் அஸ்வின் இயக்கிய கல்கி படத்தில் கமல்ஹாசன் சக்திவாய்ந்த யாஸ்கின் கதாபாத்திரத்தில் நடித்தார் என்பது நாம் அறிந்ததே. கமல்ஹாசன் ஒரு சில காட்சிகளில் தோன்றினாலும் தனது தனித்துவமான நடிப்பால் திகிலூட்டும் வேலையை செய்திருப்பதாக அறியப்படுகிறது.
பாபி தியோல் - கங்குவா
பாலிவுட்டின் டாப் ஹீரோ பாபி தியோல், நடிகர் சூர்யா நடித்த அதிரடி ஃபேன்டஸி திரைப்படமான காங்குவா படத்தில் முக்கிய வில்லன் உதிரன் கதாபாத்திரத்தில் நடித்துள்ளார். இந்தியில் ஒரு காலத்தில் ஸ்டார் ஹீரோவாக இருந்த பாபி தியோல், ஓடிடி வெப் சீரிஸான ஆஷ்ரத்தில் நடித்தார். இதையடுத்து அனிமல் படத்தில் வில்லனாக நடித்து நல்ல பெயரை எடுத்ததை அடுத்து காங்குவா திரைப்படத்தில் மீண்டும் அவரது வில்லத்தனத்தை வெளிப்படுத்தினார்.
அர்ஜுன் கபூர் - சிங்கம் அகைன்
பாலிவுட்டின் அதிரடி நட்சத்திர இயக்குனராக இருப்பவர் ரோஹித் ஷெட்டி. இவரது சிங்கம் அகைன் திரைப்படத்தில் அஜய் தேவ்கன், அக்ஷய் குமார், ரன்வீர் சிங், டைகர் ஷெராஃப், தீபிகா படுகோனே மற்றும் கரீனா கபூர் போன்ற நட்சத்திர பட்டாளமே நடித்தது. இந்தப் படத்தில் தயாரிப்பாளரும் நடிகருமான அர்ஜூன் கபூர் வில்லனாக நடித்து அசத்தி இருப்பார். இந்தப் படத்தால் பாலிவுட்டில் இவரது மார்க்கெட்டும் அதிகரித்துள்ளது.
ஜாக்கி ஷெராஃப் - பேபி ஜான்
கீர்த்தி சுரேஷ், வருண் தவான் நடிப்பில் உருவாகியுள்ள படம் பேபி ஜான் திரைப்படம் தமிழ் இயக்குனர் அட்லீயின் தெறி படத்தின் தழுவல் ஆகும். இந்தப் படத்தில் பவர்ஃபுல் வில்லனாக நடித்துள்ளார் ஜாக்கி ஷெராஃப். இந்தப் படம் வரும் டிசம்பர் 25 ஆம் தேதி வெளியாக உள்ளது. பேபி ஜானில் வித்தியாசமான கதாபாத்திரத்தின் மூலம் கவர்ந்த ஜாக்கி ஷெராஃப் ஒரு சீனியர் ஸ்டார். 1980களில் பல படங்களில் நடித்து நட்சத்திர அந்தஸ்தைப் பெற்றார்.
சுனில் குமார்- ஸ்ட்ரீ 2
பாலிவுட்டில் 2024 ஆம் ஆண்டின் மிகப்பெரிய பிளாக்பஸ்டர் திகில் நகைச்சுவை படம் என்ற சாதனையை படைத்துள்ளது ஸ்ட்ரீ 2. ஷ்ரத்தா கபூர், ராஜ்குமார் ராவ் மற்றும் பங்கஜ் திரிபாதி ஆகியோர் முக்கிய கதாபாத்திரங்களில் நடித்துள்ள ஸ்ட்ரீ 2 படத்தில் சுனில் குமார் வில்லன் சர்க்கார் கதாபாத்திரத்தில் நடித்தார். 7.7 அடி உயரமான சுனில் குமார் மல்யுத்த வீரர் என்பது குறிப்பிடத்தக்கது.
டாபிக்ஸ்